شينجياڭ بيڭتۋان 12 ـ ديۆيزياسى قوعام حاۋىپسىزدىك مەكەمەسى پارتكومىنىڭ بۇرىنعى شۋجيى، مەكەمە باستىعى ۋاڭ جيان تارتىپكە، زاڭعا اۋىر قايشىلىق جاساعاندىقتان پارتيادان ايدالدى
2021.11.08 14:19 كەلۋ قاينارى : حالىق تورابى
بىرنەشە كۇننىڭ الدىندا، 12 - ديۆيزيا پارتكومىنىڭ بەكىتۋىمەن، 12 - ديۆيزيا ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى 12 - ديۆيزيا قوعام حاۋىپسىزدىك مەكەمەسىنىڭ بۇرىنعى پارتكوم شۋجيى، مەكەمە باستىعى، باقىلاۋ - تەكسەرۋ باستىعى ۋاڭ جياننىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ تەكسەرۋ جۇرگىزدى.
تەكسەرۋ ارقىلى، ۋاڭ جيان قوعام حاۋىپسىزدىك ورگانىنداعى پارتيالى باسشى كادر بولا تۇرا، مۇرات - سەنىمنەن ايرىلىپ، اۋەلگى ماقساتتان، بورىشتان بەزىپ، ساياسي تانىمى، پاكتىك تانىمى، جاۋاپكەرشىلىك تانىمى جانە ۇيىمدىق كوزقاراسى اۋىر دارەجەدە كەمشىل بولعان، حالىق ساقشىلارىنىڭ ادىلدىك پەن ادىلەتتىلىكتى قورعاۋ جاۋاپكەرشىلىگىنەن بەرگەن، «قورشاپ اۋلانۋعا» پەيىل بولىپ، پارتيا ءتارتىبى مەن مەملەكەت زاڭىنا تيتتەي دە قۇرمەت ەتپەگەن، ۇقىق الدىندا اداسىپ، اشكوزدىكپەن ءىرىپ - ءشىرىپ، ۇقىعىنان پايدالانىپ باس پايداسىن كوزدەگەن، ويىنا كەلگەنىن ىستەگەن، زاڭعا قايشىلىق جاساعان، ۋاڭ جيان پارتياعا ادال بولماي، ءتىل بىرىكتىرىپ جالعان دالەل - ىسپات جاساپ، ۇيىمدىق تەكسەرۋگە قارسى تۇرعان؛ ۇكىمەت قىزمەتىن ءادىل اتقارۋعا ىقپال جاساۋى مۇمكىن بولعان قوناعاسىنى قابىلداپ، باسقارۋ، قىزمەت وتەۋ وبيەكتىسىنىڭ كولىگىنەن پايدالانعان؛ بەلگىلەمەگە قايشىلىق جاساپ كادر تاڭداپ تاعايىنداۋ، ادام ىستەتۋدە جاۋاپكەرسىزدىك ىستەگەن؛ مىندەتىن دۇرىس اتقارماي، دەلوعا قاتىستى كولىكتەردى زاڭعا قايشىلىق جاساپ ىستەتكەن؛ قىزمەت قولايلىلىعىنان پايدالانىپ، باسقالارعا پايدا جەتكىزگەن، قىرۋار مال - مۇلىكتى سۇراپ العان، قابىلداعان؛ بەتكە قاراپ زاڭدى بۇزىپ، قىلمىستى ەكەنىن بىلە تۇرا قاساقانا قورعاشتاپ، باسقالارعا قۋزاستىرتپاعان.
ۋاڭ جياننىڭ جوعارىداعى ارەكەتتەرى پارتيانىڭ ساياسي تارتىبىنە، ورتالىقتىڭ سەگىز تارماقتى بەلگىلەمەسىنىڭ رۋحىنا، ۇيىمدىق تارتىپكە جانە قىزمەت تارتىبىنە اۋىر قايشىلىق جاساپ، قىزمەت مىندەتىندە زاڭعا قايشىلىق جاساعان ءارى پارا الۋ، بەتكە قاراپ زاڭدى بۇزۋ قىلمىسىنا سايعان، ونىڭ ۇستىنە پارتيا 18 ـ قۇرىلتايىنان كەيىن دە تيىلماعان، تىزگىنىن تارتپاعان، ءتىپتى پارتيا 19 ـ قۇرىلتايىنان كەيىن دە توقتاماعان. سيپاتى اۋىر، ىقپالى ناشار، قاتاڭ ءبىر جايلى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ ـ تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنىڭ اكىمشىلىك ىستەر جازاسى زاڭى» سياقتى قاتىستى بەلگىلەمەلەرگە ساي، 12 ـ ديۆيزيانىڭ ءتارتىپ تەكسەرۋ كوميتەتى تۇراقتى كوميتەتىنىڭ ماجىلىسىندە اقىلداسۋ ءارى ديۆيزيا پارتكومىنىڭ بەكىتۋىنە جولداۋ ارقىلى ۋاڭ جيانعا پارتيادان ايداۋ جازاسىن بەرۋدى ۇيعاردى؛ بەلگىلەمە بويىنشا ولاردىڭ يگىلىكتەنەتىن مامىلەسىن سالدى؛ تارتىپكە، زاڭعا قايشى تابىسىن تاركىلەدى؛ ونىڭ قىلمىسقا ساياتىن ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ بەردى، قىلمىسىنا ساياتىن مال ـ مۇلىكتى بىرگە وتكىزىپ بەردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
