شي جينپيڭ چەحيانىڭ زۇڭتۇڭى زەمانمەن تەلەفوندا سويلەستى
2021.07.08 18:39 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 7 - كۇنى، بەيجيڭ. مەملەكەت ءتوراعاسى شي جينپيڭ 7 - ايدىڭ 7 - كۇنى كەشتە چەحيانىڭ زۇڭتۇڭى زەمانمەن تەلەفوندا سويلەستى.
شي جينپيڭ بىلاي دەپ دارىپتەدى: قازىر حالىقارالىق جاعدايدا كۇردەلى دە تەرەڭ وزگەرىستەر تۋىلۋدا، ادامزات قوعامى جاڭا تيپتى ايدارشا ۆيرۋس وكپە قابىنۋ ىندەتى سياقتى ورتاق سايىستارعا ءدوپ كەلىپ وتىر، جۇڭگو - چەحيا قاتىناسىن ويداعىداي قورعاۋ، ويداعىداي دامىتۋ بەيبىت دامۋ، سەلبەسىپ تەڭ يگىلىككە كەنەلۋ سىندى ءداۋىر اعىمىنا ۇيلەسەدى، ەكى ەل حالىقتارىنىڭ ورتاق تىلەگىنە ۇيلەسەدى. ءسىز كوپ جىلدان بەرى جۇڭگو مەن چەحيانىڭ قاتىناسىنا جالپى جاعداي مەن ۇزاق بولاشاقتى شىعار ءتۇيىن ەتە وتىرىپ مامىلە جاساۋدان جازبادىڭىز، مەن مۇنى ايرىقشا القايمىن. چەحيا جاقتىڭ اناعۇرلىم كوپ قايراتكەرلەرىنىڭ جۇڭگوعا جانە جۇڭگونىڭ دامۋىنا دۇرىس مامىلە جاساپ، ەكى ەلدىڭ قاتىناسى مەن سەلبەستىگىن كۇشەيتۋگە كۇش سالىپ، قاتىستى ماسەلەلەردى ۇيلەسىمدى ءبىر جاقتى ەتىپ، جۇڭگو - چەحيا قاتىناسىنىڭ اقاۋسىز دامۋىنا جانە ومىرشەڭدىك كۇشىن ساقتاۋىنا مۇمكىندىك جاساۋىن ءۇمىت ەتەمىن. ەكى جاق «ءبىر بەلدەۋ، ءبىر جولدى» بىرگە قۇرۋ سياقتى تۇعىرلاردان ويداعىداي پايدالانىپ، ىندەتكە قارسى اتتانۋ سەلبەستىگىن تەرەڭدەتىپ، جۇمىستى، ءوندىرىستى قالپىنا كەلتىرۋدى جانە ەكونوميكانى قالپىنا كەلتىرۋدى ىلگەرىلەتىپ، قوس باعىتتا قارجى قوسۋ مەن ساۋداعا دەم بەرىپ، سەلبەستىكتىڭ اناعۇرلىم كوپ كورىنەۋ تۇيىندەرىن قۇلشىنا قالىپتاستىرۋى كەرەك.
شي جينپيڭ بىلاي دەپ دارىپتەدى: جۇڭگو - ورتا، شىعىس ەۆروپا ەلدەرى باسشىلارىنىڭ باس قوسۋىنىڭ جەتىستىكتەرى ءبىر - بىرلەپ تياناقتانۋدا، چەحيا جاقتىڭ جۇڭگومەن بىرگە قۇلشىنىپ، ەكى جاقتىڭ بىرگە دامۋىنا اناعۇرلىم كوپ وراي جاراتۋىن ءۇمىت ەتەمىن. چەحيا جاقتىڭ جۇڭگو مەن ەۆروپانىڭ تىلدەسۋدى، سەلبەستىكتى كۇشەيتىپ، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋىندا بەلسەندى رول اتقارۋىن ءۇمىت ەتەمىن.
زەمان مىنانى ءبىلدىردى: مەن جۇڭگو كوممۋنيستىك پارتياسى قۇرىلعانىنىڭ 100 جىلدىعىن شىن جۇرەكتەن قۇتتىقتايمىن، جۇڭگونىڭ باس شۋجي شي جينپيڭنىڭ باسشىلىعىندا اناعۇرلىم زور تابىستارعا قول جەتكىزۋىن تىلەيمىن. مەن ءتوراعا شي جينپيڭنىڭ چەحيا - جۇڭگو قاتىناسى جونىندەگى كوزقاراسىن قۇپتايمىن. چەحيا جۇڭگومەن دوستىق سەلبەستىكتى كۇشەيتۋگە كۇش سالادى، جۇڭگومەن تىعىز قاتىناس جاساپ، كەدەرگىلەردى الاستاپ، ەكى ەل قاتىناسىنىڭ اقاۋسىز، ءساتتى دامۋىنا كەپىلدىك ەتۋدى قالايدى. ەكى جاقتىڭ بىرگە قۇلشىنىپ، ەكى جاقتىڭ ەكونوميكالىق سەلبەستىگىن جەبەۋىن ءۇمىت ەتەمىن. مەن ءار ەلدىڭ ىنتىماقتاسا سەلبەسىپ، لاڭكەستىك سياقتى دۇنيە جۇزىلىك سايىستارعا بىرگە توتەپ بەرۋىن قۋاتتايمىن. چەحيا ەۆروپا وداعىنىڭ جۇڭگومەن بايلانىس جاساۋداعى دانەكەرى بولۋدى قالايدى. بەيجيڭ قىسقى وليمپيادا سپورت جارىسىنىڭ تابىستى بولۋىن تىلەيمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
