شي جينپيڭ گرەتسيانىڭ زۇڭليى ميتسوتاكيسپەن تەلەفوندا سويلەستى
2021.07.08 18:40 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 7 - كۇنى، بەيجيڭ. مەملەكەت ءتوراعاسى شي جينپيڭ 7 - ايدىڭ 7 - كۇنى كەشتە گرەتسيانىڭ زۇڭليى ميتسوتاكيسپەن تەلەفوندا سويلەستى.
ميتسوتاكيس جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتادى. ول مىنانى ءبىلدىردى: جۇڭگو كوممۋنيستىك پارتياسى جۇڭگونىڭ بولاشاق تاعدىرىن وزگەرتىپ قانا قويماي، دۇنيە ءجۇزىنىڭ دامۋ جولىن دا وزگەرتتى. جۇڭگو نەشە ءجۇز ميلليون ادامدى كەدەيلىكتەن ءساتتى ارىلتتى، بۇل − ادامزاتتىڭ العا باسۋ تاريحىنداعى كەرەمەتتەر. مەن باس شۋجي شي جينپيڭنىڭ باسشىلىعىندا جۇڭگونىڭ ۇزدىكسىز تىڭ دا ۇلى تابىستارعا قول جەتكىزەتىنىنە سەنەمىن.
شي جينپيڭ بۇعان العىس ايتىپ، جۇڭگو كوممۋنيستىك پارتياسىنىڭ بەيبىتشىلىكتى سۇيەتىن بارلىق ەلمەن جانە حالىقپەن بىرگە بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتتىڭ ورتاق قۇندىلىقتارىن ساۋلەلەندىرىپ، دۇنيە ءجۇزىنىڭ بەيبىتشىلىگى مەن ادامزاتتىڭ العا باسۋىنا اناعۇرلىم زور ۇلەس قوساتىنىن دارىپتەدى.
شي جينپيڭ بىلاي دەپ اتاپ كورسەتتى: قازىر دۇنيە ءجۇزى 100 جىلدىق وزگەرىس جاعدايى مەن عاسىرلىق ىندەت توعىسقان سىن - سايىسقا ءدوپ كەلىپ وتىر، جۇڭگو مەن گرەتسيا دا − وركەنيەتتى بايىرعى ەلدەر، جاپا - ماشاقاتتى، شۇعىلالى دامۋ بارىسىن باستان كەشىرگەن، ادامزات وركەنيەتىنىڭ العا باسۋى مەن حالىقارالىق ءتارتىپ وزگەرىسى جونىندە ۇقساس ۇستانىمعا يە. قازىرگى جاعدايدا جۇڭگو مەن گرەتسيانىڭ قاتىناسىن ويداعىداي جالعاستىرۋ، ويداعىداي دامىتۋ ىندەتتەن كەيىنگى ەكونوميكانىڭ قالپىنا كەلۋىن جەبەۋگە ءتيىمدى بولۋمەن بىرگە، دۇنيە ءجۇزىن جونگە سالۋ جۇيەسىن كەمەلدەندىرۋگە بايىرعى وركەنيەتتە بولۋعا ءتيىستى اقىل - پاراسات قوسادى. ەكى جاق ءبىر - ءبىرىنىڭ وزەكتى مۇددەسى مەن كوڭىل ءبولىپ وتىرعان كەلەلى ىستەرىن ۇزدىكسىز ءتۇسىنىپ جانە قولداپ، حالىقارالىق قوعامعا دوستىق، ءوزارا سەنىمدىلىك ۇلگىسىن ورناتۋى؛ «ءبىر بەلدەۋ، ءبىر جولدى» بىرگە قۇرۋ مەن جۇڭگو - ورتا، شىعىس ەۆروپا ەلدەرىنىڭ سەلبەستىگىن تەرەڭدەتىپ، حالىقارالىق قوعامعا ءوزارا ءتيىمدى سەلبەستىك ۇلگىسىن ورناتىپ، حالىقارالىق قوعامعا وركەنيەتتىڭ ءبىر - بىرىنەن ۇلگى الۋ ۇلگىسىن ورناتىپ، دۇنيە ءجۇزىنىڭ بەيبىتشىلىگى مەن دامۋىن جەبەۋگە جاڭا ورتاق تانىم جانە كۇش توپتاۋى كەرەك.
شي جينپيڭ بىلاي دەپ دارىپتەدى: بيىل − جۇڭگو مەن گرەتسيانىڭ جان - جاقتى ستراتەگيالىق سەرىكتەستىك قاتىناس ورناتقانىنىڭ 15 جىلدىعى، كەلەر جىلى − جۇڭگو مەن گرەتسيانىڭ ديپلوماتيالىق قاتىناس ورناتقانىنىڭ 50 جىلدىعى. جۇڭگو گرەتسيامەن ەل باسقارۋ تاجىريبەلەرىن اۋىستىرۋدى كۇشەيتىپ، ءداستۇرلى دوستىق پەن ناقتى سەلبەستىكتى تەرەڭدەتىپ، جۇڭگو - گرەتسيا قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى. جۇڭگو مەن ەۆروپانىڭ ءوزارا قۇرمەت ەتۋ، پارىقتاردى ساقتاپ، ورتاقتىققا ۇمتىلۋ، اشىق، تەڭ يگىلىككە كەنەلۋ رۋحى بويىنشا پىكىرلەسىپ، سەلبەستىكتى تەرەڭدەتۋى ەكى جاقتىڭ مۇددەسىنە ۇيلەسەدى، ءداۋىر اعىمىنا دا ۇيلەسەدى، گرەتسيانىڭ وسى ءۇشىن ۇزدىكسىز بەلسەندى رول اتقارۋىن ءۇمىت ەتەمىن.
ميتسوتاكيس مىنانى ءبىلدىردى: گرەتسيا جۇڭگومەن قاتىناستى دامىتۋعا ايرىقشا ءمان بەرەدى، ەكى ەلدىڭ جان - جاقتى ستراتەگيالىق سەرىكتەستىك قاتىناس ورناتقانىنىڭ 15 جىلدىعىن وراي ەتىپ، جۇڭگومەن ەكونوميكا - ساۋدا، ساياحات، جاسىل دامۋ سياقتى سالالارداعى سەلبەستىكتى كەڭەيتىپ، وركەنيەتتەردىڭ تىلدەسۋىن، ءوزارا ۇلگى الۋىن كۇشەيتىپ، ەكى جاق اقىلداسىپ بەلگىلەگەن ءتۇيىندى نىسانداردى بىرگە ويداعىداي ىستەپ، ەكى ەل قاتىناسىنىڭ اناعۇرلىم زور دامۋشىلىقتارعا قول جەتكىزۋىن ىلگەرىلەتۋدى ءۇمىت ەتەدى. اناعۇرلىم كوپ جۇڭگو كاسىپورىندارىنىڭ گرەتسياعا كەلىپ قارجى قوسۋىن قارسى الامىن. بەيجيڭ قىسقى وليمپيادا سپورت جارىسىنىڭ تابىستى بولۋىن تىلەيمىن. گرەتسيا جاق ەۆروپا وداعىنىڭ جۇڭگومەن جان - جاقتى ستراتەگيالىق سەرىكتەستىك قاتىناستى دامىتىپ، تىلدەسۋ مەن سەلبەستىكتى كۇشەيتۋىن قولدايدى.
ەكى جاق تاعى قاتىستى وڭىرلىك ماسەلەلەر جونىندە پىكىر اۋىستىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
