گىڭ شۋاڭ ءىشىنارا ەلدەرگە شەكتەن اسپاۋدى ەسكەرتتى
2021.11.04 10:08 كەلۋ قاينارى : حالىق تورابى
جەرگىلىكتى ۋاقىت بويىنشا 11 - ايدىڭ 1 - كۇنى، ب م ۇ -نىڭ 76 - كەزەكتى ماجىلىسىندە اسكەر قىسقارتۋ جانە حالىقارالىق حاۋىپسىزدىك كوميتەتى (بىرلەسكەن مەملەكەتتەر ۇيىمىنىڭ 1 - كوميتەتى) «سىرتقى كەڭىستىككە الدىمەن قارۋ ورنالاستىرماۋ» قاۋلىسى مەن «سىرتقى كەڭىستىك اسكەري دايىندىق باسەكەسىنەن ساقتانۋدىڭ اناعۇرلىم شىنايى شارالارى» قاۋلىسىن داۋىسقا سالىپ ماقۇلدادى. ەكى قاۋلىعا جۇڭگو العا قويعان «ادامزاتتىڭ تاعدىرلاس ورتاق تۇلعاسى» ۇستانىمى جازىلدى. جۇڭگونىڭ ب م ۇ 1 ـ كوميتەتى ۋاكىلدەر ۇيىرمەسىنىڭ باستىعى، ب م ۇ ـ دا تۇراتىن ورىنباسار ۋاكىلى گىڭ شۋاڭ داۋىسقا سالۋدان بۇرىن ءسوز سويلەدى. ءىشىنارا ەلدەردىڭ «ادامزاتتىڭ تاعدىرلاس ورتاق تۇلعاسى» ۇستانىمىنا ءشۇبالانۋىنا قاراتا ءارى قاتىستى ابزاتستاردى بولەك – بولەك داۋىسقا سالۋعا قاراتا جۇڭگونىڭ مايدانىن ءتۇسىندىرىپ بىلاي دەدى: بۇل ۇستانىمنىڭ ب م ۇ قاۋلىسىنا كىرۋىن توسۋ قاسكۇنەمدىگى ءۇرتىس ءۇش جىل ساتسىزدىككە ۇشىرادى. ءىشىنارا ەلدەردىڭ ءار كەزەگى ۇشكە دەيىن دەگەن قاعيدانى ءتۇسىنۋىن، ەندىگارى قاراما – قارسىلىق تۋدىرىپ، ءوز قادىرلارىن كەتىرمەۋىن، ءارى قىرعي قاباقتىق مۇددە تالاسى وي جۇيەسى مەن يدەيالوگيالىق سىڭار جاقتىلىقتى ەرتەرەك تاستاپ، شىن مانىندەگى كوپ جاقتىلىققا كۇش سالىپ، مۇشە ەلدەردىڭ ىنتىماعىن قورعاپ، ءار جاقپەن بىرگە 1 - كوميتەتتىڭ قىزمەتىن ىلگەرى باستىرىپ، اسكەر قىسقارتۋ اياق الىسىن ىلگەرىلەتۋىن ءۇمىت ەتەمىن.
گىڭ شۋاڭ بىلاي دەدى: جۇڭگو ب م ۇ 1 ـ كوميتەتىنىڭ «سىرتقى كەڭىستىككە الدىمەن قارۋ ورنالاستىرماۋ» قاۋلىسى مەن «سىرتقى كەڭىستىك اسكەري دايىندىق باسەكەسىنەن ساقتانۋدىڭ اناعۇرلىم شىنايى شارالارى» قاۋلى جوباسىن كەڭەسىپ، ءبىر اۋىزدان ماقۇلداۋىن قولدايدى. الايدا، وكىنىشتىسى، ءىشىنارا مەملەكەتتەر وسى ەكى قاۋلى جوباسىنداعى «ادامزاتتىڭ تاعدىرلاس ورتاق تۇلعاسى» جونىندەگى بايىمداۋلارى بار قاتىستى ابزاتستاردى داۋىسقا سالۋدى تاعى دا تالاپ ەتتى. وتكەن ەكى جىلداعى داۋىسقا سالۋ بارىسىندا بۇل ۇستانىم كوپ ساندىلاردىڭ قولداۋىنا يە بولىپ، قاۋلىعا ەنگىزىلگەن بولاتىن. مۇنداي جاعدايدا، ءىشىنارا ەلدەر بيىل دا اداسقان بەتىنەن قايتپاي، ىنتىماقتى قاساقانا ءبۇلدىرىپ، قارسىلىق تۋدىرىپ، كىسىنى قاتتى ۇمىتسىزدەندىردى. تاياۋدا، كەيبىر ەلدەر وسى زالدا ءار ەلدىڭ تاعدىرى ءبىر ەكەندىگىن، قىرعي قاباقتىققا بارعىسى كەلمەيتىندىگىن، بولشەكتەۋشىلىك تۋدىرعىسى كەلمەيتىندىگىن ايتقان بولاتىن. ەندەشە، نە ءۇشىن 1 – كوميتەتتە «ادامزاتتىڭ تاعدىرلاس ورتاق تۇلعاسى» سىندى جان - جاقتى قارسى الۋعا جانە جاپپاي ماداقتاۋعا يە بولعان ۇستانىمعا سايىس جاريالايمىز؟ بۇل تەك جۇڭگو العا قويعان دارىپتەمە بولعاندىعى ءۇشىن بە؟
گىڭ شۋاڭ بىلاي دەپ اتاپ كورسەتتى: سىرتقى كەڭىستىك دۇنيە ءجۇزىنىڭ ورتاق كەڭىستىگى، ول ءار ەل بۇقاراسىنىڭ مۇددەسىنە سايادى. «ادامزاتتىڭ تاعدىرلاس ورتاق تۇلعاسى» ۇستانىمى ءار ەلدىڭ مۇددەسىنىڭ تىعىز ساباقتاسۋىن، ادامزاتتىڭ تاعدىرلاس بولۋىن، بەينەت پەن زەينەتتى بىرگە وتكەرۋىن باسا دارىپتەيدى. بۇل سىرتقى كەڭىستىكتەن بەيبىت پايدالانۋ، سىرتقى كەڭىستىككە الدىمەن قارۋ ورنالاستىرماۋ، سىرتقى كەڭىستىك اسكەري دايىندىق باسەكەسىنەن ساقتانۋ سياقتى حالىقارالىق ورتاق تانىمدارمەن بۇكىلدەي قابىسىپ، ءار ەلدىڭ سىرتقى كەڭىستىكتىڭ حاۋىپسىزدىگىن بىرگە قورعاۋ سىندى تاماشا تىلەگىن تولىق بەينەلەدى. بۇل ۇستانىمنىڭ سىرتقى كەڭىستىك قاۋلىسىنا جازىلۋى بۇكىلدەي ورىندى، ۇيلەسىمدى. جۇڭگو ءار ەل ۋاكىلدەر ۇيىرمەسىن ەكى قاۋلى جوباسىنىڭ قاتىستى ابزاتستارىن قۇپتاپ داۋىس بەرۋگە ۇندەيدى. ءبىز كوپ ساندى ەلدەردىڭ قولداۋىندا، «ادامزاتتىڭ تاعدىرلاس ورتاق تۇلعاسى» ۇستانىمىنىڭ تاعى تاعى دا 1- كوميتەتتىڭ قاۋلىسىنا جازىلاتىندىعىنا، ءىشىنارا ەلدەردىڭ بوگەت بولۋ قاسكۇنەمدىگىنىڭ تاعى دا جەڭىلىسكە ۇشىرايتىندىعىنا سەنەمىز.
گىڭ شۋاڭ بىلاي دەدى: جۇڭگودا «ءار كەزەگى ۇشكە دەيىن» دەگەن ءتامسىل بار. ءبىز ءىشىنارا ەلدەردىڭ بۇل قاعيدانى ءتۇسىنۋىن، كەلەر جىلى تاعى دا قاراما - قارسىلىق تۋدىرىپ، ءوز قادىرلارىن كەتىرمەۋىن ءۇمىت ەتەمىز. مۇنان دا ماڭىزدىسى، قىرعي قاباقتىق مۇددە تالاسى وي جۇيەسى مەن يدەولوگيالىق سىڭار جاقتىلىقتان ەرتەرەك ارىلىپ، شىن مانىندەگى كوپ جاقتىلىققا كۇش سالىپ، مۇشە ەلدەردىڭ ىنتىماعىن قورعاپ، ءار جاقپەن بىرگە 1 - كوميتەتتىڭ قىزمەتىن ىلگەرى باستىرىپ، اسكەر قىسقارتۋ اياق الىسىن ىلگەرىلەتۋى كەرەك.
«سىرتقى كەڭىستىككە الدىمەن قارۋ ورنالاستىرماۋ» قاۋلىسى مەن «سىرتقى كەڭىستىك اسكەري دايىندىق باسەكەسىنەن ساقتانۋدىڭ اناعۇرلىم شىنايى شارالارى» قاۋلىسى ب م ۇ 1 - كوميتەتىنىڭ ءداستۇرلى قاۋلىسى بولىپ تابىلادى. 2017 ـ جىلدان باستاپ، «ادامزاتتىڭ تاعدىرلاس ورتاق تۇلعاسى» ۇستانىمى باستان ـ اياق ەكى قاۋلىعا جازىلدى. ءىشىنارا ەلدەر 2019 ـ جىلدان باستاپ قاۋلىدا وسى ۇستانىم قامتىلعان ابزاتىستاردى ايىرىم داۋىسقا سالۋدى تالاپ ەتتى، ءبىراق ءبارى دە جەڭىلىسكە ۇشىرادى. ءىشىنارا ەلدەر بيىل تاعى دا وسى تالاپتى العا قويدى، ناتيجەدە ءۇشىنشى رەت جەڭىلىسپەن تىندى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
