لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2021.11.04 15:40 كەلۋ قاينارى : حالىق تورابى
مەملەكەتتىك كەڭەستىڭ 8 - رەتكى زور كولەمدە باقىلاۋ - تەكسەرۋ جاعدايى جونىندەگى مالىمەتىن تىڭداپ، بازار تۇلعالارىنىڭ قاجەتىن، بۇقارا كوڭىل ءبولىپ وتىرعان ماسەلەلەردى جانە ۇكىمەت قارجىسىنان ويداعىداي پايدالانۋدى توڭىرەكتەي وتىرىپ قىزمەتتى ويداعىداي يگەرۋدى تالاپ ەتتى؛ «14 - بەسجىلدىق» مەزگىلىندە اۋىل شارۋاشىلىعىن، اۋىل - قىستاقتى وسىزامانداندىرۋدى ىلگەرىلەتۋ جوباسىن قاراپ ماقۇلداپ، اۋىل - قىستاقتى گۇلدەندىرۋ مەن شارۋالار كىرىسىنىڭ ءبىرشاما تەز ارتۋىن جەبەدى
شينحۋا اگەنتتىگى، 11 - ايدىڭ 3 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 11 - ايدىڭ 2 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، مەملەكەتتىك كەڭەستىڭ 8 - رەتكى زور كولەمدە باقىلاۋ - تەكسەرۋ جاعدايى جونىندەگى مالىمەتىن تىڭداپ، بازار تۇلعالارىنىڭ قاجەتىن، بۇقارا كوڭىل ءبولىپ وتىرعان ماسەلەلەردى جانە ۇكىمەت قارجىسىنان ويداعىداي پايدالانۋدى توڭىرەكتەي وتىرىپ قىزمەتتى ويداعىداي يگەرۋدى تالاپ ەتتى؛ «14 - بەسجىلدىق» مەزگىلىندە اۋىل شارۋاشىلىعىن، اۋىل - قىستاقتى وسىزامانداندىرۋدى ىلگەرىلەتۋ جوباسىن قاراپ ماقۇلداپ، اۋىل - قىستاقتى گۇلدەندىرۋ مەن شارۋالار كىرىسىنىڭ ءبىرشاما تەز ارتۋىن جەبەدى.
ءماجىلىس بىلاي دەپ اتاپ كورسەتتى: ج ك پ ورتالىق كوميتەتىنىڭ ەكونوميكالىق قىزمەت ءماجىلىسى مەن ۇكىمەت قىزمەتىنەن باياندامانىڭ ورنالاستىرۋلارىن، تالاپتارىن تياناقتاندىرۋدى ارقاۋ ەتىپ، تاياۋدا مەملەكەتتىك كەڭەس بۇكىل ەلدەگى 16 ولكەدە (اۆتونوميالى رايون، توتە قاراستى قالا) ناقتى باقىلاۋ - تەكسەرۋ جۇرگىزدى. باقىلاۋ - تەكسەرۋ قىزمەتىندە تاسىلدە جاڭالىق جاراتىپ، نەگىزگى ساتىعا تىكە ارالاسىپ، ساياساتتىڭ تياناقتانۋىن قۋزاۋعا ءمان بەرۋمەن بىرگە، جەرگىلىكتى ورىنداردىڭ، كاسىپورىنداردىڭ ماسەلەنى شەشۋىنە كومەكتەسۋگە باسا ءمان بەردى. باقىلاۋ - تەكسەرۋ جاعدايىنان قاراعاندا، بيىل جىل باسىنان بەرى جەر - جەر پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن باتىل دايەكتىلەندىرىپ، ءتۇرلى قىزمەتتەردە بەلسەندى تابىستارعا قول جەتكىزدى. كەلەسى قادامدا جەر - جەر، تاراۋلار بەلگىلەنگەن ساياساتتاردى تياناقتاندىرۋدى جانە باقىلاۋ - تەكسەرۋدە بايقالعان ماسەلەلەردى رەتتەۋ - تۇزەتۋدى مىقتى يگەرىپ، زاڭ - ەرەجە بويىنشا جاۋاپقا تارتىپ، رەتتەۋ - تۇزەتۋدىڭ تياناقتانۋىنا كەپىلدىك ەتىپ، قىزمەتتىڭ باعىتتامالىلىعىن، ونىمدىلىگىن اناعۇرلىم كۇشەيتىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋى كەرەك. ءبىرىنشى، بازار تۇلعالارىنىڭ قيىنشىلىقتى شەشۋىنە شىنايى كومەكتەسۋ كەرەك. كەيبىر جەرلەردە ورىن تەۋىپ وتىرعان سالىقتى، اقىنى كەمەيتۋدى تىڭعىلىقتى ىستەمەۋ، كوپ قولدى تاۋارلاردىڭ باعاسىن جوعارىلاتۋ، وزىندىك قۇندى جوعارىلاتۋ، ورتا، شاعىن، ۇساق كاسىپورىنداردىڭ ەسەبىن كەشەۋىلدەتۋ سياقتى ماسەلەلەردى شارا قولدانىپ شەشۋ كەرەك. ەكونوميكانىڭ جاڭا قۇلدىراۋ قىسىمى مەن بازار تۇلعالارىنىڭ جاڭا قيىنشىلىقتارى الدىندا الدىن الا رەتتەۋدى، ميكرولىق رەتتەۋدى ءونىمدى جۇرگىزۋ كەرەك. ەكىنشى، حالىق تۇرمىسىنداعى بوگەلۋ تۇيىندەرىن، قيىن تۇيىندەردى كۇش سالا شەشىپ، حالىقتىڭ تۇرمىس جاعىنداعى تىلەگىن كوكەيگە ۇيالاتىپ، باقىلاۋ - تەكسەرۋ بارىسىندا بايقالعان كەيبىر جەرلەردەگى مىندەتتى وقۋ - اعارتۋ ساتىسىنداعى وقىتۋشىلاردىڭ ەڭبەكاقىسىن كەشەۋىلدەتۋ جانە ەمدەۋ، كونە شاعىن اۋماقتاردى جاڭالاۋ سياقتى جاقتارداعى حالىق تۇرمىسىنا قاتىستى ناقتى ىستەردىڭ ويداعىداي ىستەلمەۋى، شىنايى ىستەلمەۋى ماسەلەسىن ويداعىداي شەشۋ كەرەك. بۇقارانىڭ كوڭىل ءبولىپ وتىرعان ماسەلەلەرىنە جاۋاپ قايتارىپ، «كوجە – قاتىققا» قالا باستىعى جاۋاپتى بولۋ ءتۇزىمىن كۇشەيتىپ، ەت، جۇمىرتقا، كوكونىس جانە باسقا دا تۇرمىستىق قاجەتتى بۇيىمدارمەن قامداۋ، باعانى ورنىقتىرۋ قىزمەتىن ويداعىداي ىستەۋ كەرەك. ۇتىمدى شارالار قولدانىپ، بۇقارانىڭ قىستان قىسىلماي وتۋىنە، ەكونوميكانىڭ ورنىقتى اينالىمىنا جانە جۇمىستانۋدىڭ ورنىقتىلىعىنا كەپىلدىك ەتۋ كەرەك. ءۇشىنشى، ۇكىمەتتىڭ الەۋمەتتىك شىعىسىن ارناعا ءتۇسىرۋ، ۇتىمدى پايدالانۋ كەرەك. «بەت - بەدەل» ينجەنەرياسىن تيىپ، «ىشكى» قۇرىلىسىنا باسا ءمان بەرىپ، باعالى قازىنالىق قارجىنى بازار تۇلعالارىن قولداۋ مەن نەگىزگى حالىق تۇرمىسىن قامتاماسىزداندىرۋعا جۇمساۋ كەرەك. ءماجىلىس مىنالاردى تالاپ ەتتى: فورماشىلدىقتى، تورەشىلدىكتى تيىپ، ءىس تىندىرماۋ، ويىنا كەلگەنىن ىستەۋ، «ۇكىمەت ىسىندە بويكۇيەزدىك ىستەۋ» سياقتى ارەكەتتەرگە باتىل قارسى تۇرۋ كەرەك. جەرگىلىكتى ورىندارداعى اتقارۋ ونىمدىلىگى زور بولعان، كاسىپورىندار مەن بۇقارا قارسى العان شارالاردى جالپىلاستىرۋ كەرەك، جەرگىلىكتى ورىندار اڭىس ەتكەن شەشۋگە كومەك قاجەت بولعان ماسەلەلەرگە قاراتا قاتىستى تاراۋلار اقىلداسىپ، ءادىس - امال تابۋ كەرەك.
ءماجىلىس مىنالاردى اتاپ كورسەتتى: اۋىل شارۋاشىلىعى، اۋىل - قىستاق، شارۋالار قىزمەتى − جاپپاي سوتسياليستىك وسىزاماندانعان مەملەكەت قۇرۋداعى ەڭ ماڭىزدى ءتۇيىن. «14 - بەسجىلدىق» مەزگىلىندە مەملەكەت جاعدايىن، اۋىل شارۋاشىلىعى جاعدايىن تياناق ەتىپ، زاڭدىلىققا بويسۇنىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەرگىلىكتى جاعدايعا قاراي ىلگەرىلەتىپ، اۋىل شارۋاشىلىعىنىڭ ەكونوميكالىق، قوعامدىق دامۋعا تىرەك بولۋ، قامتاماسىز ەتۋ قابىلەتىن كۇشەيتىپ، شارۋالاردىڭ تۇرمىس ورەسىن ۇزدىكسىز جوعارىلاتۋ كەرەك. ءبىرىنشى، اۋىل شارۋاشىلىق ءوندىرىسىن ورنىقتىرۋ كەرەك. ەگىستىك جەردى قورعاۋ جانە ساپا قۇرىلىسىن كۇشەيتىپ، استىق ەگىلەتىن جەر كولەمىن ورنىقتىرىپ، استىق ءونىمىنىڭ ءبىر تريلليون 300 ميلليارد جىڭنان استام دەڭگەيدە بولۋىن ورنىقتىرىپ، استىق سياقتى ماڭىزدى اۋىل شارۋاشىلىق ونىمدەرىمەن قامداۋدى قامتاماسىزداندىرىپ، زاپاس قور مەن بازاردى تىزگىندەۋ قابىلەتىن جوعارىلاتۋ كەرەك. ەكىنشى، اۋىل شارۋاشىلىعىنىڭ ساپاسىن، ونىمدىلىگىن جوعارىلاتۋ كەرەك. اۋىل شارۋاشىلىق عىلىم - تەحنيكاسىنداعى نەگىزدىك زەرتتەۋگە قولداۋ كورسەتۋ كەرەك. تۇقىم، ەگىس ماشينالارى، جابدىق سياقتىلارعا نازار اۋدارىپ، زەرتتەپ اشۋدى، جاڭالىق جاراتۋدى جەدەلدەتۋ كەرەك. جاڭاشا اۋىل شارۋاشىلىق تيجارات تۇلعالارىن جەتىلدىرىپ جانە ۇلعايتىپ، ارنايىلانعان قوعامدانعان قىزمەت وتەۋ جۇيەسىن اقاۋسىزداندىرۋ كەرەك. ءۇشىنشى، اۋىل - قىستاقتاعى ءبىرىنشى، ەكىنشى، ءۇشىنشى كاسىپتەردىڭ توعىسپالى دامۋىن جەدەلدەتۋ كەرەك. اۋىل - قىستاق كاسىپ جۇيەسىن اقاۋسىزداندىرىپ، اناعۇرلىم كوپ جۇمىستانۋ ورايى مەن ارتقان قۇن پايداسىن شارۋالارعا قالدىرۋ كەرەك. اۋىل شارۋاشىلىعىنىڭ ساياحات، وقۋ - اعارتۋ سياقتىلارمەن توعىسۋىن ىلگەرىلەتۋ كەرەك. جوعارى جانە ورتا تەحنيكۋم بىتىرگەن وقۋشىلار، عىلىم - تەحنيكا قىزمەتكەرلەرى، ونەركاسىپ - ساۋدا كاسىپ يەلەرى قاتارلىلاردىڭ اۋىلعا قايتىپ، اۋىلعا بارىپ يگىلىك جاراتۋىنا قولداۋ كورسەتۋ كەرەك. ءتورتىنشى، اۋىل – قىستاق نەگىزدىك قۇرىلعى قۇرىلىسىن كۇشەيتىپ، اۋىل – قىستاقتىڭ وقۋ – اعارتۋ، ەمدەۋ، زەينەتكەرلىك سياقتى نەگىزدىك الەۋمەتتىك قىزمەت وتەۋ ساپاسىن جوعارىلاتۋ كەرەك. بەسىنشى، اۋىل - قىستاقتىڭ ءتۇيىندى سالالارى مەن شەشۋشى بۋىندارىنداعى رەفورمانى جەدەلدەتىپ، قوعامدىق كاپيتالدىڭ اۋىل شارۋاشىلىعىنا، اۋىل - قىستاققا قوسىلۋىنا دەم بەرۋ كەرەك. التىنشى، كەدەيلىكتەن ارىلتۋدان قامال الۋدىڭ جەتىستىكتەرىن اۋىل - قىستاقتى گۇلدەندىرۋمەن ءونىمدى ۇشتاستىرۋدى بەكەمدەپ، كەڭەيتىپ، كەدەيلىكتەن ارىلعان وڭىرلەردىڭ دامۋ شارت - جاعدايىن جاقسارتۋ كەرەك.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
