رىسالات سايداحىمات:
نەگىزگى ساتىعا تامىر تارتىپ، دارىندىلاردى باۋلىدى
انار بۇلت / شينجياڭ گازەتىنىڭ ءتىلشىسى ءپاريزات ابدۇل
2021.11.05 15:48 كەلۋ قاينارى : شينجياڭ گازەتى
10 - ايدىڭ 15 - كۇنى رىسالات سايداحىمات ساباقحاناعا كىرىپ، ”بامبۋك ادام“ اتتى تەكستى وقىپ، ءبىر كۇندىك وقىتۋ قىزمەتىن باستادى.
رىسالات گۇما اۋدانى مۇجى قالاشىعى باستاۋىش مەكتەبىنىڭ وقىتۋشىسى، وقىتۋشىلىقپەن شۇعىلدانعان 17 جىلدان بەرى ول وقىتۋ قىزمەتىنە بار ىنتا - پەيىلىن ارنادى، ساباق بەرگەن جىلدىقتارىنىڭ ورتاشا ناتيجەسى جىل سايىن اعالاپ الدا كەلدى.
2004 - جىلى داشۋە بىتىرگەننەن كەيىن رىسالات مۇجى قالاشىعىنداعى باستاۋىش مەكتەپكە بولىنەدى. ول كەزدە مەكتەپتە وقىتۋ جابدىقتارى كەمشىل، وقىتۋشىلار تاپشى بولاتىن، وقۋشىلاردىڭ ۇيرەنۋ ىنتاسىن جەتىلدىرۋ ءۇشىن، ول وقۋشىلارعا بالالار ءانى مەن قۋىرشاق فيلمدەردىڭ ارقاۋ مۋزيكاسىن ۇيرەتۋدەن باستاپ كىرىسەدى. ول ءار كۇنى دوسكاعا جاڭا ارىپتەردى جازىپ، قوسىپ وقۋدان تارتىپ ارىپتەردى جازۋعا دەيىن وقۋشىلاردى قايتا - قايتا وقۋعا باستاپ، جاڭا ارىپتەردى ءبىر سىزىق - ءبىر سىزىقتان جازدىرىپ ۇيرەتەدى. قۇلشىنعانعا قۇت ءۇيىر دەگەندەي، وقۋشىلار بۇرىندارى تۇرمىستا قولدانىلاتىن سوزدەردى عانا سويلەي الۋدان كەيىن كەلە تەكستى سۋدىراتىپ جاتقا ايتا الاتىن دارەجەگە جەتەدى.
نەگىزدىك بىلىمدەرى تاياز، ۇيرەنۋ ىنتاسى كۇشتى ەمەس ءىشىنارا وقۋشىلارعا قاراتا، رىسالات قيىنشىلىقتان تايسالماي، ساباقتان سىرتقى ۋاقىتىنان پايدالانىپ، وقۋشىلارعا كەزەك - كەزەك پىسىقتاۋ جاسايدى.
اينۇر مامەتقادىر رىسالات وقىتقان تۇڭعىش توپتاعى وقۋشى، وتباسىنىڭ ەكونوميكالىق جاعدايى ناشار بولعاندىقتان، ونىڭ اكە - شەشەسى ونى ماقتا تەرۋگە ەرتىپ بارۋ بەكىمىنە كەلەدى، بۇل جاعدايدان حابار تاپقاننان كەيىن، رىسالات اينۇردىڭ اكە - شەشەسىن ىزدەي بارىپ، قايتا - قايتا ءناسيحات ايتىپ ءجۇرىپ، سوڭىندا اينۇردى ءوز ۇيىنە الىپ قالىپ قارايلاسادى.
سول كەزدە رىسالات اينۇرعا شىنايى قامقورلىق كورسەتىپ، ونىمەن ۇنەمى سىرلاسىپ تۇرادى، ونى ناتيجەسى ادەتتەگى وقۋشىدان ناتيجەسى ۇزدىك، قاجىرلى دا اشىق - جارقىن وقۋشى ەتىپ تاربيەلەيدى. بۇگىنگى كۇندە اينۇر مۇجى قالاشىعى قىزىلتۋ بالاباقشاسىنىڭ وقىتۋشىسى، ول رىسالاتتىڭ جاساعان قامقورلىعىن ءارقاشاندا ەسىندە ساقتاپ كەلەدى.
”مەيىرلى“ دە ”قاتاڭ“ بولۋ رىسالاتتىڭ قىزمەت پرينسيبى. ول ”مەيىرىمدىلىكپەن“ قىزمەت ىستەپ، وقۋشىلارعا شىن پەيىل، رياسىز ىقىلاستى اڭعارتتى؛ ول ”قاتاڭدىقپەن“ قىزمەت ىستەپ، وقۋشىلارعا العا باسۋدى، تالپىنۋدى ۇعىندىردى.
تالاي جىلدان بەرى رىسالات وقۋشىلار ءۇشىن، وقۋ - اعارتۋ ىستەرى ءۇشىن جۇرەك قانى مەن ماڭداي تەرىن توگىپ، وقۋشىلاردىڭ، اتا - انالاردىڭ، سونداي - اق وقىتۋشىلاردىڭ قۇپتاۋى مەن ماداقتاۋىنا يە بولدى، ول وقۋشىلاردىڭ جۇرەگىندەگى ”رىسالات شەشەگە“ اينالدى. رىسالات ىلگەرىندى - كەيىندى مەملەكەتتىك تاڭداۋلى وقىتۋشى، مەملەكەتتىك جەلەكتىلەردىڭ ەڭبەك سىڭىرگەن ۇلگىسى، شينجياڭ ەرەكشەلىگىندەگى ”تورتتە جاقسى وقىتۋشى“ سياقتى داڭقتارعا يە بولدى.
”مىنبەدە تۇرعانىمدا رۋحىم تاسقىنداعانداي سەزىنەمىن، تابىسقا جەتكەندەي سەزىمدە بولامىن“، - دەدى رىسالات، ول كوممۋنيستىك پارتيا مۇشەسى رەتىندە، اناعۇرلىم قۇلشىنىپ، جاسامپاز وقىتۋ ءادىس - امالدارىن ۇزدىكسىز قورىتىندىلاعاندا عانا، وقۋشىلاردىڭ ەسەيىپ - ەرجەتۋىنە، جارامدى ادام بولۋىنا مۇمكىندىك جاساۋعا بولاتىندىعىن ابدەن بىلەدى. ”مەن تىرەكتى وقىتۋشى بولۋ رولىمدى ۇزدىكسىز ساۋلەلەندىرىپ، قاجىرلىلىقپەن زەرتتەۋ جۇرگىزىپ، شوگەلدىكپەن ىستەپ، جۇڭگوشا سوتسياليزم ىستەرىنىڭ قۇرىلىسشىلارى مەن ءىزباسارلارىن قۇلشىنا تاربيەلەيمىن“، - دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
