جەڭىسكە جەتۋدىڭ شىنايى ءمانى--حالىق تورابى--人民网

باس بەت ج ك پ حابارلارى ورتالىقتىڭ ءۇنى شولۋ حالىقارالىق حابارلار ەل ءىشى حابارلارى شينجياڭ حابارلارى قوعام ەكونوميكا مادەنيەت
وقۋ-اعارتۋ ءدىن ساياحات-ورتا دەنە تاربيە سۋرەتتى حابار ماتەريال ۇلتتىق مانەر ارناۋلى جوبا ارناۋلى تاقىرىپ سۇحپات لەبىز جازۋ

جەڭىسكە جەتۋدىڭ شىنايى ءمانى

جياڭ پيڭ

2015.07.24 13:41

{ ءارىپتىڭ ۇلكەن-كىشىلىگى كىشى ورتا ۇلكەن} باسىپ شىعارۋ

　　2007-جىلى 22-قاڭتار ساعات 5 تەن 40 مينۋت وتكەندە، سنوكەر ۋەمبلەي قاس شەبەرلەرى جارىسىنىڭ شەشۋشى جارىسىندا جۇڭگولىق جاس بيليارد شەبەرى ديڭ جۇنحۇي ساقا بيليارد شەبەرى وۋساليۋەنمەن سايىسادى. 2006-جىلى تامىز ايىندا تەرىستىك يرلانديا كۋبوگى بيليارد جارىسىنداعى بەلدەسۋدە، ديڭ جۇنحۇي وۋساليۋەندى تۇڭعىش رەت جەڭىپ، كاسىپتىك ومىرىندەگى 3-رەتكى دۇنيە جۇزىلىك باس جۇلدەگەرلىك كۋبوگىن العان ەدى. وۋساليۋەن ورايىن تاۋىپ ەسە قايتارۋعا قامدانىپ جۇرگەن. سوندىقتان وسى جولعى كەزدەسۋدىڭ ماڭىزى بولەك بولاتىن.

　　جارىس باستالىسىمەن ديڭ جۇنحۇي 2:0 ۇپايمەن الدىعا وزادى. وسى ساتتە ەرسى وقيعا تۋىلادى: جارىس الاڭىنىڭ شەتىندە تۇرعان وۋساليۋەننىڭ جانكۇيەرى ديڭ جۇنحۇيدىڭ بيليارد تاياعىن وڭتايلاعان ورايىندا ونى بوقتاپ، ديڭ جۇنحۇيدى ىعىر ەتەدى. جوسىقسىز ياناتتان ديڭ جۇنحۇيدىڭ كوڭىل كۇي الاساپىرانعا ءتۇسىپ، كىلتەڭ ساتتەردە سۇرىنە بەرەدى،كوپ وتپەي ۇپاي سانى ارتتا قالادى.

　　الاڭنىڭ اماندىعىن ساقتاۋشى بولماعاندىقتان، الگى «جانكۇيەردىڭ» سوراقى قىلىعى اسقىنا بەرەدى. ابدەن زاپى بولعان ديڭ جۇنحۇي نازارىن جارىسقا شوعىرلاندىرا المايدى، ءتىپتى بيليارد اتۋدان جاڭىلادى. ون ەكىنشى كەزەكتە وۋساليۋەن جەڭىپ ديڭ جۇنحۇي قولىن ۇسىنىپ، وۋساليۋەندى قۇتتىقتاماق بولادى. وۋساليۋەن اڭتارىلا قاراپ، ارىپتەسىنىڭ جارىس ءتۇزىمىن جاڭساق ۇققانىن اڭعارادى. جارىس مايدانىنداعى وزگەرىستى قالت جىبەرمەي باقىلاپ تۇرعان وۋساليۋەن دەرەۋ «No,No,No» دەپ داۋىستاي كەلىپ ديڭ جۇنحۇيدى قۇشاقتاپ: «جارىس اياقتاعان جوق، مەنىمەن بىرگە جارىستى سوڭىنا شىعار» دەيدى.

　　دەمالىس بولمەسىندە وۋساليۋەن جاس ارىپتەسى ديڭ جۇنحۇيدىڭ جانىندا وتىرادى. دوپ ماشىقتاناتىن ورىننىڭ قوجايىنى، ەلۋ جاستار شاماسىنداعى شياڭگاڭدىق دوسىن شاقىرىپ ديڭ جۇنحۇيدىڭ كوڭىلىن اۋلايدى. وۋساليۋەن بىلاي دەيدى: «سەنى تىلدەگەن سوزدەردى ەستىدىم. لوندونعا العاش كەلگەنىمدە مەن دە بوقتىقتىڭ استىندا قالعامىن. دەسەدە، توزىمدىلىك كورسەتتىم. ەسىڭدە بولسىن، بۇلاردىڭ ءبارى جارىسقا اسەرىن تيگىزبەۋى كەرەك. سەبەبى سايىس ەكەۋىمىزدىڭ ارامىزدا بولماق».

　　سوڭعى كەزەكتى جارىس باستالۋدان بۇرىن، وۋساليۋەن تورەشىگە ادام بوقتاۋشى «جانكۇيەردى» مايداننان شىعارىپ جىبەرۋدى وتىنەدى. ودان كەيىن كوپتىڭ قوشامەتىندە ەكى جاق 13-كەزەكتى جارىستى باستايدى. دوپ اتۋ كەزەگى ديڭ جۇنحۇيعا كەلگەندە وۋساليۋەن كورەمەندەردىڭ ديڭ جۇنحۇيعا شابىت بەرۋىن سۇرايدى.

　　سوڭعى جەڭىسكە جەتكەن وۋساليۋەن ارىپتەسىمەن قۇرمەت داعدىسىندا جاي قول الىسقاننىڭ ورنىنا ديڭ جۇنحۇيدى قۇشاقتايدى: «وقاسى جوق، كەيىن جانە وراي بولادى. مەنى ىزدەپ بار، قارسى الامىن. سەنىمەن سايىسۋدى ۇناتامىن» دەيدى.

　　كوز شاناعى جاسقا تولعان دۇڭ جۇنحۇي: «جەڭىلىپ قالعاندىعىما ەمەس، سالاۋاتتى قارسىلاسقا جولىققانىما كوڭىلىم بوسادى» دەيدى.

　　وسى كورىنىستى كورگەندە كورەرمەندەر جالاڭ جارىستى تاماشالاعانداي ەمەس، كوركەمونەر وينىنان ءلاززات العانداي، ادامگەرشىلىك اسىل ءمورالعا ايعاق بولعانداي سەزىنەدى. جارىستا جەڭۋمەن بىرگە ادامدىق ار-ۇجداندى، دوستىق پەيىلدى ساقتاي ءبىلۋ، قارسىلاسىنىڭ كوڭىلىن تابۋ، جۇرتتىڭ القاۋىنا بولەنۋ ناعىز جەڭىستىڭ زاڭعار شىڭى بولماق.

　　ءتۇيىن: سپورت جارىسىندا وسكەلەڭ سپورت رۋحى ءارقانداي ىسىلعان سپورت شەبەرلىگىنەن دە جوعارى تۇرادى. وۋساليۋەن جەڭىسكە جەتۋمەن قوسا، ارىپتەسى مەن كورەمەندەردىڭ كوڭىلىنەن شىعا ءبىلدى. ناعىز جەڭىسكە جەتۋ ادامدىق ءمورالدى ساۋلەلەندىرۋدە دەيتىنىمىزدىڭ سەبەسى وسىندا.

　　شىعارمانى اۋدارعان - قۋات جۇماش ۇلى

　　كەلۋ قاينارى: تارباعاتاي اقپارات تورابى

جاۋاپتى رەداكتورى : نۇرعيسا قۇرمانجان ۇلى

حابارلار

كوپ مەديا

ۇلتتىق مانەر