شينجياڭ ۇيعۇر اۆتونوميالى رايوندىق ساياسي كەڭەس تۇڭعىش رەتكى ماماندار كەڭەس ءماجىلىسىن اشتى
شينجياڭدى مادەنيەتپەن نارلەندىرۋگە نازار اۋدارىپ، ەرەكشە مۇراجاي قۇرىلىسى جونىندە ۇسىنىس بەردى
2021.11.04 15:55 كەلۋ قاينارى : شينجياڭ گازەتى
انار بۇلت/شينجياڭ گازەتىنىڭ ءتىلشىسى جاڭ يانفاڭ 11 - ايدىڭ 2 - كۇنى ۇرىمجىدەن حابارلايدى. 11 - ايدىڭ 2 - كۇنى اۆتونوميالى رايوندىق ساياسي كەڭەس تۇڭعىش رەتكى ماماندار كەڭەس ءماجىلىسىن اشىپ، ءبىر ءبولىم اۆتونوميالى رايوندىق ساياسي كەڭەس مۇشەلەرىن، قاتىستى مامانداردى جانە قاتىستى تاراۋلاردى ”رايونىمىزدىڭ ەرەكشە مۇراجاي قۇرىلىسىن جەبەۋ“ توڭىرەگىندە پىكىر - ۇسىنىس بەرۋگە شاقىرىپ، بولجامدىق زەرتتەۋ جۇرگىزدى، ىشكەرىلەي تالقى وتكىزدى، تەرەڭدەي كەڭەس قۇردى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ماجىلىسكە قاتىناستى ءارى ءسوز سويلەدى.
ماجىلىستە اۆتونوميالى رايوندىق ساياسي كەڭەستىڭ مۇشەلەرى مەن قاتىستى مامانداردان 9 ادام نەگىزگى تاقىرىپتى ارقاۋ ەتە وتىرىپ، ءىس جۇزىندىكپەن بىرلەستىرىپ، ەرەكشە مۇراجايدى دامىتۋدىڭ قازىرگى احۋالى، ءدوپ كەلگەن ورايلار جانە الداعى دامۋ جونىندەگى ۇسىنىستار مەن ويلار سياقتى كوپ جاقتان، كوپ تۇرعىدان بۇكپەسىز ۇسىنىس بەرىپ، بەلسەندى تۇردە جاڭا كوزقاراستار، جاڭا وي جەلىلەر، جاڭا شارالار العا قويدى.
ماجىلىسكە قاتىناسقان ماماندار بىلاي دەپ قارادى: ەرەكشە مۇراجاي قۇرىلىسى حالىق بۇقاراسىنىڭ كۇن سايىن ارتىپ وتىرعان مادەنيەت سۇرانىسىن ۇزدىكسىز قاناعاتتاندىرۋدىڭ قاجەتى، شينجياڭدى مادەنيەتپەن نارلەندىرۋ ينجەنەرياسىن اتقارۋدىڭ ماڭىزدى دانەكەرى جانە تۇتقاسى. كوپشىلىك مىناداي ۇسىنىس بەردى: مۇراجاي قۇرىلىسى جاعىندا ءبىر قالىپتىلىقتان، ءبىرىڭعاي ۇلگىدەن اۋلاق بولىپ، مەملەكەت مەنشىگىندەگى مۇراجايدى باستاماشى، سالالىق مۇراجايلار مەن حالىقتىق مۇراجايلاردى تولىقتاۋشى ەتكەن مۇراجايلار جۇيەسىن جەدەل قالىپتاستىرىپ، جۇڭحۋا ۇلتى ورتاق تۇلعا تانىمىن بەرىك ورناتۋ سياقتى جاقتاردا باسقا سالالار ورنىن باسا المايتىن ماڭىزدى رولىن ساۋلەلەندىرۋ كەرەك.
نۇرلان ءابىلماجىن بىلاي دەپ اتاپ كورسەتتى: ماماندار كەڭەسى ءماجىلىسىن ورنالاستىرۋ حالىق ساياسي كەڭەسىنىڭ جوعارى دەڭگەيدە مىندەت اتقارىپ، ”14 - بەسجىلدىق“ مەزگىلىندەگى جوعارى ساپالى دامۋعا قىزمەت ەتۋدىڭ ناقتى شاراسى، ساياسي كەڭەس ءماسليحاتىنىڭ ىشكى ءمانى جونىندەگى ىزدەنىس جانە كەڭەسۋ فورماسىنىڭ بايىتىلۋى، سونداي - اق ءبىزدىڭ بيىل كۇش سالا ىلگەرىلەتەتىن قىزمەتىمىزدىڭ ءبىرى. وسى جولى ماماندار شاقىرىپ، ”ەرەكشە مۇراجاي قۇرىلىسىن“ كىرىسۋ ءتۇيىنى ەتىپ تەرەڭدەي كەڭەس وتكىزۋ ارناۋلى كەڭەستىك قۇرىلىمنىڭ رولىن ساۋلەلەندىرۋ، ۇكىمەت ءىسىن كەڭەسۋدىڭ تەرەڭ ساتىعا، جوعارى ساپاعا بۇرىلىس جاساۋىن ىلگەرىلەتۋ، اۆتونوميالى رايوندىق پارتكومنىڭ وزەكتى قىزمەتىنە اناعۇرلىم ويداعىداي قىزمەت ەتۋ جونىندەگى بەلسەندى ىزدەنىس جانە پايدالى سىناق بولىپ تابىلادى، بۇل شينجياڭدى مادەنيەتپەن نارلەندىرۋ ينجەنەرياسىنىڭ اتقارىلۋىن جەبەۋ، جۇڭحۋا ۇلتى ورتاق تۇلعا تانىمىن بەرىك ورناتۋ جونىنەن كەلەلى ماڭىز الادى.
نۇرلان ءابىلماجىن بىلاي دەپ باسا دارىپتەدى: پارتيانىڭ باسشىلىعىنا باستان - اياق تاباندى بولىپ، دۇرىس ساياسي بەتالىسقا شىنايى كەپىلدىك ەتىپ، اۆتونوميالى رايوندىق ساياسي كەڭەستىڭ ماماندار كەڭەسى ءماجىلىسىنىڭ اقاۋسىز دامۋىن ىلگەرىلەتۋ كەرەك. ءارقايسى ارناۋلى كوميتەتتەر ”كەلەلى“ جانە ”تەرەڭدىك“ سىندى ەكى شەشۋشى تەتىكتى ويداعىداي يگەرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدى ارقاۋ ەتە وتىرىپ، اۆتونوميالى رايوندىق 10 - رەتكى پارتيا قۇرىلتايىندا العا قويىلعان نىسانا - مىندەتتەرمەن تىعىز بايلانىستىرىپ، نازاردى شينجياڭنىڭ قوعام ورنىقتىلىعى مەن باياندى تىنىشتىعىنا ساياتىن تەرەڭ قاتپارلى ماسەلەلەرگە شوعىرلاندىرا وتىرىپ تاقىرىپتى ءدال تاڭداپ، ماماندى ءدال تاۋىپ، تەرەڭدەي كەڭەسىپ، ۇرىمتال تۇسىن ءدال تاۋىپ، ەلەۋلى، شەشۋشى ماسەلەلەردى شەشۋگە تاماشا ءادىس - امال ۇسىنۋ؛ بەلسەندى ىزدەنىس جاساپ، امالياتتان وتكىزىپ، كەڭەسۋدىڭ ساپاسى مەن ونىمدىلىگىنە ءمان بەرىپ، كەڭەستىك تاقىرىپتاردىڭ ەرەكشەلىگىمەن جانە ءوز باسىمدىقتارىمەن بىرلەستىرىپ، فورماعا، رەت سانىنا بوي ۇرماۋ كەرەك، شاقىرىلعان ماماندار يدەيا توعىستىرۋ، تەرەڭدەي پىكىرلەسۋ بارىسىندا ماسەلەلەر تۋرالى زەرتتەۋدى ۇزدىكسىز تەرەڭدەتىپ، ۇكىمەت ءىسى جونىندە ۇسىنىس بەرۋدىڭ تەرەڭدىگىن ارتتىرۋعا قۇلشىنىپ، كەڭەسۋ، پىكىرلەسۋ سەرپىنىن كۇشەيتىپ، ناتيجەلەردىڭ كادەگە جاراۋ ساپاسىن جوعارىلاتىپ، ماماندار كەڭەسى ءماجىلىسىن اۆتونوميالى رايوندىق ساياسي كەڭەستىڭ جاڭا كەڭەسۋ ماركاسى ەتىپ تۇلعالاپ، جاڭا داۋىردەگى شينجياڭ قىزمەتىنە جوعارى ساپادا قىزمەت ەتۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
