جوعالعانىنا 27 جىل بولعان بالانى تاپتى!
دەلونى بىتىرگەن حالىق ساقشىسى كەڭسەسىندە ەڭىرەپ جىلادى
2021.12.15 16:24 كەلۋ قاينارى : حالىق تورابى
داي كۋاڭنىڭ ءسابي شاقتاعى سۋرەتى
جۋىردا جياڭسۋ ولكەسى ليانيۇيگاڭ قالاسىندا ەرلى – زايىپتىلار جوعالعانىنا 27 جىل بولعان ۇلىن حالىق ساقشىلارىنىڭ كومەگىنىڭ ارقاسىندا تاپتى، اتا – اناسىنىڭ ۇلىمەن قاۋىشقانىن كورگەن ساتتە، ولاردىڭ ۇلىن تابۋىنا كومەكتەسكەن حالىق ساقشىسى سۇي جيپيڭ تەبىرەنگەن كوڭىلىن باسا الماي، جىلاپ جىبەردى.
27 جىلدىڭ الدىندا 2 جاستاعى ۇلى ءوز ءۇيىنىڭ جايماسىنىڭ جانىندا جوعالىپ كەتكەن
1995 – جىلى ەلى – زايىپتى داي جىحاي مەن فۋ حۋايشياڭ ەكەۋى ليانيۇنگاڭدا ۇساق تاۋارلاردى تولايىم ساتۋ بازارىندا جايما جايادى. 5 – ايدىڭ 28 – كۇنى ولاردىڭ 2 جاستاعى ۇلى داي كۋاڭ وزدەرىنىڭ جايماسىنىڭ جانىندا جوعالىپ كەتەدى. ەرلى – زايىپتى ەكەۋى قانشا ىزدەسە دە تابا الماعان سوڭ، اقىرى ساقشىعا مالىمدەيدى.
الايدا، جولدا كامەرا جوق بولعاندىقتان، بالانى ىزدەيتىن ەش دەرەك قالماعان ەدى. ەرلى – زايىپتى ەكەۋى ۇلكەن ءتورت كوشەلەردى، اۆتوموبيل بەكەتتەرىن، پويەز بەكەتىن كەزەكتەسىپ تۇنىمەن كۇزەتىپ شىعاتىن، بىرەۋدەن بالاسىنا ۇقسايتىن بىرەۋدى كوردىم دەگەندى ەستىسە بولدى، ەكەۋى جولدىڭ الىستىعىنا قاراماي بارىپ كورۋشى ەدى، سوندا دا بالاسىن تابا الماي كەلگەن.
بالانىڭ تابىلعانىن بىلگەن كەزدە، دەلونى بىتىرگەن حالىق ساقشىسى ەڭىرەپ جىلاپ جىبەرگەن
27 جىلدان بەرى، ساقشى جاق تا بالانى ىزدەۋدى توقتاتپاعان. سول جىلى مالىمدەۋدى تاپسىرىپ العان سۇي جيپيڭ قىزمەت ورنىن اۋىستىرىپ كەتسە دە، ەرلى – زايىپتى ەكەۋىمەن ءالى كۇنگە دەيىن بايلانىستى ۇزبەگەن، الدىڭعى ايدا دا بالا ىزدەۋ تۋرالى حابارلاردى دوستار شەڭبەرىنە جولداپ جۇرگەن. جۋىردا جىجياڭنان جاقسى حابار ەستىدى، ەرلى – زايىپتى ەكەۋىنىڭ DNA ى مەن جىجياڭداعى ءبىر جاس جىگىتتىڭ DNA ى سايكەسەتىن بولىپ شىققان. كەزىندە دەلو مالىمدەۋدى تاپسىرىپ العان حالىق ساقشىسى سۇي جيپيڭ بۇل حاباردى ەستىگەندە، كوڭىل – كۇيىنىڭ تەبىرەنگەنىن جاسىرا الماي، كەڭسەسىندە ەڭىرەپ جىلاعان.
12 – ايدىڭ 7 – كۇنى ەرلى – زايىپتى داي جىحاي مەن فۋ حۋايشياڭ ەكەۋى 27 جىل جاپا – ماشاقاتپەن ىزدەگەن بالاسىن تاپتى. «ءبىر – ەكى كۇننىڭ الدىندا، ساقشى جاق بالانىڭ تابىلعانىن ايتقاندا، كوڭىل – كۇيىم قاتتى تولقىدى، بەينە ءتۇس كورىپ جۇرگەندەيمىن»، — دەدى فۋ حۋايشياڭ. تۋعان اتا – اناسىن كورگەندە، داي كۋاڭ اعىنان اقتارىلا: «قاتتى تەبىرەنىپ تۇرمىن، ءبىراق، ونى قالاي جەتكىزۋدى بىلمەدىم، كوڭىل – كۇيىم استاڭ – كەستەڭ»، — دەدى. ءاسىلى داي كۋاڭنىڭ باعىپ العان اكەسى 2016 – جىلى قايتىس بولعان، سودان بەرى ول اتاسىمەن بىرگە تۇرعان. ەندى مىنە تۋعان اتا – اناسىن تاۋىپ وتىر، داي كۋاڭ ەكى جاقتى دا ءوزىنىڭ وتباسى كورىپ، ولارعا جاقسى قارايتىنىن ايتتى.
ساقشى جاق ۇزدىكسىز تەكسەرىپ، ادام الداپ ساتۋ قىلمىسىنا قاتاڭ سوققى بەرەدى
قوعام حاۋىپسىزدىگى مينيسترلىگى «قاۋىشتىرۋ» ارەكەتىن باستاعاننان بەرى، بىلتىر 11 – ايدىڭ 30 – كۇنىنە دەيىن، بۇكىل ەلىمىزدىڭ جەر – جەرىندە بۇرىنعى جىلدارى جوعالىپ كەتكەن، باسقالار الداپ ساتقان بالالاردان 8307 ادام تابىلعان. داي كۋاڭ 27 ايرىلىسقانىنا 27 جىل بولعان وتباسىنا قايتىپ ورالدى، قوعام حاۋىپسىزدىگى تاراۋلارى جونىنەن ايتقاندا، بۇل تەكتەس دەلو ءالى اياقتاعان جوق، «ءبىز وسى ‹قاۋىشۋ› ارەكەتىنەن پايدالانىپ، وتباسىلاردىڭ قاۋىشۋىنا كومەكتەسۋدى ءۇمىت ەتەمىز، سونىمەن بىرگە، وسىنداي زاڭعا قايشى قىلمىستىق ارەكەتتەرگە قاتاڭ سوققى بەرەمىز».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
