جياڭ حاي:
سان مىڭداعان وتباسىنا تۇنىق سۋ كەلىپ تۇرۋ ءۇشىن
□ انار بۇلت / شينجياڭ گازەتىنىڭ ءتىلشىسى بارشا تەگىس
2021.11.05 15:51 كەلۋ قاينارى : شينجياڭ گازەتى
10 - ايدىڭ 12 - كۇنى اقسۋ قالاسىنداعى ءمالىم ءبىر شاعۋ - كوشىرۋ اۋماعىندا ءتىلشى سۋ قۇبىرىن قاۋىرت جوندەپ جاتقان جياڭ حايدى كەزدەستىردى. ”شاعۋ - كوشىرۋ بارىسىندا سۋ قۇبىرى بۇلىنگەندىگى سەبەپتى، ءالى شاعۋ - كوشۋگە ۇلگىرمەگەن تۇرعىنداردىڭ ۇيىندە سۋ توقتاپ قالدى،ءبىز ۋاقىتتى مىقتى ۇستاپ شۇعىل جوندەۋىمىز كەرەك“، - دەدى جياڭ حاي.
جياڭ حاي اقسۋ سۋ ىستەرى، قورشاعان ورتا توبى جارنا شەكتى سەرىكتەستىگى قاريدارلارعا قىزمەت وتەۋ ورتالىعىنىڭ مەڭگەرۋشىسى.
”قاريدارلارعا قىزمەت وتەۋ ورتالىعىنىڭ مەڭگەرۋشىسى دە ناق مايدانعا كەلىپ، شۇعىل جوندەۋ جۇرگىزە مە؟“، ءتىلشىنىڭ سۇراۋىنا جياڭ حاي: ”مەن كوممۋنيستىك پارتيا مۇشەسىمىن، ءسوز جوق، ناق مايدانعا كەلىپ، شىرعالاڭنىڭ سەبەبىن تەكسەرىپ، دەر كەزىندە اقىلداسىپ ءبىر جاقتى ەتۋىم كەرەك“، - دەپ جاۋاپ بەردى.
قاريدارلارعا قىزمەت وتەۋ ورتالىعىنىڭ مەڭگەرۋشىسى مىندەتىن وتەگەن 6 جىلدا جياڭ حاي جانە ۇجىمداعىلار 400گە تارتا سۋمەن قامداۋ، سۋ شىعارۋ شىرعالاڭىن ءبىر جاقتى ەتتى. ”بۇقارانىڭ مۇددەسىندە كىشى - گىرىم ءىس بولمايدى، قىزمەتتى زەيىن - زەردە مەن كۇش - قۋاتتى سارقا وتىرىپ ىستەۋىمىز كەرەك“، - دەدى جياڭ حاي.
تۇرعىنداردىڭ سۋ ىستەتۋ ماسەلەسىن دەر كەزىندە شەشۋ ءۇشىن، جياڭ حايدىڭ تەلەفونى 6 جىلدان بەرى ەشقاشان دا سوندىرىلگەن ەمەس، ول تەلەفون ءنومىرىن قاراستى وڭىردەگى 380نەن استام تۇرعىندار تۇرمىستىق شاعىن اۋماعىنداعى 110 مىڭ سۋ ىستەتۋشى قاريدارعا اشىق جاريالادى.
”تۇرعىندار قىزمەتتەن تۇسكەننەن كەيىن جانە مەرەكە، دەمالىس كۇندەرى دەمالعان كەزدە تەلەفون شالىپ كەڭەس سۇرايتىن ادامدار ءبىرشاما كوپ بولادى، سۋ كارتاسىندا اقشا قالماي سۋ توقتاپ قالعاندا، ەگەر قىزمەتتەن تۇسكەن بولساق، ءبىز سۋ اقىسىن الدىن الا تولەۋ ءتاسىلى ارقىلى تۇرعىنداردىڭ ۇيىندە سۋ توقتاۋ ماسەلەسىن شەشەمىز“، - دەدى جياڭ حاي.
تەلەفوندا تىلدەسىپ شەشۋگە بولمايتىن ماسەلەگە جولىققاندا قاريدارلارعا قىزمەت وتەۋ ورتالىعى ناق مايدانعا ادام جىبەرەدى. مىندەتتى تاپسىرىپ العاننان كەيىنگى 20 مينۋت ىشىندە، ءسوز جوق، ناق مايدانعا جەتۋ كەرەك، بۇل جياڭ حايدىڭ ءاربىر قىزمەتكەرگە قويعان نەگىزگى تالابى. ”ول العا قويعان ’الدىمەن شەشۋ، سوڭىنان ءتۇسىندىرۋ‘ قىزمەت ءتاسىلى قاراستى اۋماقتاعى تۇرعىنداردىڭ تۇراقتاندىرۋىنا جانە القاۋىنا يە بولدى“، − دەدى قاريدارلارعا قىزمەت وتەۋ ورتالىعى اۋماعىنىڭ ديرەكتورى جاڭ حۋ.
تاريحتان قالعان ماسەلەلەر سەبەپتى قالا اكىمشىلىك قۇبىر تورىنا قۇبىر جالعانباعاندىقتان، اقسۋ قالاسى نانچىڭ ءمالىسى پويەز ستانسياسى الەۋمەتتىك اۋماعىنداعى 50 نەشە تۇرعىن تەرەڭ قۇدىق سۋىمەن كيىم - كەشەك جۋىپ، تاماق جاسايتىن. جياڭ حاي الەۋمەتتىك اۋماق كادرلارىمەن ىرىقتىلىقپەن بايلانىس جاسايدى ءارى سۋ ىستەرى توبىنان قۇرىلىس جۇرگىزۋگە قاجەتتى كۇشتەردى جانە قارجىلاي كومەك بەرۋدى ءوتىنىش ەتەدى. ”ءبىر اي قۇرىلىس جۇرگىزىپ، قۇبىر ورنالاستىرۋ ارقىلى ءبىز ترۋبا سۋىن ىستەتە الاتىن بولدىق، بۇل جياڭ حاي مەڭگەرۋشىنىڭ ارقاسى“، - دەدى پويەز ستانسياسى الەۋمەتتىك اۋماعىنداعى تۇرعىن جاۋ جيۋگۇي ريزاشىلدىقپەن.
2020 - جىلعى جاڭا تيپتى ايدارشا ۆيرۋس وكپە قابىنۋ ىندەتى كەزىندە تۇرعىنداردىڭ سۋ ىستەتۋىنە كەپىلدىك ەتۋ ءۇشىن، جياڭ حاي قاريدارلارعا قىزمەت وتەۋ ورتالىعىنداعى پارتيا مۇشەلەرىن باستاپ ”ىندەتتەن ساقتانۋ بويىنشا ۋاقىتشا سۋ ساتۋ گرۋپپاسىن“ قۇرىپ، جىلجىمالى سۋ ساتۋ كولىگىنەن پايدالانىپ تۇرعىنداردى سۋ ساتۋ قىزمەت وتەۋىمەن قامدادى. ولار اقسۋ قالاسىنداعى ۇلكەندى - كىشىلى كوشەلەردى ارالاپ، جالپى 326 رەت جولعا شىعىپ، 70 نەشە شاعىن اۋماققا بارىپ سۋ ساتتى.
بيىل 7 - ايدا جياڭ حايعا ”اۆتونوميالى رايوندىق تاڭداۋلى كوممۋنيستىك پارتيا مۇشەسى“ دەگەن اتاق بەرىلدى. ”سۋمەن قامداۋ حاۋىپسىزدىگى سان مىڭداعان وتباسىنىڭ تۇرمىسىن قامتاماسىزداندىرۋىمەن قاتىستى، مەن كوممۋنيستىك پارتيا مۇشەسىمىن، حالىق ءۇشىن قىزمەت وتەۋ مەنىڭ قىزمەت جاۋاپكەرشىلىگىم، بۇقارانىڭ رازى - حوش بولۋى مەن جونىنەن ەڭ ۇلكەن تۇراقتاندىرۋ“، - دەدى جياڭ حاي.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
