كوكونىس باعاسى نەلىكتەن قىمباتتادى؟ قاشان ارزاندايدى؟ اۋىل شارۋاشىلىعى جانە اۋىل – قىستاق مينيسترلىگى جاۋاپ قايتاردى
2021.11.05 14:43 كەلۋ قاينارى : حالىق تورابى
بەيجيڭدەگى بەلگىلى كوكونىس بازارىندا كوكونىسپەن قامداۋ جەتكىلىكتى بولدى. حالىق تورابىنىڭ ءتىلشىسى لي نان - حۋا فوتوسى
11 – ايدىڭ 4 – كۇنى اۋىل شارۋاشىلىعى جانە اۋىل – قىستاق مينيسترلىگى بيىل قىس پەن كەلەر جىلعى كوكتەم مەزگىلىندە باستى اۋىل شارۋاشىلىعى ونىمدەرىمەن قامداۋ جاعدايى جونىندە اقپار جاريالاۋ ءماجىلىسىن اشتى. جۇرت كوڭىل ءبولىپ وتىرعان «كوكونىس باعاسى» ماسەلەسى جونىندە، اۋىل شارۋاشىلىعى جانە اۋىل – قىستاق مينيسترلىگىنىڭ بازار جانە ينفورماتسيالاندىرۋ مەڭگەرمەسىنىڭ باستىعى تاڭ كىنىڭ ايتۋىنشا، مەملەكەت بويىنشا كوكونىسپەن قامداۋ مولشەرى جەتكىلىكتى، تۇتىنۋشىلاردىڭ الاڭداۋىنىڭ قاجەتى جوق. قازىرگى جاعدايدان الىپ قاراعاندا، اتىزداعى كوكونىستىڭ كولەمى 103 ميلليون مۋ بولىپ، سايكەستى مەزگىلدەگىمەن سالىستىرعاندا 4 ميلليون مۋ ارتقان، مەجەمەن الداعى 3 ايدان كەيىن، اتاپ ايتقاندا، «ەكى مەرەكەنىڭ» الدى – ارتىندا، كوكونىسپەن قامداۋ مولشەرى 200 ميلليون تونناعا جەتەدى، دەمەك، ءاربىر ادامعا كۇنىنە 3 جىڭنان كوكونىس تۋرا كەلەدى.
كوكونىس — حالىق تۇرمىسىنا ساياتىن ماڭىزدى ءونىم، «1 – قازان» دەمالىسى وتكەن سوڭ، كوكونىس باعاسى ۇزدىكسىز قىمباتتادى. اۋىل شارۋاشىلىعى جانە اۋىل – قىستاق مينيسرلىگىنىڭ باقىلاۋ مالىمەتىنە قاراعاندا، 28 ءتۇرلى كوكونىستىڭ 10 – ايداعى تولايىم ساتۋ باعاسى ورتا ەسەپپەن كيلوگرامىنا 5.25 يۋان بولعان، الدىڭعى ايداعىمەن سالىستىرعاندا %16.7 قىمباتتاعان، بىلتىرعى وسى مەزگىلدەگىمەن سالىستىرعاندا %11.7 قىمباتتاعان، بۇل قىمباتتاۋ مولشەرى بىلتىرعى وسى مەزگىلدەگىدەن دە جوعارى بولعان، وتە – موتە، بوساي، اس سۇتتىگەن قاتارلى جاپىراقتى كوكونىستەردىڭ باعاسىنىڭ قىمباتتاۋى ايرىقشا كورنەكتى بولعان.
كوكونىس باعاسى نە سەبەپتى قىمباتتادى؟ تاڭ كىنىڭ تانىستىرۋىنشا، تومەندەگىدەي ءتورت ءتۇرلى سەبەپتى قامتيدى:
بىرىنشىدەن، اپاتتى اۋا رايى سەبەبىنەن بازارعا شىعارۋ مولشەرى ءبىرشاما ازايدى. 9 – ايدان بەرى، سولتۇستىكتەگى وڭىرلەردە كوپ جىلداردان بەرى بولماعان، ءتىپتى بۇرىن بولماعان كۇز مەزگىلىندەگى تاسقىن جانە سۋ ىركىلۋ اپاتتارى تۋىلدى، ءبىر جاعىنان، بۇل اتىزداردىڭ شەكتەن تىس دىمقىل بولۋى تۋدىردى، ءىشىنارا جەرلەردە اتىزدارعا سۋ ىركىلدى، وسى سەبەپتەن 2 ميلليون مۋدان استام جەردەگى كوكونىس اپاتقا ۇشىرادى؛ ەندى ءبىر جاعىنان، تەمپەراتۋرا ۇزدىكسىز تومەن بولىپ، كۇن نۇرى از بولدى، فوتوسينتەزدىك رولى تومەندەدى، كوكونىستەردىڭ ءوسۋى كەدەرگىگە ۇشىرادى، ءتىپتى گۇلى توگىلۋ، جەمىسى توگىلۋ جايتتەرى تۋىلدى.
ەكىنشىدەن، اۋىل شارۋاشىلىعىنا پايدالاناتىن زاتتار باعاسىنىڭ قىمباتتاۋى ءوندىرىس قۇنىن ارتتىردى. جىل باسىنان بەرى، حيميالىق تىڭايتقىش، اۋىل شارۋاشىلىعى ءدارى – دارمەكتەرى قاتارلى اۋىل شارۋاشىلىعىنا پايدالاناتىن زاتتاردىڭ باعاسى ۇزدىكسىز قىمباتتاپ، كوكونىس ءوندىرىسىنىڭ وزىندىك قۇنىن ارتتىردى. قۇرىلعىلى كوكونىستى مىسالعا الساق، تەك حيميالىق تىڭايتقىش باعاسىنىڭ قىمباتتاۋى سىندى ءبىر ءتۇردىڭ وزىنەن ءاربىر مۋ جەردەگى قياردى ءوندىرۋ قۇنى 490 يۋان ارتتى، ءاربىر مۋ جەردەگى بوسايدى ءوندىرۋ قۇنى 210 يۋان ارتتى، مۇنى ءاربىر جىڭعا شاعىپ، قۇنىن ەسەپتەگەندە، قياردىڭ ءبىر جىڭىنىڭ باعاسى 20 تيىن، بوسايدىڭ ءبىر جىڭىنىڭ باعاسى 40 تيىن ارتادى.
ۇشىنشىدەن، تاسىمال مەن اينالىمعا ءتۇسىرۋ قۇنى كورنەكتى ارتتى. كوپتەگەن «كوكونىس سەبەتى» ونىمدەرى قازىر ساتىپ الۋ مەن ساتۋدى بۇكىل مەملەكەت بويىنشا ورىستەتەدى. سولتۇستىكتەگى كوكونىستەردىڭ اپاتقا ۇشىراۋى سەبەبىنەن كەزەڭدىك ۇشتاستىرۋدىڭ ىركىلىسسىزدىگىنە ىقپال جەتىپ، ءىشىنارا ونىمدەردى ءوڭىر اتتاپ تاسىمالداۋ ارتتى، تاسىمالداۋ ارالىعى الىستادى، ونىڭ ۇستىنە بەنزين مەن سالەركانىڭ باعاسى دا قىمباتتادى، بۇل تاسىمال قۇنىنىڭ كورنەكتى قىمباتتاۋىن تۋدىردى. شاندۇڭ شوۋگۋاڭ كوكونىس سەرىكتەستىگىنىڭ اڭىس ەتۋىنشە، الدىڭعى جارىم جىلدا جىجياڭ ولكەسىنىڭ جينحۋا قالاسىنا كوكونىس تاسىمالداۋ قاراجاتى ءبىر اۆتوموبيلگە 4000 يۋان بولسا، سوڭعى جارىم جىلدا 6000 يۋانعا قىمباتتاعان، ءاربىر اۆتوموبيلدىڭ تاسىمالداۋ قۇنى 2000 يۋان ارتقان، ارتۋ مولشەرى %50 كە جەتكەن.
تورتىنشىدەن، سولتۇستىكتەگى ءىشىنارا قۇرىلعىدا كوكونىس وندىرەتىن باستى ولكەلەردە ەلەكتر قۋاتىمەن قامداۋ جەتكىلىكتى بولماعاندىقتان، كوكونىستەردى شوعىرلى باپتاۋ جانە زاۆودتاندىرىپ ءوندىرۋ ىقپالعا ۇشىرادى. مۇنان سىرت، ءىشىنارا جەرلەردە جاڭا تيپتى ايدارشا ۆيرۋس وكپە قابىنۋ ىندەتى بىتىراڭعى تۇردە تارالدى، بۇل دا ءوندىرۋ مەن ساتۋدى ۇشتاستىرۋدىڭ قيىندىعىن ارتتىردى.
«ءبىز جالپى بەتتىك تەكسەرۋ، ىشكەرىلەي تالداۋ جاساۋ جانە وسى سالاداعى وندىرۋشىلەردىڭ، كاسىپورىندار مەن مامانداردىڭ پىكىرىن تىڭداۋ ارقىلى كوپشىلىككە مىناداي حاباردى انىق جەتكىزەمىز: تۇتاس جىل بويىنشا، سونداي – اق قازىر جانە ‹ەكى مەرەكە› مەزگىلىن قامتىعان بارلىق مەزگىلدە، بۇكىل ەلىمىزدە كوكونىس ءوندىرۋ جالپى مولشەرى قالىپتى كۇيدە بولادى، اپاتتىڭ ىقپالى ءىشىنارالىق، كەزەڭدىك سيپات الادى، تەك ءىشىنارا ونىمدەرگە ىقپال ەتەدى»، — دەدى تاڭ كى، بۇكىل جىل بويىنشا الىپ قاراعاندا، مەجەمەن بۇكىل ەلىمىزدەگى كوكونىستىڭ كولەمى 320 ميلليون مۋ، ءونىم مولشەرى 750 ميلليون توننا بولىپ، بىلتىرعىدان %1 اينالاسىندا ارتادى.
تاڭ كى بىلاي دەپ تانىستىردى: كوكونىستەردىڭ تۇرىنەن الىپ قاراعاندا، قيار، پاميدور، چەزى قاتارلى جەمىستى كوكونىستەر مەن ءسابىز، پياز قاتارلى تامىرلى كوكونىستەردىڭ ەگىلگەن كولەمى دە قازىر ارتۋ ۇستىندە، 10 – ايداعى جەدەل جەتىلەتىن جاپىراقتى كوكونىستەردىڭ كولەمى 3 ميلليون مۋ ارتتىرىلدى، الداعى مەزگىلدە بازارعا شىعارۋ مولشەرىنىڭ ارتۋىنان ءۇمىت زور، بۇل بازارداعى جەتكىلىكسىزدىكتى تەڭشەۋگە ءتيىمدى. «ءىس جۇزىندە، 10 – ايدىڭ ورتا شەنىنەن بەرى، سولتۇستىكتەگى كوپتەگەن وڭىرلەردە كۇن اشىق، اۋا رايى جاقسى بولدى، كوكونىس ءوندىرۋ نەگىزىنەن قالپىنا كەلدى، كوكونىستى جيناۋ مەن بازارعا شىعارۋ مولشەرى ۇزدىكسىز ارتادى، جۋىردا بۇكىل ەلىمىز بويىنشا جالپى جاقتان كوكونىس باعاسىنىڭ قىمباتتاۋ مولشەرى تومەندەيدى، ءىشىنارا جەرلەردە بوساي، اس سۇتتىگەن قاتارلى كوكونىستەردىڭ باعاسى كورنەكتى ارزاندايدى، بۇل قامداۋ مەن قاجەتسىنۋ قارىم – قاتىناسىنىڭ جاقسارىپ كەلە جاتقانىن، وزگەرىپ جاتقانىن كورسەتەدى».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
