بۇل قاراجات وسەتىن بولدى! 18 ولكە ايقىن تۇراقتاندىردى
2021.11.18 16:30 كەلۋ قاينارى : حالىق تورابى
دەرەكتىڭ كەلۋ قاينارى: جەر – جەردەگى ۇكىمەت ورىندارى مەن ادام كۇشى بايلىعى جانە قوعامدىق قامتاماسىزداندىرۋ تاراۋلارىنىڭ توراپتارى. كەستەنى جاساۋشى: حالىق تورابىنىڭ ءتىلشىسى ياڭ شي
جىل باسىنان بەرى، كوپ ولكە ەڭ تومەنگى ەڭبەكاقى ولشەمىن ۇزدىكسىز جوعارىلاتتى، ۋاقىتىن تۇراقتاندىرۋمەن بىرگە، قاتىستى جوباعا رەتتەۋ جۇرگىزدى ءارى ازىرلەدى، كىرىسى تومەن ەڭبەكشىلەر الدا شىنايى يگىلىكتەنەدى.
18 ولكە ەڭ تومەنگى ەڭبەكاقى ولشەمىنە رەتتەۋ جۇرگىزدى، قاتىستى جۇمىسشى – قىزمەتكەرلەرگە بەرىلەتىن قوسىمشا قامقورلىقتاردىڭ دەڭگەيى دە سايكەستى جوعارىلايدى
ءتىلشىنىڭ رەتتەۋ بارىسىندا بايقاۋىنشا، جىل باسىنان بەرى بەيجيڭ، شاڭحاي، جىجياڭ، جياڭسۋ قاتارلى 18 ولكە ەڭ تومەنگى ەڭبەكاقى ولشەمىن جوعارىلاتقان.
رەتتەۋ جۇرگىزۋ مولشەرىنەن الىپ قاراعاندا، 17 ولكەدە رەتتەۋ جۇرگىزۋ مولشەرى %10 تەن اسقان. 18 ولكەدەن 7 ولكەنىڭ ەڭ تومەنگى ەڭبەكاقى ولشەمى 200 يۋاننان اسقان. مۇندا شاڭحايدا 2590 يۋان، بەيجيڭدە 2320 يۋان، تيانجيندە 2180 يۋان، جىجياڭ، جياڭسۋ، حۋبەي، شاندۇڭ قاتارلى جەرلەردە دە ءبىرىنشى دەڭگەيدەگى ەڭ تومەنگى ەڭبەكاقى ولشەمى 2000 يۋاننان جوعارى بولعان.
اتقاراتىن ۋاقىتىنان الىپ قاراعاندا، 18 ولكەنىڭ ىشىندە حاينان مەن جيلين ەكى جەر 12 – ايدىڭ 1 – كۇنى اتقارادى، قالعان 16 ولكە 4 – ايدان باستاپ ىلگەرىندى – كەيىندى اتقارعان.
«كوڭىل بولۋگە تاتيتىنى، ەڭ تومەنگى ەڭبەكاقى ولشەمى جوعارىلاتىلعاننان كەيىن، جۇمىسشى – قىزمەتكەرلەردىڭ كىرىسىن ارتتىرۋدا، وتە – موتە كىرىسى تومەن ەڭبەكشىلەردىڭ ەڭبەكاقىسىن جوعارىلاتۋدا تىكەلەي ارتتىرۋ رولىن اتقارادى. مۇنان سىرت، ەڭ تومەنگى ەڭبەكاقى ولشەمىمەن بايلانىستى ءىشىنارا ەڭبەكاقىدان تىس قامقورلىق نىساندارىنىڭ ولشەمى دە سايكەستى جوعارىلاتىلادى»، — دەيدى بەيجيڭ قالاسى جيڭشى ادۆوكاتتار ءىس باسقارماسىنىڭ سەلبەستىك سەرىگى، ادۆوكات ۋاڭ جىڭيۇي حالىق تورابى ءتىلشىسىنىڭ سۇحباتىن قابىلداعان كەزدە، جۇمىسشى – قىزمەتكەرلەردىڭ جۇمىستان بوساۋىنا بايلانىستى بەرىلەتىن قامسىزداندىرۋ قاراجاتى، ەمدەلۋ مەزگىلىندەگى ناۋقاستىق دەمالىس ەڭبەكاقىسى، جۇمىس ۇستىندە جارالانعاندارعا نەمەسە مۇگەدەك بولعاندارعا بەرىلەتىن قامقورلىق قاراجاتى، سونداي – اق ءىس ورنىنىڭ جۇمىستى توقتاتۋى، كاسىپتى توقتاتۋى قاتارلى سەبەپتەرگە جولىققاندا جۇمىسشى – قىزمەتكەرلەرگە بەرەتىن نەگىزدىك تۇرمىس قاراجاتى، الەۋمەتتىك جيناق قور قاراجاتى قاتارلىلار دا ەڭ تومەنگى ەڭبەكاقى ولشەمىنىڭ رەتتەلۋىنە بايلانىستى جوعارىلايدى.
ەڭ تومەنگى ەڭبەكاقىنىڭ جوعارىلاتىلۋى بارلىق ادامنىڭ ەڭبەكاقىسى وسەدى دەگەندىك ەمەس
ەڭ تومەنگى ەڭبەكاقى ولشەمىنىڭ جوعارىلاۋى دەگەنىمىز ەڭبەكشىلەردىڭ زاڭدا بەلگىلەنگەن قىزمەت ۋاقىتىندا نەمەسە زاڭ بويىنشا قول قويعان ەڭبەك توقتامىندا ۋادەلەسكەن ەڭبەك ۋاقىتىندا قالىپتى ەڭبەك ىستەگەن جاعدايدا، ەڭبەكشىنى ىستەتۋشى ورىننىڭ زاڭ بويىنشا بەرۋگە ءتيىستى بەرەتىن ەڭبەكاقىسى ەڭ تومەنگى ەڭبەكاقى ولشەمىنەن تومەن بولماۋى كەرەك ەكەنىن كورسەتەدى.
ادام كۇشى بايلىعى جانە قوعامدىق قامتاماسىزداندىرۋ مينيسترلىگى 2015 – جىلى ۇقتىرۋ جاريالاپ، ەڭ تومەنگى ەڭبەكاقى ولشەمىن ەكى – ءۇش جىلدا كەمىندە ءبىر رەت رەتكە سالىپ وتىرۋدى تالاپ ەتكەن بولاتىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
