ايسا وقاپ:
”تۇيەلى قىستاقتىڭ“ كىرىستى ارتتىرعاندىعى تۋرالى
انار بۇلت / شينجياڭ گازەتىنىڭ ءتىلشىسى گى يوۋجۇن، ەرىكتى ءتىلشى ما تيانچي
2021.11.05 15:48 كەلۋ قاينارى : شينجياڭ گازەتى
”اۆتونوميالى رايوندىق 10 - رەتكى پارتيا قۇرىلتايىندا ءار ۇلت بۇقاراسىنىڭ جاپپاي دوڭگەلەك داۋلەتتەن بىرگە بايۋ نىساناسىنا قاراي نىق قادام تاستاۋىن جەبەۋ كەرەكتىگى العا قويىلدى. بۇل قىستاعىمىزدىڭ دامۋىنا باعدار كورسەتتى، ءبىز ورايدى يگەرىپ، جاڭا وي جەلىسىمەن جاڭا دامۋدى جوبالاپ، قىستاق كاسىپ سالاسىنىڭ ونان ارى گۇلدەنۋىنە، قىستاق تۇرعىندارىنىڭ تۇرمىسىنىڭ ونان ارى باي بولۋىنا مۇمكىندىك جاساۋىمىز كەرەك...“. 10 - ايدىڭ 27 - كۇنى تۇستەن كەيىن فۋكاڭ قالاسى شۇيموگوۋ اۋىلى ليۋچىڭزى باتىس قىستاعى قىستاق تۇرعىندار كوميتەتىنىڭ جيىن زالى مەرەيلى دۋمانعا شومدى. اۆتونوميالى رايوندىق 10 - رەتكى پارتيا قۇرىلتايىنىڭ ۋاكىلى، ليۋچىڭزى باتىس قىستاعى پارتيا ياچەيكاسىنىڭ ورىنباسار شۋجيى ايسا وقاپتىڭ قىستاققا قايتىپ كەلگەننەن كەيىن ىستەگەن تۇڭعىش ءىسى پارتيا مۇشەلەرىنە، كادرلارعا جانە قىستاق تۇرعىندارى ۋاكىلدەرىنە اۆتونوميالى رايوندىق 10 - رەتكى پارتيا قۇرىلتايىنىڭ رۋحى جونىندە ۇگىت لەكسيا جاساۋ بولدى.
”وسى بىرنەشە جىلدا قىستاقتا اسفالت جول سالىنىپ، قۇبىر سۋى جەتكىزىلىپ، كوپشىلىكتىڭ بارلىعى جاڭا ۇيگە كوشىپ كىرىپ، تۇرمىستارى بارعان سايىن جاقساردى. ۇگىت لەكسيانى تىڭداعاننان كەيىن، مەن قازىرگى جاعدايدى قاناعات تۇتۋعا بولمايتىندىعىن، ويداعىداي اقىل - كەڭەس قۇرىپ، تۇرمىسىمىزدى ونان ارى جاقسارتۋعا قۇلشىنۋىمىز كەرەكتىگىن سەزىندىم“، - دەدى قىستاق تۇرعىنى شالقار وراز تەبىرەنە.
ليۋچىڭزى باتىس قىستاعى فۋكاڭداعى ايتۋلى ”تۇيەلى قىستاق“. سوڭعى جىلدارى وسى قىستاقتىڭ قىستاق تۇرعىندارى تۇيە باعىمشىلىعىن دامىتۋ ارقىلى كىرىستەرىن ارتتىرىپ، بايۋدى جۇزەگە اسىردى. قازىر تۇتاس قىستاقتا 3 تۇيە باعىمشىلىعى كاسىپتىك سەلبەستىك كووپەراتيۆى بار، تۇتاس قىستاقتاعى 381 وتباسى قىستاق تۇرعىنىنىڭ ىشىندە 100دەن استام وتباسى تۇيە باعىمشىلىعىن دامىتۋدى نەگىز ەتەدى، بىلتىر تۇتاس قىستاقتىڭ جان باسىندىق ورتاشا كىرىسى 20 مىڭ 800 يۋانعا جەتتى.
ليۋچىڭزى باتىس قىستاعى قازى جايلىم - مال شارۋاشىلىعى كاسىپتىك سەلبەستىك كووپەراتيۆىنىڭ القا باستىعى قالىمعازى ءمۇتالىم: ”قىستاعىمىز تۇيە باعىمشىلىعىنداعى ەرەكشەلىككە يە قىستاق، ۇكىمەتتىڭ ءبىزدىڭ تۇيە باعىمشىلىعىن دامىتۋىمىزعا قولداۋ كورسەتۋ سەرپىنى توتەنشە زور، وسى ەرەكشەلىككە يە كاسىپتى زورايتۋىمىز، الۋەتتەندىرۋىمىز كەرەك. وسى بىرنەشە جىلدا جەرگىلىكتى ۇكىمەت ەگىنشى - مالشىلاردى ۇيىمداستىرىپ باعىمشىلىق تەحنيكاسىنا باۋلۋدى ورىستەتىپ، تۇقىمدى اسىلداندىرۋدى جالپىلاستىرۋمەن بىرگە، باعىمشىلىق وتباسىلارىن ءوسىمى قازىنادان تولەنەتىن قارىز اقشا، جەم - ءشوپ قوسىمشا قاراجاتى سياقتى جاقتاردان سۇيەمەلدەپ، وسى قىستاقتىڭ تۇيە باعىمشىلىعىن دامىتۋىن جەبەدى“، - دەدى.
قىستاق تۇرعىندارى جابال ءسوز كەزەگىن الىپ، قىزۋ تالقى ورىستەتتى. ءماجىلىستى باسقارعان ليۋچىڭزى باتىس قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى قابات اجىباي ءبىر جاعىنان، دەن قويا ەستەلىككە الا وتىرىپ، كوپشىلىكتىڭ قويعان ۇسىنىسىنا وي جۇگىرتتى.
”اۆتونوميالى رايوندىق 10 - رەتكى پارتيا قۇرىلتايىندا ەرەكشە باسىمدىققا يە كاسىپ سالاسىن تىڭعىلىقتى، ويداعىداي مىقتى يگەرۋ كەرەكتىگى العا قويىلدى. قىستاعىمىز فۋكاڭ قالاسىنداعى تۇيە باعىمشىلىعىندا ەرەكشەلىككە يە ەڭ ۇلكەن قىستاق رەتىندە، ەرەكشەلىككە تاباندى بولۋ نەگىزىندە عىلمي باعىمشىلىق، تۇيە ءسۇتى ونىمدەرىن مانەرلەۋ جانە اۋىل - قىستاق ەرەكشە ساياحاتى بەتالىسىنا قاراي دامىپ، تۇيە باعىمشىلىعىنىڭ ساپاسىن ءوسىرىپ، ونىمدىلىگىن ارتتىرۋدى جەبەۋىن، قىستاق تۇرعىندارىنىڭ كىرىستى ارتتىرۋ ارناسىن كەڭەيتۋىن ويلاسۋدامىز“، - دەدى قابات اجىباي.
بۇرىن ليۋچىڭزى باتىس قىستاعىنداعى تۇيە ءسۇتى سەلبەستىك كووپەراتيۆى سىرت جەرلەردەگى ءسۇت ونىمدەرىن مانەرلەۋ كاسىپورىندارىنا ساتىپ بەرەتىن دە، ساپاسى مەن باعاسىنا بەلگىلى ىقپالى تيەتىن. سول سەبەپتى قىستاق ”ەكى كوميتەتى“ بيىل قىستان كەلەر جىلى كوكتەمگە دەيىن تۇيە ءسۇتىن وڭدەيتىن ءبىر كاسىپورىندى ەنگىزىپ، ليۋچىڭزى باتىس قىستاعىنىڭ تۇيە ءسۇتى ايگىلى ماركاسىن تۇلعالاپ، قىستاق تۇرعىندارىنىڭ ءتىپتى دە كوپ يگىلىككە كەنەلۋىنە مۇمكىندىك جاساۋدى، سونىمەن بىرگە ەرەكشە باعىمشىلىق كاسىپ سالاسىنا سۇيەنىپ اۋىل - قىستاق ساياحاتىن دامىتىپ، ساياحاتشىلاردىڭ تۇيەلەردى تاماشالاي ءجۇرىپ، جاڭا تۇيە ءسۇتىنىڭ ءدامىن تاتۋىنا مۇمكىندىك جاساۋدى، كوپ ءتۇرلى جولدارمەن قىستاق تۇرعىندارىنىڭ كىرىسىن ارتتىرۋدى جەبەۋدى جوسپارلادى.
كوپشىلىكتىڭ ليۋچىڭزى باتىس قىستاعىنىڭ بولاشاق دامۋىن قىزۋ تالقىلاپ جاتقاندىعىن كورىپ، ايسا وقاپ توتەنشە قۋاندى.
”نەگىزگى ساتىدان كەلگەن پارتيا ۋاكىلى رەتىندە، پارتيا قۇرىلتايى رۋحىن دەن قويا ويداعىداي ۇگىتتەۋ، ويداعىداي دايەكتىلەندىرۋ − مەنىڭ جاۋاپكەرشىلىگىم. قىستاق كادرلارى مەن قىستاق تۇرعىندارىنىڭ پارتيا قۇرىلتايى رۋحىمەن ۇشتاستىرىپ، الداعى دامۋدى جوسپارلاعاندىعىن كورگەنىمدە بۇل ماعان زور شابىت بولدى، مەن قىستاقتاعى باسقا دا پارتيا مۇشەلەرىمەن، كادرلارمەن بىرگە تولىق سەنىممەن، قايراتتى تاسقىنداتىپ، بارلىق قىستاق تۇرعىندارىن باستاپ، بىرگە بايۋ نىساناسىنا قاراي نىق قادام تاستايمىن“، - دەدى ايسا وقاپ.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
