جاڭا باستامادا شينجياڭ قىزمەتىنىڭ تاعى دا تىڭ ساتىعا كوتەرىلۋىن ىلگەرىلەتەيىك
− اۆتونوميالى رايوندىق 10 - رەتكى پارتيا قۇرىلتايىنىڭ رۋحىن ىشكەرىلەي دايەكتىلەندىرۋ، تياناقتاندىرۋ جونىندە (9)
گازەتىمىزدىڭ شولۋشىسى
2021.11.05 15:50 كەلۋ قاينارى : شينجياڭ گازەتى
”تۇلپارمەن جۇيتكي شاۋىپ زىمىراعان ادامعا، قاس - قاعىمدا جەتىپ بارۋ قيىن ەمەس چاڭ - انعا“. ايبىندى ساپار تاباندىلىقپەن كۇرەس جۇرگىزۋگە سۇيەنەدى، ۇلى نىسانا بۇلتارتپاس جاۋاپكەرشىلىك ارقالاۋدى قاجەت ەتەدى. اۆتونوميالى رايوندىق 10 - رەتكى پارتيا قۇرىلتايىنىڭ رۋحىن دايەكتىلەندىرۋدە، تياناقتاندىرۋدا، ءسوز جوق، جاۋاپكەرشىلىك ارقالاۋدى كۇشەيتىپ، جىگەرلەنە شىنايى يگەرىپ، ناقتى ىستەپ، دامۋ جوباسىن نىق قاداممەن تاماشا رەالدىققا اينالدىرىپ، جاڭا باستامادا شينجياڭ قىزمەتىنىڭ تاعى دا تىڭ ساتىعا كوتەرىلۋىن ىلگەرىلەتۋ كەرەك.
اۆتونوميالى رايوندىق 10 - رەتكى پارتيا قۇرىلتايى ءداۋىر تىنىسىن ءداپ باسىپ، بۇقارا كوڭىل ءبولىپ وتىرعان ماسەلەلەرگە جاۋاپ قايتارىپ، عىلمي جولمەن شينجياڭنىڭ الداعى 5 جىلداعى دامۋ جوباسىن كەسكىندەدى. جارقىن بولاشاق ادامعا ءۇمىت سيلاپ، ۇلى نىسانا جۇرتتى جىگەرلەندىردى. جاڭا باستامادا شينجياڭ قىزمەتىنىڭ تاعى دا تىڭ ساتىعا كوتەرىلۋىن ىلگەرىلەتۋ − الداعى 5 جىلدا ءبىز ارقالايتىن تاريحي ماڭىزدى مىندەت. بۇكىل رايونداعى ءار دارەجەلى پارتيا ۇيىمدارى ساياسي جاۋاپكەرشىلىك سەزىم مەن تاريحي بورىشتىلىق سەزىمدى شىنايى كۇشەيتىپ، اۆتونوميالى رايوندىق 10 - رەتكى پارتيا قۇرىلتايىنىڭ رۋحىن مۇقيات ۇيرەنۋدى، ۇگىتتەۋدى، دايەكتىلەندىرۋدى كەزەكتەگى ماڭىزدى ساياسي مىندەت ەتىپ، ۇيرەنۋ ارقىلى بورىش ارقالاپ، ۇيرەنۋ ارقىلى قايراتتانا ىلگەرىلەۋدىڭ قوزعاۋشى كۇشىن قالىپتاستىرىپ، ءار ۇلت پارتيالى كادرلارىن، بۇقاراسىن ىنتىماقتاستىرىپ، باستاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنىپ، جاڭا ساپاردا ءتۇرلى قىزمەتتەردىڭ جاڭا جاعدايىن قۇلشىنا اشۋ كەرەك.
جاڭا باستامادا شينجياڭ قىزمەتىنىڭ تاعى دا تىڭ ساتىعا كوتەرىلۋىن ىلگەرىلەتۋدە، ءسوز جوق، اناعۇرلىم تاسقىنداعان كۇرەسكەرلىك جىگەر قاۋلاتۋ كەرەك. تابىس وتكەنگە ءتان، بورىش بولاشاققا باستايدى. الداعى 5 جىلدا، شينجياڭنىڭ دامۋى تاپتىرماس كەلەلى ورايعا، وزگەشە باسىمدىققا ءدوپ كەلۋمەن بىرگە، بولجاۋعا بولاتىن جانە بولجاۋ قيىن ءتۇرلى حاۋىپ - قاتەرلەر مەن سىن - سايىستارعا دا تاپ بولادى. ءبىز قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاۋاپكەرشىلىك سەزىمدى، بورىشتىلىق سەزىمدى كۇشەيتىپ، كۇرەسكەرلىك رۋحتى ساۋلەلەندىرىپ، كۇرەسكەرلىك قابىلەتتى كۇشەيتىپ، ماڭگى بويكۇيەزدىككە سالىنبايتىن رۋحاني كۇيمەن جانە العان بەتتەن قايتپايتىن كۇرەسكەرلىك بەينەمەن ءىس تىندىرىپ، ناتيجە شىعارىپ، اناعۇرلىم زور ساياسي باتىلدىقپەن جانە اقىل - پاراساتپەن قامال الىپ، قيىندىقتاردى جەڭىپ، سەنىمدى بەكەمدەپ، قولايلى ساتتەن پايدالانىپ العا ۇمتىلىپ، بوگەتتەردى بۇزىپ، ەرلىكپەن العا ىلگەرىلەۋىمىز كەرەك.
جاڭا باستامادا شينجياڭ قىزمەتىنىڭ تاعى دا تىڭ ساتىعا كوتەرىلۋىن ىلگەرىلەتۋدە، ءسوز جوق، اناعۇرلىم تالپىنىستى رۋح شىڭداۋ كەرەك. جاۋاپكەرشىلىكتى باتىلدىقپەن ارقالاۋ، باتىلدىقپەن العا باسۋ ءىس جوسپارلاۋدىڭ، ءىس تىندىرۋدىڭ تەتىگى. قوعام ورنىقتىلىعى مەن باياندى تىنىشتىقتى ىلگەرىلەتۋدىڭ تاريحي ساپارىندا، ءبىز ناقتى ىسكەرلىك قاسيەتتى شىڭداۋىمىز كەرەك، قاشاندا پارتيا مەن حالىققا پايدالى ءىس، قوعام ورنىقتىلىعى مەن باياندى تىنىشتىققا ءتيىمدى ءىس بولسا بولعانى، جۇرەكتىلىكپەن ىستەپ، تاباندىلىقپەن ىستەپ، ەلەۋلى سىن - سايىستارعا ءونىمدى توتەپ بەرۋ، ەلەۋلى حاۋىپ - قاتەرلەردەن قورعانۋ، ەلەۋلى كەدەرگىلەردى جەڭۋ، ەلەۋلى قايشىلىقتاردى شەشۋ بارىسىندا كوممۋنيستەردىڭ جىگەرىن، نامىسىن، سەنىمىن ايگىلەپ، ۇلكەن دۇرىس پەن ۇلكەن بۇرىس الدىندا باتىلدىقپەن پوزيتسيا ءبىلدىرۋ، قايشىلىق الدىندا قيىندىقتان تايسالماي العا ۇمتىلۋ، حاۋىپ - قاتەر الدىندا جۇرەكتىلىكپەن كەۋدە كەرىپ العا شىعۋ، اعاتتىق الدىندا باتىلدىقپەن جاۋاپكەرشىلىك ارقالاۋ، بۇرىس ستيل، تەرىس پيعىلدارعا قارسى باتىل كۇرەس جۇرگىزۋ كەرەك. ىرىقتىلىقپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، پارتيا مەن حالىق ىستەرىنە وسكەلەڭ جاۋاپتى بولۋ پەيىلىمەن ءوز جاۋاپكەرشىلىگىن ءبىلۋدى، ءوز جاۋاپكەرشىلىگىن ارقالاۋدى، ءوز جاۋاپكەرشىلىگىن ادا ەتۋدى باتىل ورىنداپ، وتانىمىزدىڭ شينجياڭىن شىن مانىندە ويداعىداي قورعاۋ، ويداعىداي ورنىقتىرۋ، ويداعىداي دامىتۋ كەرەك.
جاڭا باستامادا شينجياڭ قىزمەتىنىڭ تىڭ ساتىعا كوتەرىلۋىن ىلگەرىلەتۋدە، ءسوز جوق، اناعۇرلىم ناقتى ستيل قالىپتاستىرۋ كەرەك. پارتيا ستيلى − پارتيانىڭ وبرازى، پارتيا مەن بۇقارانىڭ، كادرلار مەن بۇقارانىڭ قاتىناسىن، حالىقتىڭ قولداۋ - قولداماۋىن باقىلايتىن كورسەتكىش. ءبىز ۇلى پارتيا قۇرۋ رۋحىن بارىنشا اسقاقتاتىپ، توراڭعى رۋحى مەن بيڭتۋان رۋحىن امالياتتا ايگىلەپ، تاماشا ستيل ارقىلى جاڭا داۋىردەگى پارتيالى كادرلاردىڭ تاماشا وبرازىن سومداۋىمىز كەرەك. ءىس جۇزىندىككە ءمان بەرۋگە، شىندىقتى ءىس جۇزىنەن ىزدەۋگە تاباندى بولىپ، شىن سويلەپ، ناق سويلەپ، ناقتى ءىس ىستەپ، ناقتى ونىمدىلىككە ۇمتىلىپ، حالىق ءۇشىن قىزمەت ىستەيتىن ەلپەك وگىز، جاڭالىق اشا داميتىن تۇرەنشى وگىز، قاجىرلىلىقپەن كۇرەس جۇرگىزەتىن كومپىس وگىز رۋحىن ساۋلەلەندىرىپ، ۇستاسا تەمىرگە ءىز، تاسقا تاڭبا قالدىراتىن قىزمەت ستيلىمەن قىزمەتتەردى ءبىر - بىرلەپ ىلگەرىلەتىپ، ءبىر - ءبىر بۋىننان مىقتى يگەرىپ، ماسەلەلەردى ءبىر - بىرلەپ شەشىپ، نىسانداردى ءبىر - بىردەن تياناقتاندىرىپ، ىستەردى ءبىر - بىرلەپ جاقسى تىندىرىپ، شينجياڭدى زاڭمەن جونگە سالۋدىڭ، شينجياڭدى ىنتىماقتاسا ورنىقتىرۋدىڭ، شينجياڭدى مادەنيەتپەن نارلەندىرۋدىڭ، حالىقتى بايىتىپ شينجياڭدى گۇلدەندىرۋدىڭ، شينجياڭدى باياندى كوركەيتۋدىڭ ءتۇرلى شارالارىن تىڭعىلىقتى تياناقتاندىرىپ، امالياتتىڭ، حالىقتىڭ، تاريحتىڭ سىنىنان وتە الاتىن ناقتى قىزمەت ناتيجەسىن جاراتۋعا قۇلشىنۋ كەرەك.
الدىدا ۇلى نىسانا قول بۇلعاپ، داڭعىل جول تابانىمىزدىڭ استىندا كەڭ كوسىلىپ جاتىر. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ءبىر نيەت، ءبىر تىلەكتە بولىپ، ىنتىماقتاسا العا باسىپ، شىنايى يگەرىپ، ناقتى ىستەپ، قاجىرلىلىقپەن ىستەپ، قوعام ورنىقتىلىعى مەن باياندى تىنىشتىقتىڭ جاڭا جاعدايىن اشۋعا كۇش سالىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋعا قۇلشىنايىق.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
