بازار باقىلاۋ ـ باسقارۋ باس مەكەمەسى: «قوس 11» قيمىلىندا «الدىمەن باعانى ءوسىرىپ، ونان سوڭ ارزانداتۋعا» قاتاڭ تيىم سالادى!
2021.11.08 14:25 كەلۋ قاينارى : حالىق تورابى
بازار باقىلاۋ - باسقارۋ باس مەكەمەسى 11 - ايدىڭ 6 - كۇنى بۇكىل ەلدەگى ينتەرنەت تەكشەسى كاسىپورىندارى مەن جەر - جەردەگى بازار باقىلاۋ - باسقارۋ تاراۋلارىنا «‹قوس 11› توراپ ارقىلى ساتۋدى تەزدەتۋ تيجارات قيمىلىن ارناعا ءتۇسىرۋ جونىندەگى قىزمەت ەسكەرتۋىن» تاراتىپ، ساتۋدى تەزدەتۋ تيجارات ارەكەتىن 8 جاقتان ارناعا ءتۇسىرىپ، «قوس 11» كەزىندەگى توراپ ساۋدا بازارىنىڭ ءتارتىبىن شىنايى قورعاپ، تۇتىنۋشىلاردىڭ زاڭدى ۇقىق - مۇددەسىن قورعادى.
قىزمەت ەسكەرتۋى نەگىزىنەن مىناداي 8 جاقتاعى مازمۇندى قامتيدى:
ءبىرىنشى، سۋبيەكتتىك جاۋاپكەرشىلىكتى قاتاڭ تياناقتاندىرۋ. ساتۋدى جەبەۋ مەزگىلىندە، تۇعىردى كىرۋگە رۇقسات ەتۋ وتكەلىن ويداعىداي يگەرىپ، تەكسەرۋ، انىقتاۋ بورىشىن تياناقتاندىرىپ، تۇعىرداعى تيجاراتشىلاردى كۋالىك، بەلگى كورسەتىپ تيجارات جۇرگىزۋگە قۋزاۋ كەرەك.
ەكىنشى، ساتۋدى جەبەۋ ارەكەتىن قاتاڭ ارناعا ءتۇسىرۋ. ساتۋدى جەبەۋ ارەكەتىنىڭ جاريالىلىعى مەن اشىقتىعىن جوعارىلاتىپ، «الدىمەن باعانى ءوسىرىپ، ونان سوڭ ارزانداتۋ»، بۇرىنعى باعانى ويدان قۇراستىرۋ، باعا ۋادەسىن ورىنداماۋ سياقتى زاڭعا قايشى تاسىلدەرمەن ءوتىمىن جەدەلدەتۋگە تيىم سالۋ كەرەك.
ءۇشىنشى، جارناما جاريالاۋ ارەكەتىن قاتاڭ ارناعا ءتۇسىرۋ كەرەك. جارنامانى تەكسەرۋ ورەسىن جوعارىلاتىپ، جالعان ۇگىتتى، پاسىق جارنامالاردى تيىپ، زاڭعا قايشى جالعان جارنامالاردى ءونىمدى تۇردە توسۋ كەرەك.
ءتورتىنشى، جوسىقسىز باسەكە ارەكەتتەرىنە قاتاڭ تيىم سالۋ. باسەكەنى جويۋ، شەكتەۋ جانە باسقا تيجاراتشىلاردىڭ زاڭدى قامداعان توراپ ونىمدەرىن نەمەسە قىزمەت وتەۋدى ءبۇلدىرۋ ارقىلى ساتۋدى تەزدەتۋگە بولمايدى. جالعان ساۋدا، تالوندى جالداپتىق، جالعان باعالاۋ سياقتى جوسىقسىز باسەكە، زاڭعا قايشى ارەكەتتەردىڭ تۋىلۋىنان ساقتانۋ كەرەك.
بەسىنشى، جالعان، جارامسىز تاۋارلاردى تيجارات ەتۋ ارەكەتتەرىنەن قاتاڭ ساقتانۋ كەرەك. ماسەلەسى بار تاۋارلاردى ءبىر جاقتى ەتۋ ەرەجەسىن قاتاڭ اتقارىپ، جالعان، جارامسىز تاۋارلاردى ساتۋعا جانە ونىڭ تيجاراتشىلارىنا دەر كەزىندە تيىم سالۋ شاراسىن قولدانىپ، ءبىلىم مەنشىك ۇقىعىن قورعاۋدى كۇشەيتۋ كەرەك.
التىنشى، زاڭعا قايشى، تيىم سالىنعان تاۋارلاردى ساتۋعا قاتاڭ تيىم سالىنادى. ينفورماتسيا جاريالاۋ، تەكسەرۋ جانە ناقتى كەزدە ارالاپ تەكسەرۋ قىزمەتىن ورىستەتىپ، زاڭعا قايشى، تيىم سالىنعان تاۋارلاردى اداقتاۋ قىزمەتىن جاقسى ىستەۋ، سونداي ـ اق زاڭعا، بەلگىلەمەگە قايشى ونىمدەردىڭ جالعانىمىن دەر كەزىندە ءوشىرۋ نەمەسە جويۋ كەرەك.
جەتىنشى، توراپتىق تۇتىنۋ داۋ - شارىن ۇيلەسىمدى شەشۋ. ارىز ـ شاعىمدى قابىلداۋدىڭ، ءبىر جاقتى ەتۋدىڭ جانە اڭىس ەتۋدىڭ ءونىمدى، قولايلى مەحانيزمىن كەمەلدەندىرىپ، تۇتىنۋشىلاردىڭ ارىز ـ شاعىم ايتۋ، اشكەرەلەۋ ارناسىن ىركىلىسسىزدەندىرىپ، ارىز ـ شاعىم ايتۋ، اشكەرەلەۋدى دەر كەزىندە قابىلداپ، ءونىمدى ءبىر جاقتى ەتىپ، تۇتىنۋشىلاردىڭ زاڭدى ۇقىق ـ مۇددەسىن قورعاۋىنا بەلسەنە كومەكتەسۋ كەرەك.
سەگىزىنشى، ۇكىمەت پەن كاسىپورىننىڭ قارىم - قاتىناسىن، سەلبەستىگىن كۇشەيتۋ. باقىلاۋ ـ باسقارۋ تاراۋلارىنىڭ تۇعىرداعى تيجاراتشىلاردىڭ زاڭعا، بەلگىلەمەگە قايشى قاتىستى ارەكەتتەرىن زاڭ بويىنشا تەكسەرىپ ءبىر جاقتى ەتۋىنە بەلسەنە سايكەسىپ، تۇعىرداعى ءوزىن ـ ءوزى باسقارۋ مەن ۇكىمەتتىڭ باقىلاۋ ـ باسقارۋىنىڭ ءتيىمدى ىقپالداستىعىن قالىپتاستىرىپ، تۇعىرداعى تيجاراتشىلاردى زاڭعا بويسۇنىپ تيجارات جۇرگىزۋ تانىمىن جوعارىلاتۋعا بىرگە جەتەكتەۋ كەرەك.
بازار باقىلاۋ - باسقارۋ باس مەكەمەسى سونىمەن بىرگە، قاراستى جەردەگى بازار باقىلاۋ - باسقارۋ تاراۋلارىنان جەتەكشىلىكتى كۇشەيتىپ، توراپتا شاقىرىپ اڭگىمەلەسۋ، توراپتا جەتەكشىلىك ەتۋ جانە ۇگىت - تاربيە جۇرگىزۋ سياقتى تاسىلدەر ارقىلى تەكشە كاسىپورىندارىنىڭ زاڭدا بەلگىلەنگەن بورىشىن وتەۋىن قۋزاپ جانە وعان جەتەكشىلىك ەتىپ، تۇلعالىق جاۋاپكەرشىلىكتى تياناقتاندىرۋدى؛ باقىلاۋ - تەكسەرۋدى، باقىلاۋ - باسقارۋدى كۇشەيتىپ، زاڭعا، بەلگىلەمەگە قايشى ارەكەتتەردى قاتاڭ تەكسەرىپ ءبىر جاقتى ەتىپ، 12315 ارىز - شاعىم ايتۋ، اشكەرەلەۋ ارناسىن ىركىلىسسىزدەندىرىپ، تۇتىنۋشىلاردىڭ زاڭدى ۇقىق - مۇددەسىن قورعاپ، توراپ ساۋدا بازارىنىڭ ءتارتىبىن ارناعا ءتۇسىرۋدى تالاپ ەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
