G575 جەلىسى باركول - قۇمىل تاسجولى شىعىس تيانشان تۋنەلىنىڭ وڭ جاق ۇڭگىرى تۇتاستىرىلدى
2021.09.09 14:32 كەلۋ قاينارى : حالىق تورابى
شينجياڭ گازەتىنىڭ 9 - ايدىڭ 7 - كۇنى قۇمىلدان بەرگەن حابارى. 9 - ايدىڭ 7 - كۇنى ساعات 10 دا شينجياڭ G575 جەلىسى باركولدەن قۇمىلعا دەيىنگى تاسجولدىڭ ءتۇيىندى تىزگىندەۋ سيپاتتى ينجەنەرياسى − شىعىس تيانشان ەرەكشە ۇزىن تۋنەلىنىڭ وڭ جاق ۇڭگىرى تۇتاستىرىلدى. نىسان ءبولىمىنىڭ تانىستىرۋىنا قاراعاندا، سول جاق ۇڭگىردى وسى ايدىڭ سوڭىنا دەيىن تۇتاستىرۋ جوسپارلانىپ، بيىل 12 - ايدىڭ سوڭىندا تۇتاس جەلى بويىنشا اۆتوكولىك قاتىنايدى ەكەن.
G575 جەلىسى باركول - قۇمىل تاسجولى نىسانى قۇمىل قالاسىندا، «جىبەك جولى ۇلكەن ارناسى» مەن «مەملەكەت تاسجول تور جوباسىنىڭ» ماڭىزدى قۇرامداس بولىگى ءارى شينجياڭ ۇيعۇر اۆتونوميالى رايونىنىڭ «بەس ەندىك، جەتى بويلىق» جوعارى جىلدامدىقتى، جوعارى دارەجەلى تاسجول تورى ورنالاسىمىنداعى بەسىنشى بويلىق جولدىڭ (لاۋيەمياۋ شەكارا وتكەلى - قۇمىل - چارقىلىق جوعارى دارەجەلى تاسجولى) ماڭىزدى قۇرامداس بولىگى. نىساننىڭ جالپى ۇزىندىعى 76.5 كيلومەتر، قوس باعىتتا 4 اۆتوكولىك قاتار قاتىنايتىن 1 - دارەجەلى تاسجول ولشەمىندە سالىنعان.
بۇل نىسان اراتۇرىك جىلقى فەرماسى قار شاڭعى الاڭىنىڭ شىعىس جاعىنا ورنالاستىرىلعان شىعىس تيانشانداعى ەرەكشە ۇزىن تۋنەل، جەكە - جەكە وڭ، سول ۇڭگىر بويىنشا شىعىس تيانشاندى كەسىپ وتەدى، تۋنەلدىڭ جالپى ۇزىندىعى 11.775 كيلومەتر، شينجياڭ تاسجول قۇرىلىسى تاريحىنداعى ەڭ ۇزىن، قۇرىلىس جۇمىسى ەڭ قيىن تاسجول تۋنەلدەرىنىڭ ءبىرى. تۋنەلدىڭ كىرە بەرىس بولىگىن جۇڭگو قاتىناس قۇرىلىسى توبىنىڭ 1 - تاسجول مەكەمەسى كوپىر - تۋنەل ينجەنەرياسى شەكتى سەرىكتەستىگى، شىعاتىن بولىگىن جۇڭگو قاتىناس قۇرىلىسى توبى 1 - تاسجول مەكەمەسى 5 - ينجەنەريا شەكتى سەرىكتەستىگى جاۋاپتى بولىپ سالدى. شىعىس تيانشان تۋنەلىنىڭ جەر جاعدايى ەرەكشە كۇردەلى بولعاندىقتان، نىسان قۇرىلىسى 2016 - جىلى 8 - ايدا باستالعاننان قازىرگە دەيىن 5 جىل ءبىر ايعا جالعاستى.
كىرە بەرىس بولىگىندەگى قورشاما جىنىس جانە كوپ مولشەردەگى سۋ شىعۋ ماسەلەسى تۋنەل جۇمىسىنا اۋىر قيىندىقتار تۋدىردى. «قورشاما جىنىس دارەجەسى نەعۇرلىم جوعارى بولعان سايىن، تاۋ جىنىسى سولعۇرلىم جۇمساق بولادى، قۇرىلىس جۇمىسىنىڭ قيىندىعى دا ارتا تۇسەدى. تۋنەلدىڭ كىرە بەرىس بولىگى تۇگەلدەيⅣ دارەجەلىدەن جوعارى قورشاما جىنىس، مۇنىڭ 3/2 بولىگىⅤدارەجەلى قورشاما جىنىس، وعان 3 قادامعا ءبولىپ تىرەۋ قويۋ قاجەت، ادەتتەگى تۋنەلدەردى سالۋمەن سالىستىرعاندا، 3 تە 4 قايتالاپ سالعانمەن تەڭ. بىلتىر 7 - ايدىڭ 9 - كۇنى كەڭ كولەمدە سۋ شىعىپ، قۇرىلىس مەرزىمى 20 كۇندەي كەشەۋىلدەدى. سوندىقتان باسقا تۋنەل قۇرىلىسىندا ءبىر ايدا 180 مەتر ىلگەرىلەۋگە كەلەتىن بولسا، بۇل تۋنەلدە نەبارى 50 مەتردەي عانا ىلگەرىلەپ وتىردىق» دەدى جۇڭگو قاتىناس قۇرىلىسى توبى 1 - تاسجول مەكەمەسى كوپىر - تۋنەل ينجەنەريا شەكتى سەرىكتەستىگى شينجياڭ G575 جەلىسى باركول - قۇمىل تاسجول توپىراق قۇرىلىسى 1 - بولىك نىسان مەڭگەرۋشىلەر ءبولىمىنىڭ ورىنباسار مەڭگەرۋشىسى شياۋ فۋلەي.
شىعىس تيانشان ەرەكشە ۇزىن تۋنەلى − G575 جەلىسىندەگى ءالى سالىنىپ بىتپەگەن ەڭ سوڭعى ءتۇيىندى ينجەنەريا، تۋنەلدىڭ تۇلعالىق قۇرىلىسى تۇتاستىرىلعاننان كەيىن، تۋنەلدىڭ قوسىمشا جۇمىستارى جۇرگىزىلەدى، جىل سوڭىندا تۇتاس جەلى بويىنشا اۆتوكولىك قاتىناتۋ مەجەلەنىپ وتىر. « G575 جەلىسى G30 ليانيۇنگاڭ - قورعاس جوعارى جىلدامدىقتى تاسجولى، G7 بەيجيڭ - شينجياڭ جوعارى جىلدامدىقتى تاسجولى، G312 شاڭحاي - قورعاس جەلىسى سىندى مەملەكەتتىڭ 3 نەگىزگى تاسجول جەلىسىمەن تۇتاسىپ، شينجياڭنىڭ شىعىس بولىك وڭىرىندەگى وڭتۇستىك - سولتۇستىك باعىتتاعى ماڭىزدى قاتىناس كۇرە تامىرىنا اينالادى» دەدى جۇڭگو قاتىناس قۇرىلىسى توبى 1 - تاسجول مەكەمەسى كوپىر - تۋنەل ينجەنەريا شەكتى سەرىكتەستىگى شينجياڭ G575 جەلىسى باركول - قۇمىل تاسجول توپىراق قۇرىلىسى 1 - بولىك نىسان مەڭگەرۋشىلەر ءبولىمى پارتيا ياچەيكاسىنىڭ ورىنباسار شۋجيى لي جۇن.
مۇنان سىرت، G575 جەلىسى باركول - قۇمىل تاسجولىنىڭ قاتىناۋى قۇمىل قالاسىنىڭ «ءبىر ساعاتتىق ەكونوميكالىق شەڭبەر» قۇرۋىنا دەم بەرىپ، شينجياڭنىڭ شىعىس بولىك ءوڭىرىنىڭ ەكونوميكالىق، قوعامدىق دامۋىن جانە حالىق تۇرمىسىنىڭ جاقسارۋىن جەبەيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
