لي كىچياڭ كامبودجانىڭ باس ءۋازىرى حۇڭسىنمەن بەينە ەكراندا ديدارلاستى
2021.11.16 16:32 كەلۋ قاينارى : حالىق تورابى
مەملەكەتتىك كەڭەستىڭ زۇڭليى لي كىچياڭ 11 - ايدىڭ 15 - كۇنى تۇستەن كەيىن بەيجيڭ جۇڭنانحايداعى زىگۋاڭگى سارايىندا كامبودجانىڭ باس ءۋازىرى حۇڭسىنمەن بەينە ەكراندا ديدارلاستى.
سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن
شينحۋا اگەنتتىگى، 11 - ايدىڭ 15 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 11 - ايدىڭ 15 - كۇنى تۇستەن كەيىن جۇڭنانحايداعى زىگۋاڭگى سارايىندا كامبودجانىڭ باس ءۋازىرى حۇڭسىنمەن بەينە ەكراندا ديدارلاستى.
لي كىچياڭ مىنانى ءبىلدىردى: جۇڭگو مەن كامبودجا تاتۋ كورشى، ءداستۇرلى دوستىعى تەرەڭ، ءار سالاداعى ناقتى سەلبەستىگى ۇزدىكسىز ىلگەرىلەپ كەلەدى. جۇڭگو جۇڭگو - كامبودجا قاتىناسىن دامىتۋعا ايرىقشا ءمان بەرەدى. باس ءۋازىر مىرزا وتكەن جىلى جۇڭگودا ىندەت ايرىقشا اسقىنىپ تۇرعان كەزدە ۋادە بويىنشا جۇڭگوعا ساپارلاي كەلدى، ءتوراعا شي جينپيڭ سىزبەن كەزدەستى. ءسىزدىڭ ساپارىڭىز كامبودجا جاقتىڭ جۇڭگو حالقىنىڭ ىندەتپەن كۇرەسۋىن قولدايتىنىن ايگىلەدى. جۇڭگو كامبودجانىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن بۇرىنعىداي قولدايدى، كامبودجانىڭ ىندەتتەن ساقتانۋ - تىزگىندەۋ، ەكونوميكانى قالپىنا كەلتىرۋ، حالىق تۇرمىسىن جاقسارتۋ ىستەرى ءۇشىن شاماسىنىڭ كەلىسىنشە قولداۋ كورسەتىپ، كومەك بەرۋدى قالايدى.
لي كىچياڭ بىلاي دەپ اتاپ كورسەتتى: جۇڭگو كامبودجامەن جوعارى جىكتەگىلەردىڭ بارىس – كەلىسىن جالعاستىرىپ، ساياسي سەنىمدىلىكتى ۇزدىكسىز بەكەمدەۋدى قالايدى. ەكى جاقتىڭ وڭىرلىك جالپى بەتتىك ەكونوميكالىق سەرىكتەستىك قاتىناس كەلىسىمى مەن جۇڭگو - كامبودجا ەركىن ساۋدا كەلىسىمىنىڭ كۇشكە يە بولۋىن وراي ەتىپ، دامۋ ستراتەگياسىن ۇشتاستىرۋدى كۇشەيتىپ، نەگىزدىك قۇرىلعى، ءوندىرىس قۋاتى، ەكونوميكا - ساۋدا سياقتى سالالارداعى سەلبەستىكتى تەرەڭدەتىپ، وڭىرلىك ەكونوميكانىڭ ءبىر تۇلعالانۋىن جانە ساۋداعا قارجى قوسۋدىڭ ەركىن، قولايلى بولۋىن ىلگەرىلەتىپ، ەكى ەلگە جانە وڭىرگە ءتىپتى دە زور باقىت جاراتۋىن ءۇمىت ەتەمىن. جۇڭگو كامبودجامەن بىرگە اۋىل شارۋاشىلىق ونىمدەرى ساۋداسىن ۇلعايتىپ، كامبودجانىڭ ەرەكشە ساپالى اۋىل شارۋاشىلىق ونىمدەرىن يمپورت ەتۋدى قالايدى. جۇڭگو جاق كامبودجانىڭ الدا اشىلاتىن ازيا - ەۆروپا باسشىلار ءماجىلىسىن ويداعىداي وتكىزىپ، ازيا - ەۆروپانىڭ ناقتى سەلبەستىگىن اناعۇرلىم ىلگەرىلەتۋىن قولدايدى. جۇڭگو شىعىس وڭتۇستىك ازيا ەلدەرى وداعىنىڭ وڭىرلىك قۇرىلىمداعى وزەكتى ورنىن باتىل قولدايدى، شىعىس وڭتۇستىك ازيا ەلدەرى وداعىنىڭ وڭىرلىك جانە حالىقارالىق ىستەردە اناعۇرلىم زور رول اتقارۋىن قولدايدى، كامبودجانىڭ كەلەر جىلعى شىعىس وڭتۇستىك ازيا ەلدەرى وداعىنىڭ كەزەكتى ءتوراعا ەلى بولۋىن قولداپ، جۇڭگو مەن شىعىس وڭتۇستىك ازيا ەلدەرى وداعى قاتىناسىنىڭ اناعۇرلىم زور دامۋعا قول جەتكىزۋىن جەبەيدى.
حۇڭسىن مىنانى ءبىلدىردى: كامبودجا مەن جۇڭگو − مىزعىماس دوستار، ەكى جاق قيىن - قىستاۋ كەزدەردە باستان - اياق تاباندىلىقپەن بىرگە تۇرادى. كامبودجا ءوزىنىڭ ەكونوميكالىق، قوعامدىق دامۋىنا جۇڭگونىڭ باستان – اياق زور قولداۋ كورسەتكەنىنە جانە كومەكتەسكەنىنە العىس ايتادى، جۇڭگونىڭ ىندەتتەن ساقتانۋ - تىزگىندەۋ جانە ەكونوميكالىق دامۋدا قول جەتكىزگەن تابىستارىن بارىنشا القايدى. جۇڭگو جاقتىڭ قولداۋىندا كامبودجا دا ىندەتتەن ساقتانۋ - تىزگىندەۋدە كەلەلى تابىستارعا قول جەتكىزدى. ەكى جاقتىڭ ءار سالاداعى سەلبەستىگى بارىسىندا ىندەتتىڭ ىقپالىن جەڭۋدە بەلسەندى ىلگەرىلەۋشىلىككە قول جەتتى. كامبودجا جاق جۇڭگو جاقپەن اۋىل شارۋاشىلىعى، نەگىزدىك قۇرىلعى، الەۋمەتتىك دەنساۋلىق ساقتاۋ، وقۋ - اعارتۋ، مادەنيەت سياقتى سالالارداعى سەلبەستىكتى كۇشەيتىپ، كامبودجا - جۇڭگو ەركىن ساۋدا كەلىسىمىنىڭ كەلەر جىلى ۋاعىندا كۇشكە يە بولۋىنا كەپىلدىك ەتىپ، ەكى جاقتى ساۋدانىڭ تاعى دا تىڭ ساتىعا كوتەرىلۋىن ىلگەرىلەتەدى. كامبودجا جۇڭگومەن سايكەسۋدى، سەلبەسۋدى كۇشەيتىپ، ازيا - ەۆروپا باسشىلار ءماجىلىسىنىڭ بەلسەندى تابىستارعا قول جەتكىزۋىن ىلگەرىلەتىپ، شىعىس وڭتۇستىك ازيا ەلدەرى وداعى مەن جۇڭگو قاتىناسىنىڭ ساپاسىن، دارەجەسىن جوعارىلاتۋدى قالايدى.
ەكى جاق تاعى ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە پىكىر اۋىستىردى.
ۋاڭ ي جوعارىداعى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
