سالت – سانا ارقىلى دا اۋقاتتانۋ جولىن تابۋعا بولادى
ليۋ يچيڭ
2021.11.19 16:38 كەلۋ قاينارى : حالىق تورابى
بارشا اۋىل – قىستاقتاردا سۋرەت سىزۋ، توقىماشىلىق، كەستەشىلىك قاتارلىلاردى قامتىعان ءتۇرلى – تۇستەگى سالت – سانا بايلىعى ەرەكشە مول. ءبىز سول اسەمدىكتى بايقايتىن كورەگەندىككە، سول اسەمدىكتى جەتىلدىرە تۇسۋگە دەم بەرەتىن شارالارعا، سالت – سانانى قورعاۋمەن بىرگە، ديقانداردىڭ كىرىسىن ارتتىرۋعا بولاتىن اناعۇرلىم كوپ جولدى تابۋعا مۇحتاجبىز.
مەن جۋىردا جيلين ولكەسى لياۋيۋان قالاسى دۇڭفىڭ اۋدانىندا قىزمەت تەكسەرگەندە مىنانى بايقادىم: ەگىنشىلىكپەن شۇعىلدانۋدان سىرت، سۋرەت سىزۋمەن شۇعىلدانۋ دا جەرگىلىكتى ورىنداعى ءبىرتالاي تۇرعىنىنىڭ كىرىسىن ارتتىرۋىنىڭ جاڭا جولىنا اينالعان. دۇڭفىڭ اۋدانىنداعى ديقانداردىڭ وبىرازى قاراپايىم، بوياۋى ۇعىنىقتى سۋرەتتەرىنىڭ جىلدىق ساتىلىم سوماسى 30 ميلليون يۋانعا جەتەدى ەكەن.
سۋرەت سىزۋ ءداستۇرى دۇڭفىڭ اۋدانىندا ۇزاق تاريحقا يە، بۇرىن ەگىنشىلىكتەن قول بوساعان كەزدە، تالاي ادام سۋرەت سىزۋعا ادەتتەنگەن. جەكەلەردىڭ وسى ءبىر جاي عانا اۋەستىگى بۇگىنگى تاڭدا سول جەردەگى جۇيەلى كاسىپ سالاسىنا اينالعان. جەكەلەر وي جۇگىرتىپ، دامۋعا تالپىندى، ۇكىمەت ولاردى كومەسكى قابىلەتتەرىن اشۋعا جەتەلەدى، وسىلايشا، ديقاندار سىزعان سۋرەتتەر جەرگىلىكتى ورىننىڭ سالت – ساناسىمەن ۇشتاسا كەلە، تىڭ تابىس جولىن اشقان.
سالت – سانا ارقىلى بايۋدىڭ جولىن تابۋدىڭ نەگىزى — دارىندىلاردى شوعىرلاندىرۋدا. كاسىپ سالاسىن قالىپتاستىرۋ ءۇشىن، الدىمەن سۋرەت سىزۋدى جەكە ادامداردىڭ دارا داعدىسى بولۋدان كوللەكتيۆتىڭ ورتاق تالپىناتىن نىساناسىنا اينالدىرۋ كەرەك. دۇڭفىڭ اۋداندىق ۇكىمەت ديقانداردىڭ سۋرەتشىلىك سارايىن قۇرۋ، كورمە اشۋ، سۋرەتتەر جيناعىن شىعارۋ قاتارلى ءتۇرلى تاسىلدەر ارقىلى تاماشا شىعارماشىلىق ورتا مەن اڭىس ورتاسىن قالىپتاستىرۋعا جەتەكشىلىك ەتىپ، اناعۇرلىم كوپ ادامدى سۋرەتشى ديقانداردىڭ شىعارماشىلىق قوسىنىنا قاتىناسۋعا باۋراعان.
سالت – سانا ارقىلى بايۋ جولىن تابۋدىڭ تەتىگى — قابىلەتتى جوعارىلاتۋدا. سۋرەت سىزاتىندار كوبەيگەن سايىن، قابىلەتىن جەتىلدىرۋ دە كوشتەن قالماۋى كەرەك. ديقانداردىڭ شىعارماشىلىعىنىڭ «تابيعي ناقىشى» مول بولعانىمەن، ونەرىنىڭ شاناقتى بولۋى، تاقىرىبىنىڭ ايقىن بولماۋى سىندى جەتەرسىزدىكتەر دە كەزدەسەدى. وسىعان بايلانىستى، ۇكىمەت ءار جىلى ديقاندارعا سۋرەت سىزۋ كۋرسىن اشىپ، كاسىپتىك مامانداردى ۇسىنىس ەتىپ، ديقانداردىڭ شىعارما تاقىرىبىن تالقىلاۋىنا، سۋرەتكەرلىك ونەرىن جەتىلدىرۋىنە كومەكتەسكەن، ديقانداردىڭ سۋرەتتى قاراپايىم سىزاتىن ستيلى مەن بازاردىڭ قاجەتسىنۋى اراسىنداعى تەپە – تەڭدىكتى تاۋىپ، كاسىپ سالاسىنا اينالدىرا دامىتۋعا جول اشقان.
ديقانداردىڭ سالت – سانا ارقىلى اۋقاتتانۋ جولىن تابۋىنىڭ ماڭىزدى ءتۇيىنى — ارنانى تۇتاستىرا بىلۋدە. ءونىم ومىرگە كەلگەن سوڭ، كەلەسى قادامدا ونى اتىزدان بازارعا اپارۋ، شىن مانىندە بايلىققا اينالدىرۋ كەرەك. ديقاندار سۋرەتىنىڭ وشاعى — شيۋشۇي قىستاعى ءارقايسى جاقتاردىڭ كۇش شىعارۋىنا سۇيەنىپ، شىعارماشىلىق، كورمە اشۋ، ساتۋ ىستەرىن ءبىرتۇلعالاندىرعان كاسىپ سالاسى باقشاسىن بازارعا باعىتتاعان ماڭدايشالىق ەتىپ، دۇڭفىڭ ديقاندار سۋرەتىنىڭ ماركالىق وبىرازىن تىكتەگەن.
تۇرمىستا اسەمدىك از ەمەس، قايتا اسەمدىكتى بايقايتىن قىراعىلىق كەمشىل. بازاردا دا قاجەتسىنۋ از ەمەس، قايتا قامداۋدى جاقسارتۋ تاسىلدەرى جەتەرسىز. دۇڭفىڭ اۋدانى ديقاندار سۋرەتى سىندى جەرگىلىكتى ەرەكشەلىكتى مىقتى يگەرىپ، توعىستىرۋ، جەتىلدىرۋ جانە جول اشۋ قاتارلى ءۇش جاقتان كۇش سالىپ، سالت – سانانى اۋىل – قىستاقتان اتتاتىپ، بازارعا بەتتەتۋ ورايىن سيلاعان، بۇل القاۋعا تاتيتىن بەلسەندى ىزدەنىستەردىڭ ءبىرى.
وسىعان ۇقساس، بارشا اۋىل – قىستاقتاردا سۋرەت سىزۋ، توقىماشىلىق، كەستەشىلىك قاتارلىلاردى قامتىعان ءتۇرلى – تۇستەگى سالت – سانا بايلىعى ەرەكشە مول. ءبىز سول اسەمدىكتى بايقايتىن كورەگەندىككە، سول اسەمدىكتى جەتىلدىرە تۇسۋگە دەم بەرەتىن شارالارعا، سالت – سانانى قورعاۋمەن بىرگە، شارۋالاردىڭ كىرىسىن ارتتىرۋعا بولاتىن اناعۇرلىم كوپ جولدى تابۋعا مۇحتاجبىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
