شارۋاشىلىق قۇرۋ باقشاسى، جەمىس باقشاسى، ساڭىراۋقۇلاق باقشاسى، ەكولوگيالىق باقشا
”كەدەيلىكتى ازايتۋداعى مىسال قىستاق“ وزگەرگەن سايىن قۇلپىرا ءتۇستى
انار بۇلت / شينجياڭ گازەتىنىڭ ءتىلشىسى جاڭ جىلي
2021.07.26 15:09 كەلۋ قاينارى : شينجياڭ گازەتى
7 - ايدىڭ 24 - كۇنى تاڭەرتەڭگى استان كەيىن ءۇشتۇرپان اۋدانى چيانجين قالاشىعى تومەنگى مەكىت قىستاعىنىڭ تۇرعىنى قاھارمان راحمان موتوتسيكلىمەن كاسىپ سالاسىن جەتىلدىرۋ باقشاسىنان قىزمەتكە جەدەل اتتاندى. جولدا ول اسا تانىمالى شارۋاشىلىق قۇرۋ باقشاسىنان، بۇتاقتارى جەمىسكە تولعان جەمىس باقشاسىنان، قالتقىداعى سۋلى ساڭىراۋ قۇلاق باقشاسىنان، سەيىل - سەرۋەندىك ساياحاتقا ۇيلەسىمدى ەكولوگيالىق باقشادان ءوتتى.
”بۇرىن قىستاعىمىز اتى شىققان كەدەي قىستاق بولاتىن، اۆتونوميالى رايوندىق پارتكوم ۇيىمداستىرۋ ءبولىمنىڭ، ساقا كادرلار مەكەمەسىنىڭ ’ۇعىسۋ، تيىمدىلىك جاساۋ، توعىستىرۋ‘ بويىنشا قىستاقتا تۇراتىن قىزمەت اترەتىنىڭ كومەگىندە كەدەيلىكتەن ارىلدىق، قىستاق بارعان سايىن كورىكتەنىپ، قىستاق تۇرعىندارىنىڭ تۇرمىسى بارعان سايىن باقىتتى بولۋدا“، - دەدى قاھارمان.
تومەنگى مەكىت قىستاعىنىڭ بەت - بەينەسىنىڭ جاڭارۋىمەن قىستاق تۇرعىندارىنىڭ تۇرمىسى بارعان سايىن جاقساردى، دۇنيە ءجۇزى بانكەسى، بىرلەسكەن مەملەكەتتەر ۇيىمى استىق جانە اۋىل شارۋاشىلىعى ۇيىمى سياقتى حالىقارالىق ۇيىمداردىڭ باعالاۋىمەن، بۇل قىستاقتىڭ كەدەيلىكتى ازايتۋ امالياتى ”الەمدىك كەدەيلىكتى ازايتۋ مىسالدارىن جيناۋ سيلىقتى قيمىلىندا“ كەدەيلىكتى ازايتۋدىڭ ەڭ جاقسى مىسالى اتاعىنا يە بولدى.
قاھارمان قىزمەت ىستەيتىن قارا ساڭىراۋقۇلاق كاسىپ سالاسىن جەتىلدىرۋ باقشاسىندا جەمىس اعاشىنىڭ كەرەكتەن شىققان بۇتاعىن قارا ساڭىراۋقۇلاق تاياقشاسى ەتىپ وڭدەيتىن ساڭىراۋقۇلاق تاياقشاسى زاۆودى بار، ساڭىراۋقۇلاق ەگەتىن جانە جەتىلدىرەتىن سەحتار مەن تاجىريبەحانالار بار، قارا ساڭىراۋقۇلاقتى وڭدەيتىن، ساتاتىن شارۋالار كاسىپتىك سەلبەستىك كووپەراتيۆى بار. جەتىلدىرۋ بازاسى سالىناردان بۇرىن كوپتەگەن قىستاق تۇرعىندارى ءوز جەرلەرىندە قارا ساڭىراۋقۇلاق وسە قوياتىنىنا سەنبەگەن بولاتىن.
2017 - جىلى اۆتونوميالى رايوندىق پارتكوم ۇيىمداستىرۋ ءبولىمىنىڭ، ساقا كادرلار مەكەمەسىنىڭ تومەنگى مەكىت قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن ”قىستاق ەكى كوميتەتى“ تولىق تەكسەرۋ - زەرتتەۋ ارقىلى ىشكى وڭىرلەردەن ورمان اراسىندا قارا ساڭىراۋقۇلاق ەگۋ نىسانىن ەنگىزدى. قىستاق تۇرعىندارىن بەلسەندىلىكپەن قارا ساڭىراۋقۇلاق ەگۋگە جەبەۋ ءۇشىن، قىزمەت اترەتى الدىڭعى مەرزىمدىك ۇسىنىلىم ماسەلەسى مەن تەحنيكالىق قيىن تاقىرىپتى شەشىپ، جەتىلدىرىلىپ دايىندالعان ساڭىراۋقۇلاق تاياقشاسىن قىستاق تۇرعىندارىنا تاراتىپ بەردى، قىستاق تۇرعىندارى تەك مەرزىمدى ۋاقىتتا سۋارىپ، تاياقشانى اينالدىرىپ، ءشوبىن وتاپ تۇرسا بولعانى.
سول جىلى قىستاق تۇرعىنى ماحمۇت ابدۇرەيىم قاتارلى بىرنەشە كەدەي وتباسى سىناق رەتىندە ءساتتى ەگىپ شىقتى، 2 ايدا وتباسىلاردىڭ ورتاشا ارتقان كىرىسى 8500 يۋان بولدى. وسىدان كەيىن قارا ساڭىراۋقۇلاق ەگۋدى ىرىقتىلىقپەن تالاپ ەتكەن قىستاق تۇرعىندارى بارعان سايىن كوبەيدى، سونداي - اق توڭىرەكتەگى قىستاقتاردىڭ دا قارا ساڭىراۋقۇلاق ەگۋىنە تۇرتكى بولدى. قىزمەت اترەتى نىسان قارجىسىن بەلسەندىلىكپەن قولعا كەلتىرىپ، اۋماعى 1800 شارشى مەتر كەلەتىن قارا ساڭىراۋقۇلاق كاسىپ سالاسىن جەتىلدىرۋ باقشاسىن جوبالاپ سالدى، وندا ساڭىراۋقۇلاق تاياقشاسىن وڭدەۋ زاۆودىنان بىرەۋ، وسىزاماندانعان زەردەلى جىلىجاي قالتقىسىنان 10، ءداستۇرلى جىلىجاي قالتقىسىنان 40 نەشەسى جانە قارا ساڭىراۋقۇلاق كۇمبەزشە قالتقىسىنان 500 نەشەسى بار، ءسويتىپ، قارا ساڭىراۋقۇلاقتىڭ تۇتاس مەزگىلدىك ءوندىرىسىن جۇزەگە اسىردى.
2019 - جىلى اقسۋ ايماعىندا قارا ساڭىراۋقۇلاق ەگىمشىلىگى كولەمىن كەڭەيتۋدى ويلاستىرعاندا، قىستاق تۇرعىندارىنىڭ ءۇرتىس، ورنىقتى كىرىس ارتتىرۋىنا كەپىلدىك ەتۋ ءۇشىن، قىزمەت اترەتى ساڭىراۋقۇلاق ساپالى تۇقىمىن جەتىلدىرەتىن جانە ەگىپ وسىرەتىن تەحنيكتەردى، ءبىر جاعىنان، جاڭا ءتۇردى سىناق رەتىندە ەگىپ، ەندى ءبىر جاعىنان، جاڭا تەحنيكانى ۇيرەتۋگە ۇسىنىس ەتتى. قازىر قىستاقتا مايمىل باس ساڭىراۋقۇلاق، تال ساڭىراۋقۇلاعى، عۇمىر ۇزارتقىش ساڭىراۋقۇلاق قاتارلى كوپ ءتۇرلى تاعامدىق ساڭىراۋقۇلاقتار ەگىلەتىن بولدى، ونىمدەر توڭازىتۋ تىزبەگى ارقىلى ءۇشتۇرپان اۋدانى ورتالىعىنا جانە اقسۋ قالاسىنا جەتكىزىلەدى.
قىستاقتىڭ كىرە بەرىسىنە ورنالاسقان شارۋاشىلىق قۇرۋ باقشاسىندا قاتار تۇرعان كوشە دۇكەندەرى ەلەكترمەن دانەكەرلەۋ، تىگىنشىلىك، بالكۇلشە - پراندىك پىسىرۋ، قولونەر بۇيىمدارى سياقتى دۇكەندەر ءارى جاستاردى باۋلۋداعى پراكتيكا ورنى. تومەنگى ماكىت قىستاعى ”ەكى كوميتەتى“ مەرزىم سايىن ءۇشتۇرپان اۋدانى كاسىپتىك - تەحنيكالىق مەكتەبىنەن ءتۇرلى كاسىپتىك مۇعالىمداردى ۇسىنىس ەتىپ، تاعامجاي (مەيمانحانا) قىزمەت وتەۋى كاسىپتىك شەبەرلىگى سياقتى باۋلۋلار ورىستەتتى. قىستاق تۇرعىنى تۇرعۇن قۇربان باۋلۋعا قاتىناسقاننان كەيىن، قىستاقتاعى ەكولوگيالىق باقشادان كوڭىلدەگىدەي قىزمەت تاپتى.
نەگىزدىك قۇرىلعىلار قۇرىلىسى ۇزدىكسىز كەمەلدەنۋدەن سىرت، قىستاق تۇرعىندارىنىڭ قالتاسى قامپايدى، قىستاق كوللەكتيۆى بايىدى، وسىناۋ ناقتى وزگەرىستەردەن تىس، تومەنگى ماكىت قىستاعىندا كوزگە وڭاي شالىنا قويمايتىن وزگەرىستەر دە تۋىلىپ جاتتى، ماسەلەن، قىستاق كادرلارىنىڭ بۇقاراعا قىزمەت وتەۋ قابىلەتى كۇشەيدى، قىستاق تۇرعىندارىنىڭ يدەيالىق كوزقاراسىندا وزگەرىستەر بولدى. قىستاق كادرلارىنىڭ دەم بەرۋىندە قىستاق تۇرعىندارىنىڭ ءىس تىندىرىپ شارۋاشىلىق قۇرۋ، كىرىستى ارتتىرىپ بايۋ جىگەرى اناعۇرلىم ارتا ءتۇستى.
الداعى دامۋ جونىندە تومەنگى ماكىت قىستاعى پارتيا ياچەيكاسىنىڭ شۋجيى ءادىل تۇرسۇننىڭ سەنىمى مىعىم. ول بىلاي دەدى: قىستاقتا ”ياچەيكا + كاسىپورىن + سەلبەستىك كووپەراتيۆى + شارۋا وتباسى“ دامۋ ۇلگىسىن جۇرگىزۋ ارقىلى جىل سايىن قىستاقتىڭ كوللەكتيۆ ەكونوميكالىق كىرىسىن 800 مىڭ يۋان ارتتىرۋعا بولادى. اۋىل - قىستاق ساياحاتىن دامىتۋ ارقىلى كوللەكتيۆ ەكونوميكا مەن ەكولوگيانى قورعاۋدا بىردەي تابىسقا جەتۋگە بولادى. قىستاق كوللەكتيۆى بايىسا، بۇقارا ءۇشىن اناعۇرلىم كوپ جاقسى ءىس، ناقتى ءىس ىستەۋگە بولادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
