شي جينپيڭ ازيا - تىنىق مۇحيت ەكونوميكالىق سەلبەستىك ۇيىمى ونەركاسىپ - ساۋدا باسشىلار ماجىلىسىنە قاتىناستى ءارى ارقاۋ ءسوز سويلەدى
2021.11.13 10:27 كەلۋ قاينارى : شينجياڭ گازەتى
شينحۋا اگەنتتىگىنىڭ 11 - ايدىڭ 11 - كۇنى بەيجيڭنەن بەرگەن حابارى. 11 - ايدىڭ 11 - كۇنى مەملەكەت ءتوراعاسى شي جينپيڭ ۇسىنىس بويىنشا بەيجيڭدە بەينە ەكران تاسىلىمەن ازيا - تىنىق مۇحيت ەكونوميكالىق سەلبەستىك ۇيىمى ونەركاسىپ - ساۋدا باسشىلار ماجىلىسىنە «باياندى دامۋعا تاباندى بولىپ، ازيا - تىنىق مۇحيت تاعدىرلاس ورتاق تۇلعاسىن بىرگە قۇرايىق» دەگەن تاقىرىپتا ارقاۋ ءسوز سويلەدى.
شي جينپيڭ بىلاي دەپ اتاپ كورسەتتى: كەزەكتە جاڭا تيپتى ايدارشا ۆيرۋس وكپە قابىنۋ ىندەتى ءالى دە بۇكىل الەمدە ءورشىپ، دۇنيە ءجۇزى ەكونوميكاسىنىڭ قالپىنا كەلۋى قيىندىقتارعا، بۇراڭدىقتارعا تاپ بولۋدا. ازيا - تىنىق مۇحيت ءوڭىرى ءداۋىر جاۋاپكەرشىلىگىن باتىلدىقپەن ارقالاپ، جەتەكشىلىك رولىن ساۋلەلەندىرىپ، ازيا - تىنىق مۇحيت تاعدىرلاس ورتاق تۇلعاسىن قۇرۋ نىساناسىنا قاراي بۇلجىماستان ارشىندى قاداممەن ىلگەرىلەۋى كەرەك.
ءبىرىنشى، بار كۇشپەن ىندەتكە قارسى اتتانۋ. قانشالىقتى قيىن ءسات بولعان سايىن، سەنىمدى سولعۇرلىم بەكەمدەي ءتۇسىپ، بارىنشا قايسار بولۋ كەرەك. ادامزاتتىڭ بولاشاعى مەن تاعدىرىنا ساياتىن وسى عاسىرلىق سىناق الدىندا، ازيا - تىنىق مۇحيتتاعى ءارقايسى ەكونوميكالىق تۇلعالار مەن قوعامنىڭ ءار سالاسى حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، عىلىم رۋحىن اسقاقتاتىپ، ىنتىماقتاسا جۇدىرىقتاي جۇمىلىپ، ىندەتكە قارسى اتتانۋدىڭ تۇبەگەيلى جەڭىسىنە قۇلشىنا قول جەتكىزۋى كەرەك.
ەكىنشى، اشىق سەلبەستىك جاساسۋعا تاباندى بولۋ. ءارقايسى جاق ۇلكەن اۋقىمدى يگەرىپ، ەسىك اشۋدى بەلسەندى، ىرىقتى تۇردە كەڭەيتىپ، ساۋدا مەن قارجى قوسۋدىڭ ەركىندەسۋىن، قولايلىلاسۋىن ىلگەرىلەتىپ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتى، ىركىلىسسىز بولۋىن قورعاپ، ەكونوميكانىڭ قالپىنا كەلۋىن ىلگەرىلەتىپ، بىرگە ارەكەتتەنە دامۋدى جۇزەگە اسىرۋ كەرەك. الدىعا قاراۋعا، العا ىلگەرىلەۋگە تاباندى بولۋ كەرەك. ازيا - تىنىق مۇحيت ءوڭىرىنىڭ قىرعي قاباقتىق سوعىس مەزگىلىندەگى قارسىلاسۋ جانە جىكتەلۋ كۇيىنە قايتۋىنا بولمايدى جانە قايتپاۋعا ءتيىستى.
ءۇشىنشى، جاسىلعا بۇرىلىس جاساۋدى ىلگەرىلەتۋ. ورتاق، ءبىراق پارىقتى جاۋاپكەرشىلىك پرينسيبىنە تاباندى بولىپ، كليمات وزگەرىسىنە توتەپ بەرۋ جونىندەگى «پاريج كەلىسىمىن» جانە «ورگانيزمدەردىڭ الۋن تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىنىڭ جەتىستىكتەرىن ويداعىداي تياناقتاندىرىپ، جاسىل، تومەن كومىر قىشقىل گازدى، باياندى دامۋ جولىمەن بىرگە ءجۇرۋ كەرەك. حالىقتى وزەك ەتۋگە تاباندى بولىپ، ەكونوميكانىڭ ارتۋىن، حالىق تۇرمىسىن قامتاماسىزداندىرۋدى، ەنەرگيا ۇنەمدەپ، لاس زاتتاردىڭ شىعارىلۋىن ازايتۋدى ويداعىداي سايكەستىرىپ، ەكونوميكانىڭ دامۋى بارىسىندا جاسىلعا بۇرىلىس جاساۋدى جەبەپ، جاسىلعا بۇرىلىس جاساۋ بارىسىندا ءتىپتى دە زور دامۋدى جۇزەگە اسىرۋ كەرەك.
ءتورتىنشى، جاڭالىق اشۋدى بەلسەنە ىلگەرىلەتۋ. عىلىم - تەحنيكا مەن تۇزىمدە جاڭالىق اشۋدى جەدەلدەتىپ، عىلىم - تەحنيكا جەتىستىكتەرىن كادەگە جاراتۋدى ىلگەرىلەتىپ، ەكونوميكا دامۋىنىڭ جاڭا قوزعاۋشى قۋاتىن جەتىلدىرۋ كەرەك. ازيا - تىنىق مۇحيت ەكونوميكالىق سەلبەستىك ۇيىمى مۇشەلەرىنىڭ عىلىم - تەحنيكادا جاڭالىق اشۋ ىستەستىگىن كۇشەيتىپ، عىلىم - تەحنيكانىڭ دامۋىنا اشىق، ءادىل، تۋراشىل، كەمسىتپەيتىن ورتا تۇلعالاۋ كەرەك. ونەركاسىپ - ساۋدا سالاسى زەرتتەپ اشۋعا قارجى قوسۋدىڭ، جەتىستىكتەردى كادەگە جاراتۋدىڭ نەگىزگى قوسىنى بولۋعا قۇلشىنۋ كەرەك.
شي جينپيڭ بىلاي دەپ باسا دارىپتەدى: جۇڭگو ەكونوميكاسىنىڭ دامۋى باستان - اياق ازيا - تىنىق مۇحيت ءوڭىرىنىڭ سەلبەستىك ۇردىسىمەن ءوزارا ارالاسىپ، سايكەسىپ كەلەدى. جۇڭگو جاپپاي دوڭگەلەك داۋلەتتى قوعام ورناتۋدى ءدال ۋاعىندا جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادى، بۇل ازيا - تىنىق مۇحيت وڭىرىنە ءتىپتى دە زور وراي اكەلەدى.
جۇڭگو رەفورما جاساۋ، ەسىك اشۋدى بۇلجىماستان ىلگەرىلەتىپ، ازيا - تىنىق مۇحيت ەكونوميكاسىنىڭ دامۋىنا دەم بەرەدى. جۇڭگو جوعارى ولشەمدى بازار جۇيەسى قۇرىلىسىن ىلگەرىلەتۋگە كۇش سالىپ، ماڭىزدى سالالار مەن شەشۋشى بۋىندارداعى رەفورمانى ىلگەرىلەتۋدە جاڭا ىلگەرىلەۋشىلىككە قول جەتكىزىپ، جوعارى ورەدەگى، تۇزىمدىك سىرتقا ەسىك اشۋ ارناسىن تۇلعالاپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، ءبىر تۇتاس اشىق ۇستالاتىن، باسەكەسى ءتارتىپتى بازار جۇيەسىن تۇلعالاپ، جۇڭگو ەكونوميكاسىنىڭ ۇزاق بولاشاقتىق دامۋ نەگىزىن ۇزدىكسىز نىعايتادى ءارى ازيا - تىنىق مۇحيتتاعى جانە بۇكىل الەمدەگى ونەركاسىپ - ساۋدا سالاسىنىڭ جۇڭگوعا كەلىپ قارجى قوسىپ، كاسىپ كوركەيتۋىنە اناعۇرلىم ويداعىداي قامتاماسىزدىق ازىرلەيدى.
جۇڭگو جاپپاي جاسىلعا بۇرىلىس جاساۋدى ىلگەرىلەتىپ، ازيا - تىنىق مۇحيتتىڭ جانە بۇكىل الەمنىڭ ەكولوگيالىق وركەنيەت قۇرىلىسىنا ۇلەس قوسادى. جۇڭگو ەكولوگيالىق وركەنيەت قۇرىلىسىن بەلسەنە ىلگەرىلەتىپ، كليمات وزگەرىسىنە توتەپ بەرۋ جونىندەگى مەملەكەت ستراتەگياسىن باتىل اتقارىپ، تومەن كومىر قىشقىل گازدى بولۋعا بۇرىلىس جاساۋ مەن حالىق تۇرمىسىنىڭ قاجەتىن ءبىر تۇتاس جوسپارلاپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىن دەر كەزىندە جۇزەگە اسىرادى. ازيا - تىنىق مۇحيت ونەركاسىپ - ساۋدا سالاسىنىڭ بەلسەنە ات سالىسىپ، جاسىل دامىعان بولاشاقتى بىرگە اشۋىن قارسى الادى.
جۇڭگو سەلبەستىك جاساپ، بىرگە يگىلىككە كەنەلۋدى جەبەۋگە كۇش سالىپ، ازيا - تىنىق مۇحيت ءوڭىرى ەكونوميكاسىنىڭ دامۋىنا ازدا بولسا ەسە قوسادى. ناعىز كوپ جاقتىلىققا تاباندى بولىپ، الەمدىك ەكونوميكالىق جونگە سالۋعا بەلسەنە ات سالىسىپ، اشىق دۇنيە ءجۇزى ەكونوميكاسىن قۇرۋدى ىلگەرىلەتەدى. ”ءبىر بەلدەۋ، ءبىر جولدى“ جوعارى ساپادا بىرگە قۇرۋدى باتىل ىلگەرىلەتىپ، الەمدىك كەدەيلىكتى ازايتۋ، استىق حاۋىپسىزدىگى، دامۋعا قارجى قوسۋ سياقتى سالالارداعى سەلبەستىكتى كۇشەيتىپ، ازيا - تىنىق مۇحيت ءوڭىرى ەكونوميكاسىنىڭ قالپىنا كەلۋى مەن باياندى دامۋىنا قوزعاۋشى كۇش قوسىپ، الەمدىك دامۋ تاعدىرلاس ورتاق تۇلعاسىن قۇرادى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
