ءداۋىردىڭ ءۇمىتىن اقتايمىز، حالىقتىڭ ءۇمىتىن اقتايمىز
− رايونىمىزدان قۇرىلتايلارعا قاتىناسقان ادەبيەت - كوركەمونەر قىزمەتكەرلەرى باس شۋجي شي جينپيڭنىڭ جۇڭگو ادەبيەت - كوركەمونەرشىلەر بىرلەستىگىنىڭ 11 - قۇرىلتايىنىڭ، جۇڭگو جازۋشىلار قوعامىنىڭ 10 - قۇرىلتايىنىڭ اشىلۋ سالتىندا سويلەگەن ماڭىزدى ءسوزىن قىزۋ تالقىلادى
□ انار بۇلت / شينجياڭ گازەتىنىڭ تىلشىلەرى
2021.12.17 17:38 كەلۋ قاينارى : شينجياڭ گازەتى
باس شۋجي شي جينپيڭ 12 - ايدىڭ 14 - كۇنى جۇڭگو ادەبيەت - كوركەمونەرشىلەر بىرلەستىگىنىڭ مەملەكەتتىك 11 - قۇرىلتايىنىڭ، جۇڭگو جازۋشىلار قوعامىنىڭ مەملەكەتتىك 10 - قۇرىلتايىنىڭ اشىلۋ سالتىندا ماڭىزدى ءسوز سويلەدى، بۇل رايونىمىزدان قۇرىلتايلارعا قاتىناسقان ادەبيەت - كوركەمونەر قىزمەتكەرلەرى اراسىندا قىزۋ اڭىس قوزعادى. كوپشىلىك تۇس - تۇستان مىنالاردى ءبىلدىردى: باس شۋجي شي جينپيڭ قالىڭ ادەبيەت - كوركەمونەر قىزمەتكەرلەرىنە 5 ءتۇرلى ءۇمىت ارتتى، بۇل قالىڭ ادەبيەت - كوركەمونەر قىزمەتكەرلەرىنە دەگەن شىنايى تىلەك، ونان دا ماڭىزدىسى، وراسان زور شابىتتاندىرۋ بولىپ تابىلادى. مادەنيەت سانالىلىعىن كۇشەيتىپ، مادەنيەت سەنىمىن بەكەمدەپ، كۇشتى تاريحي ىرىقتىلىق رۋحپەن سوتسياليستىك مادەنيەتتە قۇدىرەتتى ەل قۇرىلىسىنا بەلسەنە ات سالىسۋ كەرەك. اۋەلگى ماقساتتى ۇمىتپاي، بورىشتى ەستە بەرىك ساقتاپ، ءداۋىردىڭ ءۇمىتىن اقتايمىز، حالىقتىڭ ءۇمىتىن اقتايمىز.
”باس شۋجيدىڭ سوزىنە حالىق دەگەن كىندىك ءسوز باستان - اياق سىڭىرىلگەن“. ناق مايداندا باس شۋجي شي جينپيڭنىڭ ماڭىزدى ءسوزىن ەت قۇلاعىمەن ەستىگەن شينجياڭ ادەبيەت - كوركەمونەرشىلەر بىرلەستىگى پارتيا باسشىلىق گرۋپپاسىنىڭ شۋجيى، ورىنباسار ءتوراعاسى دىڭ شۋانبين ەرەكشە جەلپىندى، ”ءبىز ’100 ايگىلى ادەبيەت - كوركەمونەرشى سارا تۋىندى شىعارۋ، 1000 ونەرپازدى كولەمدى باۋلۋ، 10 مىڭ ەرىكتى نەگىزگى ساتىعا ءتۇسۋ‘ قيمىلىن ورىستەتىپ، ادەبيەت - كوركەمونەر گۇل باقشاسىنىڭ ماڭگى حالىق ءۇشىن اشىلۋىنا مۇمكىندىك جاسايمىز“.
شينجياڭ اسەمونەرشىلەر قوعامىنىڭ ءتوراعاسى كۋاي جىنميڭ بىلاي دەدى: ”كەلەر جىلى شينجياڭ اسەمونەرشىلەر قوعامى كوركەمونەرشىلەردى باستاپ تاڭداۋلى سۋرەت تۋىندىلارىن تيانشان الابىنداعى اۋىل - قىستاقتارعا جەتكىزىپ، بۇقاراعا ۇيلەرىنىڭ جانىندا كوركەمونەردىڭ اسەمدىگىن سەزىندىرىپ، ادەبيەت - كوركەمونەردىڭ العا باسۋ جەتىستىكتەرىنەن يگىلىكتەندىرەدى؛ سۋرەتشىلەردى قاشقارعا، حوتانعا بارىپ اتىز باسىندا، ەگىنجايلاردا تۇرمىستى سەزىنۋىنە، تۋىندى وڭدەۋگە ۇيىمداستىرىپ، حالىق بۇقاراسىنىڭ كەسكىن كەيىپكەرى بولۋىنا مۇمكىندىك بەرەدى ءارى ’حالىقتىڭ اراسىنا بارۋ‘ تاقىرىبىندا سۋرەتتەمە كورمەسىن وتكىزەدى“.
”باس شۋجي شي جينپيڭ: جاڭا ءداۋىر، جاڭا جورىق − زامانىمىزداعى جۇڭگو ادەبيەت - كوركەمونەرىنىڭ تاريحي ورنى ەكەندىگىن، - اتاپ كورسەتتى“. شينجياڭ ادەبيەت - كوركەمونەرشىلەر بىرلەستىگى پارتيا باسشىلىق گرۋپپاسىنىڭ مۇشەسى، باس حاتشى شيۇڭ حۇڭجيۋ بىلاي دەدى: ”ءبىز جازۋشىلاردى تيانشان الابىندا تۇرمىسقا ىشكەرىلەي ارالاسىپ، ءتىلى مەن مازمۇنى بىردەي كوركەم سارا تۋىندىلار ارقىلى جۇڭگو حيكاياسىن ويداعىداي بايانداۋعا ۇيىمداستىرىپ، ادەبيەتتىڭ كۇش - قۋاتى ارقىلى جۇڭحۋا ۇلتى ورتاق تۇلعا تانىمىن ونان ارى بەرىك ورناتامىز“.
”ەرەكشە جەلپىندىم، ەرەكشە اسەرلەندىم، ەرەكشە داڭققا بولەندىم“. باس شۋجيدىڭ ماڭىزدى ءسوزىن ەت قۇلاعىمەن ەستىگەننەن كەيىنگى اسەرىن تىلگە تيەك ەتكەن شينجياڭ سەرىكشىلەر قوعامىنىڭ ۇنەمىلىك ىستەرگە جاۋاپتى ورىنباسار ءتوراعاسى ءرانا ءيۇسۇپ ”ەرەكشە“ دەگەن ءسوزدى 3 رەت ايتتى، ”ءبىز سوتسياليستىك وزەكتى قۇن كوزقاراسىن ادەبيەت - كوركەمونەر جاسامپازدىعىندا جاندى دا جالىندى تۇردە بەينەلەپ، شىمىر، ءمورالدى، جاعىمدى دۇنيەلەردى ايگىلەۋىمىز كەرەك. ىشكەرىلەي ۇيرەنۋ، تۇرمىسقا تامىر تارتۋ، شەبەرلىككە جاپالى جاتتىعۋ ارقىلى جاڭا داۋىردە تيانشان الابىنداعى ءار ۇلت جۇرتشىلىعىنىڭ جالىندى تۇرمىسىن ايگىلەيتىن اناعۇرلىم كوپ سەرىك ويىنى تاڭداۋلى نومىرلەرىنە جاتتىعامىز“.
شينجياڭ تەلەۆيزيا كوركەمونەرشىلەرى قوعامىنىڭ ءتوراعاسى زىڭ جيان بىلاي دەدى: ”ءبىز باس شۋجيدىڭ قالىڭ ادەبيەت - كوركەمونەرشىلەرگە ارتقان 5 ءتۇرلى ءۇمىتىن ەستە بەرىك ساقتاپ، ءسوزدىڭ رۋحىن ءوز جاسامپازدىعىمىزدىڭ جەتەكشىسى ەتىپ، ءداۋىر قادامىنا ءجىتى ىلەسىپ، ءداۋىر تىنىسىنان كوركەمونەر ءلۇپىلىن سەزىنۋىمىز كەرەك. ءبىز 2022 - جىلعى شينجياڭنىڭ كوكتەم مەرەكەسى بىرلەسكەن ساۋىق كەشىن دايىنداپ جاتىرمىز، جۇڭگو حيكاياسىن، شينجياڭ حيكاياسىن سۇيىسپەنشىلىگىمىزبەن، ىنتا - پەيىلىمىزبەن ويداعىداي بايانداپ، دۇنيە جۇزىنە سەنىمدى، سۇيىكتى، قاستەرلى جۇڭگو وبرازىن ايگىلەيمىز“.
بيىل شينجياڭ بيشىلەر قوعامى تاڭداپ جىبەرگەن، شينجياڭ كوركەمونەر شۋەيۋانىنىڭ ءبي شۋەيۋانى جاساعان «كۇن شۋاعىنا شومعان ماكىت» 13 - كەزەكتى جۇڭگو بيلەرى ”شامگۇل سيلىعى“ ۇلتتىق، حالىقتىق ءبي التىن سيلىعىن الدى. شينجياڭ بيشىلەر قوعامىنىڭ باس حاتشىسى گاۋ شانجۇن بىلاي دەدى: ”ءبىز باس شۋجيدىڭ ماڭىزدى ءسوزىنىڭ رۋحىن ويداعىداي ۇيرەنىپ، ءتۇسىنىپ، ويداعىداي دايەكتىلەندىرىپ، تياناقتاندىرىپ، اناعۇرلىم كوپ بيىك دەڭگەيلى، مەيىرگە تولى، جاندى دا شىمىر جوعارى ساپالى ءبي سارا تۋىندىلارىن شىعارىپ، كوركەمونەر مەكتەپ - ۇيىرمەلەرىنىڭ رەجيسسەرلەر كۋرسى، بۇكىل شينجياڭنىڭ ءبي جارىسى، نەگىزگى ساتىدان حالىق اۋەندەرىن جيناۋ قيمىلى سياقتىلاردى وتكىزۋ ارقىلى شينجياڭ ءبيىنىڭ جاسامپازدىق بيىگىنەن شىڭىنان قاراي ۇدەرە تارتۋىنا مۇمكىندىك جاسايمىز“.
”باس شۋجي: جاس ادەبيەت - كوركەمونەر قىزمەتكەرلەرىمىز قۋاتتانعاندا عانا، ادەبيەت - كوركەمونەر ىستەرىمىزدە الدىڭعىلاردىڭ ءىزىن سوڭعىلار باساتىن جالىندى جاعداي قالىپتاساتىندىعىن، - اتاپ كورسەتتى“. جۇڭگو فوتوشىلار قوعامىنىڭ ورىنباسار ءتوراعاسى، شينجياڭ فوتوشىلار قوعامىنىڭ ءتوراعاسى لي شۋەلياڭ بىلاي دەدى: ”الدىڭعى ايدا شينجياڭ جاس فوتوشىلار قوعامىن قۇردىق، جاس فوتوشىلاردى باۋلۋدى كۇشەيتىپ، ولاردى بەلسەنە جاسامپازدىقپەن اينالىسىپ، كوبىرەك اۋىر جاۋاپكەرشىلىك ارقالاۋعا جىگەرلەندىرەمىز“.
شينجياڭ جازۋشىلار قوعامىنىڭ ورىنباسار ءتوراعاسى ەركەش قۇرمانبەك بىلاي دەدى: ”مەن باس شۋجيدىڭ ءسوزىنىڭ ءاربىر ءسوز - سويلەمى تۇگەلدەي كوركەمونەردىڭ زاڭدىلىعى مەن اقيقاتى، ءبىزدىڭ كوركەمونەرلىك جاسامپازدىعىمىزعا جەتەكشىلىك ەتەتىن تۇعىرناما ەكەندىگىن تەرەڭ سەزىندىم. ءبىز وسى رەتكى قۇرىلتايدى تىڭ باستاما ەتىپ، شينجياڭداعى ۇلتتاردىڭ ارالاسۋ، ىشتەسۋ، توعىسۋ حيكايالارىن بار زەيىنىمىزبەن جازامىز“.
(ءتىلشى يىن لۋ، قاتىناسقان تىلشىلەر لي لي، مايگۇل ايتقازى، گاۋ فاڭ)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
