كوپ جەردىڭ ىندەت جاعدايى ءالى دە اسقىنۋ ۇستىندە، مەملەكەتتىك دەنساۋلىق ساقتاۋ، سالاماتتىق كوميتەتى ەڭ جاڭا تۇجىرىم جاسادى!
2021.11.08 14:27 كەلۋ قاينارى : حالىق تورابى
11 - ايدىڭ 6 - كۇنى، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى ىندەتتىڭ سىرتتان كىرۋىنەن ساقتانۋعا قاتىستى جاعدايلاردى اناعۇرلىم ويداعىداي ىستەۋ جونىندە اقپار جاريالاۋ ءماجىلىسىن اشتى. اقپار جاريالاۋ ماجىلىسىندە مەملەكەتتىك دەنساۋلىق ساقتاۋ، سالاماتتىق كوميتەتىنىڭ اقپارات مالىمدەمەشىسى، ۇگىت مەڭگەرمەسىنىڭ ورىنباسار باستىعى مي فىڭ بىلاي دەپ تانىستىردى: كەزەكتە ەلىمىزدىڭ كوپ جەرى سىرتتان كىرۋ سيپاتىنداعى جەرگىلىكتى ورىننان بايقالعان ىندەت جاعدايىن مالىمدەدى، بۇل كوپتەگەن وتكەلدەرگە سايادى، كوپتەگەن تاراتۋ جەلىسى بايقالدى. 11 - ايدىڭ 5 - كۇنى ساعات 24كە دەيىن، ىندەت جاعدايى 20 ولكەنى شارپىپ، قىس، كوكتەم ماۋسىمىنداعى فاكتورلار قاباتتاسىپ، ساقتانۋ ـ تىزگىندەۋ جاعدايى قاتاڭ دا كۇردەلى بولدى.
وسى رەتكى ىندەت جاعدايى كوپتەگەن بايلانىسسىز شەكارا سىرتىنان ەنگىزىلگەن قايناردان پايدا بولعان
مەملەكەتتىك دەنساۋلىق ساقتاۋ، سالاماتتىق كوميتەتى اۋرۋدى تىزگىندەۋ مەكەمەسىنىڭ ورىنباسار باستىعى ۋ لياڭيۋ بىلاي دەدى: 10 - ايدىڭ 17 - كۇنىنەن بەرى، 11 - ايدىڭ 5 - كۇنى ساعات 24كە دەيىن بۇكىل ەل بويىنشا 918 ادام جۇعىمدالىپ، 20 ولكە، 44 قالانى شارپىدى. ۆيرۋس گەنىنىڭ رەت - ءتارتىبى مەن ەپيدەميولوگيالىق تەگىن تەكتەۋ ناتيجەسىنەن كورسەتىلۋىنشە، وسى ىندەت جاعدايى كوپتەگەن بايلانىسسىز شەكارا سىرتىنان ەنگىزىلگەن قايناردان پايدا بولعان.
حيلۇڭجياڭ قاتارلى جەرلەردە ىندەت ءالى دە اسقىنۋ ۇستىندە
ۋ لياڭيوۋدىڭ تانىستىرۋىنا قاراعاندا، قازىر شانشي، حۋبەي، حۋنان قاتارلى ولكەلەردە ءۇرتىس 12 كۇننەن استام ۋاقىتتان بەرى جاڭادان قوسىلعان ىندەتكە شالدىعۋشىلار بايقالمادى، ىندەت جاعدايى قىسقا ۋاقىت ىشىندە تەز، ءونىمدى تىزگىندەلگەن.
جىجياڭ مەن جياڭسۋدا جۋىردا بىرەر - جارىم ىندەتكە شالدىققاندار بايقالدى، ءبىراق الەۋمەتتىك اۋماقتا تارالۋ بەلگىسى بايقالمادى.
ىشكى موڭعۇل، بەيجيڭ، گۇيجوۋ ، شاندۇڭ سياقتى ولكە، اۆتونوميالى رايونداردىڭ ساقتانۋ، تىزگىندەۋ ونىمدىلىگى بىرتىندەپ كورنەكتىلەنىپ، الەۋمەتتىك اۋماقتا تارالۋى نەگىزىنەن تىزگىندەلدى. گانسۋ، چيڭحاي، نيڭشيا، يۇنناننىڭ دىحۇڭ قاتارلى جەرلەرىندە ىندەت جاعدايى تومەن دەڭگەيدە تولقۋدا، الەۋمەتتىك اۋماقتا جالعاستى تۋىلاتىن حاۋىپ - قاتەر الاستالمادى، ءبىراق ىندەتتىڭ سىرتقا اعىلۋ قاتەرى ءبىرشاما تومەن.
حيلۇڭجياڭ، حىبەي، حىنان، جياڭشي، سىچۋان، چۇڭچيڭ، لياۋنيڭ سياقتى جەرلەردە ىندەت جاعدايى ءالى دە اسقىنۋ ۇستىندە، ىندەت جاعدايىنىڭ بەتالىسىنا قاداعالاي نازار اۋدارۋعا تۋرا كەلەدى.
ۋ لياڭيوۋ بىلاي دەدى: جالپى تۇلعالىق جاقتان العاندا، وسى رەتكى ىندەتتىڭ تارالۋ تىزبەگى كوپ، تارالۋ قارقىنى تەز، تارالۋ كولەمى كەڭ بولۋداي ەرەكشەلىك جارىققا شىقتى، «سىرتتان كىرۋدەن، ىشتە قايتا ورشۋدەن ساقتانۋ» سىندى ساقتانۋ - تىزگىندەۋ جاعدايى ءالى دە قاتاڭ دا كۇردەلى.
ول بىلاي دەدى: مەملەكەتتىك دەنساۋلىق ساقتاۋ، سالاماتتىق كوميتەتى قاتىستى ىلگەرىلەۋ جاعدايىنا قاداعالاي نازار اۋدارىپ، قاتىستى تاراۋلارمەن بىرگە جەر ـ جەردىڭ بىرلەسىپ ساقتانۋ، بىرلەسىپ تىزگىندەۋ مەحانيزمى ورنالاستىرۋىن تياناقتاندىرۋىنا جەتەكشىلىك ەتىپ، ىندەتتى باقىلاۋ ـ تەكسەرۋدى ۇزدىكسىز كۇشەيتىپ، ناۋقاستار مەن باسقارۋ ـ مەڭگەرۋ قىزمەتكەرلەرىنىڭ ەپيدەميولوگيالىق تەكسەرۋىن كۇشەيتەدى. حاۋىپ ـ قاتەر وڭىرلەرىن، حاۋىپ ـ قاتەر قىزمەتكەرلەرىن باسقارۋ، تىزگىندەۋ شارالارىن قاتاڭ تياناقتاندىرىپ، ەمدەۋ قۇرىلىمدارى مەن شوعىرلى اۋاشالاۋ تۇيىندەرىن باسقارۋدى كۇشەيتىپ، قوسالقى جۇقپالى اۋرۋلاردىڭ حاۋىپ ـ قاتەرىنەن قاتاڭ ساقتانىپ، ءتۇرلى شارالاردىڭ دەر كەزىندە تياناقتانۋىن ىلگەرىلەتىپ، ىندەتتى تەز ارادا ءونىمدى تىزگىندەۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
