ارالاپ تەكسەرۋ اترەتى ارەكەت ورىستەتۋدە: جاسىرۋعا كەلمەيتىن ساڭلاۋ
2021.11.09 16:47 كەلۋ قاينارى : حالىق تورابى
100 مىڭ يۋاندىق ءادىليالىق كومەك قاراجات ءىز – توزسىز جوعالعان سوڭ، اياق استىنان «قايتادان تابىلعان»، بۇل قالاي ءىس؟ اڭگىمەنى جياڭسۋ ولكەسى ليانيۇنگاڭ قالالىق پارتكومنىڭ ارالاپ تەكسەرۋ گرۋپپاسى بايقاعان ءبىر ماسەلەنىڭ ءجىپ ۇشىنان باستاپ ايتايىق.
جۋىردا اتالعان قالالىق كوميتەت 14 – رەتكى كەزەكتى ارالاپ تەكسەرۋدى ورىستەتكەن كەزدە، ارالاپ تەكسەرۋشى قىزمەتكەرلەر قالالىق قوعام حاۋىپسىزدىگى مەكەمەسى حايجوۋ بولىمشە مەكەمەسىنىڭ شيندۇڭ بولىمشەسىنىڭ ەسەپ نومىرىندە 2018 – جىلى 100 مىڭ يۋان ءادىليالىق كومەك قاراجاتىن العانداردىڭ قول قويماعانىن، الايدا، قازىنالىق ەسەپ داپتەرىندە بۇل قاراجاتتىڭ تۇگەل جۇمسالعانى جازىلعانىن بايقاعان.
«بۇل كومەك قاراجاتى شىنىمەن بار ما؟ ەگەر بار بولسا، ول ناقتى تاراتىلدى ما؟ بۇل قىزمەتكەرلەردىڭ اعاتتىعى ما، الدە باسقا ساكۇرسىن بار ما؟» — دەگەن كۇماندى سۇراۋلار جونىندە ارالاپ تەكسەرۋ گرۋپپاسى ىشكەرىلەي ۇعىسىپ كورۋدى ءجون كوردى.
ارالاپ تەكسەرۋ گرۋپپاسى ەكى گرۋپپاعا ءبولىنىپ، ءبىر توبى سول كەزدە ىشكى جۇمىستارعا جاۋاپتى بولعان ەكى حالىق ساقشىسىن تاپتى. سويلەسۋ بارىسىندا ەكەۋىنىڭ جاۋابى ەكى ءتۇرلى بولىپ شىقتى. ىشكى جۇمىستار ءبولىمىنىڭ الدىڭعى جاۋاپتىسى جاڭ X نىڭ ايتۋىنشا، بۇل ءادىليالىق كومەك قاراجاتى شىنىمەن بولعان، ول تىزىمگە العان، الدەقاشان تالاپقا ساي تاراتىلعان. الايدا، ىشكى جۇمىستار ءبولىمىنىڭ كەيىنگى جاۋاپتىسى بۇل ءىستى بىلمەيتىن بولىپ شىققان ءارى جۇمىستى وتكىزىپ الۋ ەستەلىگىن تەكسەرگەن كەزدە دە مۇنداي قاراجاتتىڭ تىزىمدىگىن كورمەگەنىن ايتقان.
ەندى ءبىر توبى حايجوۋ رايوندىق بولىمشە مەكەمەگە بارىپ جاعدايدى ۇعىسقان. 2018 – جىلى 3 – ايدا، بولىمشە مەكەمە شىنىمەن دە ءتارتىپ بويىنشا نەگىزگى ساتىداعى ساقشى بولىمشەسىنە ءادىليالىق كومەك قاراجاتىن بەرگەن، بۇل كومەك قاراجات ەكونوميكالىق قيىنشىلىعى بار ادامدارعا بەرىلەدى.
ەكى جاقتىڭ ىسپاتى جاڭ X دىڭ سوزىندە كادىك بار ەكەنىن كورسەتتى. ارالاپ تەكسەرۋ گرۋپپاسى جاڭ X دى قايتادان تاۋىپ، جاعدايدى ۇعىسقان، جاڭ X الدىندا ايتقان سوزىنەن تانىپ الىپ، اقشانى سول كەزدە بولىمشە باستىعى بولىپ تۇرعان جۋاڭ X نىڭ شىعارتىپ العانىن، كەيىن بەلگىلەمە بويىنشا تاراتىلعان - تاراتىلماعانىن، ونىڭ دا انىق بىلمەيتىنىن ايتقان.
ارالاپ تەكسەرۋ گرۋپپاسى جۋاڭ X دى تەكسەرىپ، جاعدايدى سۇراستىرماق بولعان كەزدە، بۇل ىستە اياق استىنان بۇرىلىس بولعان. قازىرگى ىشكى جۇمىسقا جاۋاپتى ادام ارالاپ تەكسەرۋ گرۋپپاسىنا مالىمەت بەرىپ، كومەك قاراجاتىنىڭ تابىلعانىن، ەسەپ نومىرىندە تۇرعانىن ايتقان ...
باستاپقى جاعداي مەن سوڭعى جاعدايدىڭ ءبىر – بىرىمەن قاراما – قايشى بولىپ شىققانى ارالاپ تەكسەرۋ گرۋپپاسىنىڭ كۇمانىن تۋدىرعان. ولار تەكسەرۋ ارقىلى «جوعالىپ تابىلعان» بۇل كومەك قاراجاتىنىڭ سويلەسكەن كۇننىڭ ەرتەڭىندە ەسەپ نومىرىنە جوتكەلگەنىن، ەسەپ نومىرىنە جوتكەگەن ادامنىڭ قازىرگى بولىمشە باستىعى يان X ەكەنىن كورگەن.
«بۇل قانداي جاعداي؟» — مۇنداي كەنەتتەن تۋىلعان جاعدايعا باعىتتاي وتىرىپ، ارالاپ تەكسەرۋ گرۋپپاسى باعداردى تەڭشەپ، يان X مەن سويلەسەدى. يان X: «ىشكى جۇمىسقا جاۋاپتى قىزمەتكەر سىزدەردىڭ كومەك قاراجاتقا قاتىستى ىستەردى سۇراستىرعاندارىڭىزدى ايتتى، بولىمشەنىڭ بەدەلىن ويلاپ، الدىمەن بۇل شىعىننىڭ ورنىن تولتىرىپ قويىپ، سوڭىنان كومەك قاراجاتىنىڭ قايدا جۇمسالعانىن تەكسەرمەك بولىپ ەدىك، جاقسى ءىس ىستەيمىز دەپ بۇلدىرگەنىمىز – اي ...» — دەيدى.
يان X تۇسىندىرگەن جاعدايعا نەگىزدەلە وتىرىپ، ارالاپ تەكسەرۋ گرۋپپاسى «ءتۇيىندى ادامنىڭ» جۋاڭ X ەكەنىن تۇراقتاندىرادى. ىشكەرىلەي تەكسەرۋ بارىسىندا، كەزىندە رايون بولگەن كومەك قاراجاتىن تاپسىرىپ العان سوڭ، جۋاڭ X ءوز بىلگەنىنشە اقشانى شىعارىپ الىپ، جاسىرىن «شاعىن قور» قۇرىپ العان، ول بۇل اقشانى قوناق كۇتۋگە، ساۋعا ۇسىنۋعا پايدالانعان. بۇل اقشانى جوتكەپ پايدالانعان سوڭ، ول باستان – اياق ەسەپتى تاپسىرىپ بەرمەگەن، مالىمدەمەگەن، 100 مىڭ يۋاندىق ءادىليالىق كومەك قاراجاتىنىڭ قايدا جۇمسالعانىن جاسىرىپ كەلگەن.
بۇل ءىستىڭ بارىسى سان رەت قۇبىلعانىمەن، ءىستىڭ شىن سىرى اقىرى ايدان – ايقىن بولعان. ارالاپ تەكسەرۋ گرۋپپاسى جۋاڭ X دىڭ ماسەلەسىنىڭ ءجىپ ۇشىن ءتارتىپ تەكسەرۋ، باقىلاۋ ورگاندارىنا تاپسىرىپ بەرگەن، حايجوۋ رايوندىق ءتارتىپ تەكسەرۋ، باقىلاۋ مەكەمەسى دەرەۋ تەكسەرۋ ورىستەتىپ، جۋاڭ X دىڭ تارتىپكە اۋىر دارەجەدە قايشىلىق جاساعان باسقا دا ماسەلەلەرى بار ەكەنىن بايقاپ، وعان دەلو تۇرعىزىپ، تەكسەرۋ، تەكتەۋ جۇرگىزگەن. قاتىستى جاۋاپكەرشىلىگى بار باسقا ادامدار دا تارتىپكە، زاڭعا ساي ءبىرجاقتى ەتىلگەن. (ەرىكتى ءتىلشى: جوۋ ۋەي، جۋ پىڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
