شينجياڭدا مەملەكەت دارەجەلى تولىق جۇمىستاندىراتىن 10 الەۋمەتتىك اۋماق تىڭنان قوسىلدى
2021.11.04 15:50 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ما پەي 11 - ايدىڭ 2 - كۇنى ۇرىمجىدەن حابارلايدى. اۆتونوميالى رايوندىق الەۋمەتتىك جۇمىستاندىرۋ قىزمەت وتەۋ ورتالىعىنان ۇعىسۋىمىزشا، 5 - توپتاعى مەملەكەت دارەجەلى تولىق جۇمىستاندىراتىن الەۋمەتتىك اۋماقتار تىزىمدىگى جۋىقتا جاريالانعان، شينجياڭنان 10 الەۋمەتتىك اۋماق تىزىمگە ەنگەن.
بۇل 10 الەۋمەتتىك اۋماق مىنالار: قۇلجا قالاسى سايبويى ءمالىسى احىمەتجان جولى سولتۇستىك الەۋمەتتىك اۋماعى، قارامايلى قالاسى قارامايلى رايونى يىنحى جولى ءمالىسى تۇڭشۇن الەۋمەتتىك اۋماعى، سانجى قالاسى لۇيجوۋ جولى ءمالىسى جۇيحى الەۋمەتتىك اۋماعى، ءۇرىمجى قالاسى شۇيموگوۋ رايونى چيداۋۋان ءمالىسى حۇيجان الەۋمەتتىك اۋماعى، ءۇرىمجى جوعارى، جاڭا تەحنيكالىق كاسىپتەردى اشۋ رايونى (جاڭا قالا رايونى) گاۋشين كوشەسى اۋماعى كۇنميڭ جولى الەۋمەتتىك اۋماعى، تۇرپان قالاسى گاۋچاڭ رايونى لاۋچىڭ جولى ءمالىسى بينحۋ الەۋمەتتىك اۋماعى، حوشۇت اۋدانى تەۋىلعا قالاشىعى لۇڭجۇي الەۋمەتتىك اۋماعى، كۇشار قالاسى شينچىڭ ءمالىسى شيڭحۋايۋان الەۋمەتتىك اۋماعى، اتۇش قالاسى باقىت ءمالىسى پامير باتىس جولى الەۋمەتتىك اۋماعى، حوتان قالاسى نۇرباق ءمالىسى ءۇرىمجى سولتۇستىك جولى الەۋمەتتىك اۋماعى.
وسى الەۋمەتتىك اۋماققا قاراستى رايونداردا ەڭبەك قابىلەتى جانە جۇمىستانۋ ارمان - تىلەگى بار ەڭبەكشىلەردىڭ، تىركەلگەن جۇمىسسىزداردىڭ جانە جۇمىستانۋى قيىن ادامداردىڭ جۇمىستانۋ مولشەرى تۇگەلدەي ％95تەن تومەن بولماعان، جۇمىسسىز قالعانىنا جارتى جىلدان اسقان ادامدار بولماعان؛ قاراستى رايوندا جۇمىستانۋ، جۇمىسسىزداردى تىركەۋ شارتىنا ۇيلەسەتىندەر ％100 تىركەۋگە الىنعان، بىردە - ءبىر ادامى جۇمىستانباعان وتباسى بولىپ تانىلعان سوڭ، ءبىر اي ىشىندە سول وتباسىنداعى كەمىندە ءبىر ادامنىڭ جۇمىستانۋدى جۇزەگە اسىرۋىنا كومەك بەرىلگەن؛ جۇمىستاندىرۋ قىزمەت وتەۋىنىڭ جانە جۇمىستاندىرۋدى باسقارۋ قىزمەتىنىڭ كەمەلدى ءتۇزىمى ورناتىلعان، قامتاماسىز ەتۋ شارالارى تىڭعىلىقتى تياناقتانعان، ۇدايى 3 جىل بويى جۇمىستانۋ قىزمەت وتەۋ قىزمەتىندە بۇقارادان كۇشكە يە شاعىم تۇسپەگەن؛ ولكەنىڭ (رايون، قالا) جۇلدىز دارەجەلى تولىق جۇمىستاندىراتىن الەۋمەتتىك اۋماعى بولىپ تانىلعان، قىزمەت ءادىسى مەن قىزمەت شاراسىندا جاڭالىققا ۇمتىلعان، بۇل ءبىرشاما كۇشتى تيپتىك، ۇلگىلىك سيپاتقا يە.
وسى بويىنشا تانىلعان الەۋمەتتىك اۋماقتار الەۋمەتتىك جۇمىستاندىرۋ قىزمەت وتەۋ جەتىستىكتەرىن ۇكىمەت ساتىپ الۋ، سيلاۋ سيپاتىندىق جاردەماقى بەرۋ سياقتى تاسىلدەر ارقىلى سايكەستى قارجىلىق قولداۋلارعا يە بولادى ەكەن.
اۆتونوميالى رايوندىق الەۋمەتتىك جۇمىستاندىرۋ قىزمەت وتەۋ ورتالىعى جۇمىستاندىرۋ قىزمەت وتەۋ ءبولىمىنىڭ باستىعى لي جىنجياڭ بىلاي دەپ تانىستىردى: تولىق جۇمىستاندىراتىن الەۋمەتتىك اۋماق قۇرۋ جان - جاقتى الەۋمەتتىك جۇمىستاندىرۋ قىزمەت وتەۋدى ىلگەرىلەتۋدىڭ باستى شاراسى، ونان دا ماڭىزدىسى، جۇمىستاندىرۋ قىزمەت وتەۋ ساپاسىن جوعارىلاتۋدىڭ ماڭىزدى تۇتقاسى. تولىق جۇمىستاندىراتىن الەۋمەتتىك اۋماق قۇرۋ سىندى تيپتەرمەن جەتەكتەۋ ءتاسىلى بۇكىل رايونداعى ءار دارەجەلى الەۋمەتتىك جۇمىستاندىرۋ قىزمەت وتەۋ قۇرىلىمدارىنىڭ جۇمىستاندىردى قىزمەت وتەۋ قابىلەتىن جوعارىلاتۋدا، اناعۇرلىم تولىق، اناعۇرلىم جوعارى ساپالى جۇمىستاندىرۋدى جۇزەگە اسىرۋدى ىلگەرىلەتۋدە، حالىق تۇرمىسىنىڭ ىرىس - قۇتىن جاقسارتۋدا ماڭىزدى رول اتقارادى.
ۇعىسۋعا قاراعاندا، جايشىلىقتاعى جاعدايدا مەملەكەت دارەجەلى تولىق جۇمىستاندىراتىن الەۋمەتتىك اۋماقتار 2 − 3 جىلدا ءبىر رەت، اۆتونوميالى رايون دارەجەلى تولىق جۇمىستاندىراتىن الەۋمەتتىك اۋماقتار ءبىر جىلدا ءبىر رەت باعالانادى ەكەن. قازىرگە دەيىن رايونىمىز مەملەكەت دارەجەلى تولىق جۇمىستاندىراتىن الەۋمەتتىك اۋماق دەپ تانىعان الەۋمەتتىك اۋماق 29عا، اۆتونوميالى رايون دارەجەلى تولىق جۇمىستاندىراتىن الەۋمەتتىك اۋماق 203كە جەتكەن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
