ءادىليا مينيسترلىگى ءادىليالىق اكىمشىلىك كادر – ساقشىلارىنىڭ جۇبايى مەن پەرزەنتى قاتارلىلاردىڭ ساۋدامەن شۇعىلدانىپ، كاسىپورىن قۇرۋى سىندى ىستەرىن قاتاڭ جۇيەگە سالادى
2021.11.10 13:41 كەلۋ قاينارى : حالىق تورابى
شينحۋا اگەنتتىگىنىڭ ءتىلىشىسى باي ياڭ 11 – ايدىڭ 9 – كۇنى بەيجيڭنەن حابارلايدى. ءادىليا مينيسترلىگى جۋىردا ۇقتىرۋ باسىپ تاراتىپ، ءادىليالىق اكىمشىلىك كادر – ساقشىلارىنىڭ جۇبايى، پەرزەنتى جانە پەرزەنتىنىڭ جۇبايى قاتارلىلاردىڭ ساۋدامەن شۇعىلدانىپ، كاسىپورىن اشۋى سىندى ىستەرىن قاتاڭ جۇيەگە سالادى ءارى ولاردىڭ ساۋدامەن شۇعىلدانىپ، كاسىپورىن اشۋىنا تيىم سالىناتىن كاسىپتەردىڭ تىزىمدىگىن بەلگىلەدى.
تيىم سالىناتىن كاسىپتەردىڭ كولەمى باستىسى ءادىليالىق اكىمشىلىك كادر – ساقشىلارى قىزمەت ىستەيتىن ورىننىڭ قاراماعىنداعى كاسىپ تۇرلەرىنىڭ كولەمىنە جانە كادر – ساقشىلاردىڭ مىندەتىن ءادىل اتقارۋىنا ىقپال جاسايتىن ساۋدا ىستەۋ، كاسىپورىن اشۋ ارەكەتتەرىنە سايادى. ءادىليالىق اكىمشىلىك جۇيەسىندەگى مەڭگەرمە، مەكەمە دارەجەلىدەن جوعارى كادردىڭ جۇبايىنىڭ، پەرزەنتىنىڭ جانە پەرزەنتىنىڭ جۇبايىنىڭ ساۋدامەن اينالىسۋىنا، كاسىپورىن قۇرۋىنا تيىم سالىناتىن كاسىپتەردىڭ كولەمى جۇڭگو كوممۋنيستىك پارتياسى ورتالىق كوميتەتى ۇيىمداستىرۋ ءبولىمىنىڭ، ءادىليا مينيسترلىگى مەن جەرگىلىكتى پارتكومنىڭ ۇيىمداستىرۋ ءبولىمىنىڭ قاتىستى بەلگىلەمەلەرىنە ساي اتقارىلادى.
جەر – جەردەگى، ءار دارەجەلى ءادىليالىق اكىمشىلىك ورگاندارى مەن تۇرمە، ەسىرتكىدەن تيۋ باسقارماسى قاتارلى ورىندارداعى مەڭگەرمە، مەكەمە دارەجەلىدەن تومەنگى باسشىلىق القاسى مۇشەلەرىنىڭ جۇبايىنىڭ، پەرزەنتىنىڭ جانە پەرزەنتىنىڭ جۇبايىنىڭ سول ورىننىڭ قاراماعىنداعى وڭىردە نەمەسە باسشى كادردىڭ قاراماعىنداعى سالانىڭ كولەمىندە ساۋدامەن شۇعىلدانۋىنا، كاسىپورىن اشۋىنا بولمايدى؛ ءادىليالىق اكىمشىلىك كادر – ساقشىلارىنىڭ مىندەت ۇقىعى مەن قىزمەت مىندەتىندەگى ىقپالىنان پايدالانىپ، جۇبايىنىڭ، پەرزەنتىنىڭ جانە پەرزەنتىنىڭ جۇبايىنىڭ ساۋدامەن شۇعىلدانۋىنا، كاسىپورىن اشۋىنا قولايلى شارت - جاعداي جانە تيىمدىلىك جاراتۋىنا بولمايدى؛ ءادىليالىق اكىمشىلىك كادر – ساقشىلارىنىڭ جۇبايىنىڭ، پەرزەنتىنىڭ جانە پەرزەنتىنىڭ جۇبايىنىڭ كادر – ساقشىلاردىڭ مىندەتىن ءادىل اتقارۋىنا ىقپال جاسايتىن ساۋدا ىستەۋ، كاسىپورىن اشۋ ارەكەتىمەن شۇعىلدانۋىنا بولمايدى، كادر – ساقشى قىزمەت ىستەيتىن ورىن جانە ونىڭ قاراماعىنداعى ورىنمەن تىكەلەي ەكونوميكالىق قارىم – قاتىناس ورناتۋىنا بولمايدى.
ءادىليا مينيسترلىگى مىنانى تالاپ ەتتى، ءار دارەجەلى ءادىليالىق اكىمشىلىك ورگاندارى ءادىليالىق اكىمشىلىك كادر – ساقشىلارىنىڭ جۇبايى، پەرزەنتى جانە پەرزەنتىنىڭ جۇبايى قاتارلىلاردىڭ ساۋدامەن شۇعىلدانۋ، كاسىپورىن اشۋ ىستەرىن جۇيەگە ءتۇسىرۋدى ماڭىزدى مىندەت رەتىندە مىقتى ۇستاۋعا تاباندى بولىپ، مىندەتتى شىنايى، جان – جاقتىلى، ويداعىداي تياناقتاندىرۋى كەرەك. ءارقايسى ولكە، اۆتونوميالى رايون، توتە قاراستى قالالارداعى ءادىليالىق مەڭگەرمەلەر (مەكەمەلەر) تيىم سالىناتىن كاسىپ تۇرلەرىنىڭ تىزىمدىگىنە نەگىزدەلە وتىرىپ، ءىس جۇزىندىك جاعدايمەن ۇشتاستىرىپ، ناقتى تيىم سالىناتىن كاسىپ تۇرلەرىنىڭ تىزىمدىگىن بەلگىلەپ شىعۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
