اۆتونوميالى رايون ءىشىنارا ساقا كادرلاردى شينجياڭ داشۋەسىندە ەكسكۋرسيادا، ۇيرەنۋدە بولۋعا ۇيىمداستىردى
2021.11.04 15:56 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ياڭ شۋحان 11 - ايدىڭ 2 - كۇنى ۇرىمجىدەن حابارلايدى. 11 - ايدىڭ 2 - كۇنى اۆتونوميالى رايون ءىشىنارا ساقا كادرلاردى شينجياڭ داشۋەسىنىڭ بودا مەكتەپ رايونىندا ەكسكۋرسيادا، ۇيرەنۋدە بولۋعا ۇيىمداستىردى.
ءۇرىمجى قالاسى حىماچۋان جاڭا رايونىنا ورنالاسقان شينجياڭ داشۋەسىنىڭ بودا مەكتەپ رايونىنىڭ 1 - مەرزىمدىك ينجەنەريالىق قۇرىلىسى اياقتاپ، 10 - ايدىڭ 17 - كۇنى رەسمي ىسكە قوسىلدى. بودا مەكتەپ رايونى قۇرىلىسىنا قولباسشىلىق ەتۋ شتابىنىڭ قۇم مودەلىندە مەكتەپ رايونىنىڭ كىشىرەيتىلگەن بەينەسى ايگىلەنىپ تۇر، ساقا كادرلار نىسان جوباسى، قۇرىلىس اياق الىسى سياقتى جاعدايلاردان بەرىلگەن مالىمەتتى تىڭدادى ءارى 1 - ءنومىرلى وقىتۋ عيماراتىنىڭ ساباقحانالارىن ەكسكۋرسيالاپ، كوپ مەديالى وقىتۋ ءبىر تۇلعالانعان اپپاراتپەن كورسەتىلگەن وزىق وقىتۋ كورىنىسىن ءوز باسىنان كوردى.
اۆتونوميالى رايوندىق ساياسي كەڭەستىڭ بۇرىنعى ءتوراعاسى اسحات كەرىمباي بىلاي دەدى: شينجياڭ داشۋەسى شينجياڭنىڭ ەكونوميكالىق قۇرىلىسىنىڭ، قوعامدىق دامۋىنىڭ ءار سالاسىنا قىرۋار جارامدى دارىندى باۋلىدى. شينجياڭ داشۋەسىنىڭ پارتيا ءۇشىن ادام تاربيەلەۋگە، مەملەكەت ءۇشىن دارىندى تاربيەلەۋگە ۇزدىكسىز تاباندى بولىپ، ۇلتتىڭ گۇلدەنۋى سىندى كەلەلى مىندەتتى ارقالايتىن ءداۋىر جاڭا ادامدارىن باۋلۋعا قۇلشىنۋىن ءۇمىت ەتەمىن.
مەكتەپتىڭ بەييۋان اسحاناسىنىڭ جاريا، اشىق اس ۇيىندە قورەكتىگى كۇشتى، ءتۇرى مول تاعامدار، سونداي - اق زەردەلى تاعام بۇيىرتۋ، ەسەپ ءبىتىرۋ جۇيەسىن ساقا كادرلار جاپپاي القادى.
اۆتونوميالى رايوندىق ساياسي كەڭەستىڭ بۇرىنعى ورىنباسار ءتوراعاسى كى لي مەكتەپتىڭ وقىتۋ، اس تۇتىنۋ ورتاسىنىڭ توتەنشە وسىزاماندانعاندىعىن، مۇنى ەرەكشە ماقتانىش سەزىنەتىندىگىن ايتىپ، مەكتەپتىڭ وقىتۋشى، جۇمىسشى - قىزمەتشىلەرىنىڭ ونەگە كورسەتىپ، ءوزىن تاربيەلەپ، ءورىس اشا جاڭالىق اشۋىن، وقۋشىلاردىڭ تولىسىپ جەتىلۋىنە ويداعىداي جول باستاۋشى بولۋىن، ءار ۇلت وقۋشىلارىنىڭ دا ءوزىنىڭ مۇرات تالپىنىسىن پارتيا مەن مەملەكەت ىستەرىمەن توعىستىرىپ، بولاشاقتا پارتياعا، وتانعا، حالىققا كوپتەپ ۇلەس قوسۋىن ءۇمىت ەتتى.
اقشا بۇلت قالىقتاعان كوگىلدىر اسپان استىنداعى شىت جاڭا مەكتەپ رايونىندا ارلى - بەرلى وتكەن وقۋشىلاردان جاستىق كوكتەمنىڭ لەبى ەسەدى؛ دەنە تاربيە الاڭىندا وقۋشىلار دەنە شىنىقتىرۋدا؛ كوپ مەديالى ساباقتا وقۋشىلار بار زەيىنىمەن ساباق تىڭداۋدا، وقىتۋشى زەر سالا ساباق وتۋدە. تاماشا، جاراسىمدى كورىنىستەن ساقا كادرلار ەرەكشە تەبىرەندى.
ساقا كادرلار جابال مىنانى ءبىلدىردى: شينجياڭ داشۋەسىنىڭ بودا مەكتەپ رايونى وقۋ - اعارتۋ، وقىتۋ ۇستانىمى، وقىتۋ ورنالاسىمى، وقىتۋ ساپاسى جانە دارىندى باۋلۋ جاعىندا دەڭگەيىن بارىنشا جوعارىلاتقان، بۇدان كەيىن وقىتۋشىلار قوسىنى قۇرىلىسىن ۇزدىكسىز كۇشەيتىپ، ساياسي ساپاسى بەرىك، كاسىپتىك قابىلەتى مىعىم، ادام تاربيەلەۋ ورەسى ەرەن، جوعارى ساپالى، ماماندانعان، جاڭاشىل وقىتۋشىلار قوسىنىن قۇرۋعا قۇلشىنىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا اناعۇرلىم كوپ جوعارى دەڭگەيلى بەساسپاپ دارىندىلاردى باۋلۋىن ءۇمىت ەتەمىز.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
