اۆتونوميالى رايون «حابارلاندىرۋ» تاراتتى
قيىنشىلىعى بار بۇقارانىڭ قىس قىرىنان قىسىلماي وتۋىنە شىنايى كەپىلدىك ەتۋ كەرەك
2021.11.04 15:49 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لي لين 11 - ايدىڭ 2 - كۇنى ۇرىمجىدەن حابارلايدى. جۋىقتا رايونىمىز «قىس، كوكتەم ماۋسىمىندا قيىنشىلىعى بار بۇقاراعا جاردەمدەسۋ، كومەكتەسۋ - سۇيەمەلدەۋ قىزمەتىن ونان ارى كۇشەيتۋ جونىندە حابارلاندىرۋ» (قىسقاشا «حابارلاندىرۋ» دەلىندى) تاراتىپ، جاردەمدەسۋدىڭ تىڭعىلىقتى بولۋىنا شىنايى كەپىلدىك ەتىپ، قيىنشىلىعى بار بۇقارانىڭ قىس قىرىنان حاۋىپسىز، قىسىلماي ءوتۋىن تومەنگى شەكتەن تۇسىرمەي قامتاماسىز ەتۋدى تالاپ ەتتى.
«حابارلاندىرۋدا» مىنالار تالاپ ەتىلدى: ءار دارەجەلى حالىق ىستەرى تاراۋلارى كەزەكتەگى قيىنشىلىعى بار بۇقاراعا جاردەمدەسۋ، كومەكتەسۋ - سۇيەمەلدەۋ قىزمەتىن ويداعىداي ىستەۋدىڭ كەلەلى ماڭىزىن تولىق تانىپ، حالىق تۇرمىسىن تومەنگى شەكتەن تۇسىرمەي قامتاماسىز ەتۋ ساياسي جاۋاپكەرشىلىگىن باتىلدىقپەن ارقالاپ، مۇقيات ورنالاستىرۋ جاساپ، ناقتى قىزمەت شارالارىن كەمەلدەندىرىپ، قىزمەت وتەۋدى ىرىقتىلىقپەن ويداعىداي ىستەپ، پارتيانىڭ مەيىرىن ءاربىر قيىنشىلىعى بار بۇقارانىڭ جۇرەك تۇكپىرىنە شىن مانىندە جەتكىزۋ كەرەك.
«حابارلاندىرۋدا» مىنالار اتاپ كورسەتىلدى: جەر - جەر ءبىر - بىرلەپ تەكسەرۋ جۇرگىزۋدى كۇشەيتىپ، ارالاپ احۋال ۇعىسۋدى، حال سۇراۋدى بەلسەندى ورىستەتىپ، اۋىل - قالاشىق (ءمالى)، قىستاق (الەۋمەتتىك اۋماق) كادرلارى، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى، حالىق ىستەرى كومەكشىلەرى قاتارلىلاردى ۇيىمداستىرىپ، وتباسىلارىن ارالاپ احۋال ۇعىسۋ، تەلەفوندا پىكىرلەسۋ، ۋيچاتتا بەينەبايلانىسقا شىعۋ سياقتى تاسىلدەر ارقىلى قيىنشىلىعى بار بۇقارانىڭ قىستان ءوتۋ سياقتى قاجەتتەرىن ادام، وتباسى سايىن ۇعىسىپ، قالتارىس قالدىرماي، ماسەلە قالدىرماي، جاي - جاپسارى انىق، احۋالى ايقىن بولۋىنا شىنايى كەپىلدىك ەتۋ كەرەك. ارالاپ احۋال ۇعىسۋ بارىسىندا بايقالعان قيىنشىلىق، قاجەتتىلىك ماسەلەسىنە مەڭزەس، دەر كەزىندە مالىمدەپ، دەر كەزىندە ەسەپ داپتەرىن جاساپ، ناقتى، پارمەندى شارا قولدانىپ، جاردەمدەسۋ، كومەكتەسۋ - سۇيەمەلدەۋدە بىردە - ءبىر وتباسىن قالدىرماۋعا، بىردە - ءبىر ادامدى قاعىس قالدىرماۋعا شىنايى كەپىلدىك ەتۋ كەرەك. ءار دارەجەلى حالىق ىستەرى تاراۋلارى ەڭ تومەنگى تۇرمىستى قامتاماسىز ەتۋ، ەرەكشە قيىنشىلىعى بارلارعا كومەك بەرۋ، ۋاقىتتىق جاردەمدەسۋ سياقتى جاردەمدەسۋ ساياساتتارىنان تولىق پايدالانىپ، قيىنشىلىعى بار بۇقارانىڭ نەگىزگى تۇرمىسىن ويداعىداي قامتاماسىز ەتۋ كەرەك. جەر - جەر قوعامدىق جاردەمدەسۋ بويىنشا تەكسەرىپ تۇراقتاندىرۋ ءتارتىبىن ونان ارى ساپالىلاندىرىپ، قارجى شىعىسى قارقىنىن جەدەلدەتىپ، ءتۇرلى جاردەماقىلار مەن قاتىستى كومەك قاراجاتتاردى قيىنشىلىعى بار بۇقارانىڭ قولىنا دەر كەزىندە تولىعىمەن تيگىزۋ كەرەك. سونىمەن بىرگە قاتاڭ تۇردە قوعامدىق جاردەم اقىسىن باسقارۋدىڭ قاتىستى بەلگىلەمەلەرى بويىنشا ىستەتۋ كولەمىن جۇيەلىلەندىرىپ، قارجىنىڭ ىستەتۋ ونىمدىلىگىن جوعارىلاتىپ، اشىق، ءادىل، دۇرىس بولۋىن شىن مانىندە ورىنداۋ كەرەك.
«حابارلاندىرۋدىڭ» رۋحى بويىنشا التاي ايماعى الدىن الا جوسپارلاپ، ۋاقىتتىق جاردەمدەسۋ سەرپىنىن ارتتىرىپ، جىلىنۋ كومەك قاراجاتىن تاراتتى. قازىر وسى ايماق ەڭ تومەنگى تۇرمىسى قامتاماسىزداندىرىلاتىن وبيەكتىلەر، ەرەكشە قيىنشىلىعى بار اسىراپ - باعىلاتىن ادامدار، جەتىم بالالار سياقتى قيىنشىلىعى بار ادامدارعا ءبىر رەتتە بەرىلەتىن جىلىنۋ كومەك قاراجاتىنان جيىنى 9 ميلليون 296 مىڭ يۋان تاراتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
