2021 · جۇڭگو شينجياڭ دامۋ تالقى مىنبەرى بەيجيڭدە وتكىزىلدى
2021.11.17 15:56 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لي ياڭ 11 - ايدىڭ 15 - كۇنى بەيجيڭنەن بەرگەن حابارى. 11 - ايدىڭ 15 - كۇنى تۇستەن بۇرىن 2021·جۇڭگو شينجياڭ دامۋ تالقى مىنبەرى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتى ۇگىت ءبولىمىنىڭ ورىنباسار باستىعى جياڭ جيانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى ەركىن تۇنياز اشىلۋ سالتىنا قاتىناستى ءارى ءسوز سويلەدى.
جياڭ جيانگو بىلاي دەپ اتاپ كورسەتتى: پارتيا 18 - قۇرىلتايىنان بەرى باس شۋجي شي جينپيڭنىڭ پارمەندى باسشىلعىندا، پارتيامىز شينجياڭدى جونگە سالۋ جالپى جوباسىن ۇزدىكسىز بايىتتى جانە دامىتتى، شينجياڭنىڭ ءتۇرلى ىستەرى ارشىنداي العا باسىپ، ”تىنىشتىق پەن جاراسىمدىلىق ۇلكەن ارناعا اينالعان، جاپپاي دوڭگەلەك داۋلەتتىلىك شىت جاڭا تۇسكە ەنگەن، حالىققا پايدا جەتكىزىلىپ، حالىققا تيىمدىلىك جاسالىپ، جۇرت جۇرەگى مەيىرگە بولەنگەن، انار گۇلىندەي قۇلپىرىپ، ءبىر وتباسىنداي ەتەنە بولعان، وتاندى ءسۇيۋدىڭ، ءدىندى قادىرلەۋدىڭ بەرەكەلى رايى قالىپتاسقان، اسپان اشىق، جەر جاسىل، سۋ اناعۇرلىم تۇنىق بولعان“ تاماشا جاعداي جارىققا شىقتى. امەريكاداعى، باتىستاعى جۇڭگوعا قارسى كۇشتەر ويدان قۇراستىرىلعان ”ءناسىل جويدى“، ”زورلىقپەن ەڭبەككە سالدى“، ”زورلىقپەن تۋىتتان شەكتەدى“ سياقتى شينجياڭعا ساياتىن كەڭەستىك تاقىرىپتاردى جاساپ، دابىرالاپ، ”شينجياڭ ارقىلى جۇڭگونى شاۋجايلاۋعا“، ”لاڭكەستىك ارقىلى جۇڭگونى اۋىزدىقتاۋعا“ ۇرىندى. ءبىز جۇڭگونىڭ ادامدىق ۇقىق ىستەرىنىڭ، شينجياڭنىڭ ءتۇرلى ىستەرىنىڭ ادىلەتتى ەكەندىگىنە كامىل سەنەمىز، ادىلەتتىلىك، ءسوز جوق، سۇرقيالىقتى جەڭەدى.
جياڭ جيانگو جۇڭگو مەن شەتەلدىڭ ونەركاسىپ - ساۋدا سالالارىنىڭ ەكونوميكا - ساۋدا سالاسىنداعى سەلبەستىكتى تەرەڭدەتىپ، ساۋدانىڭ ىركىلىسسىزدىگىن قۇلشىنا جۇزەگە اسىرۋىن؛ جۇڭگو مەن شەتەلدىڭ مادەنيەت، مەديا سالالارىنىڭ سەلبەستىكتى كۇشەيتىپ، گۋمانيتارلىق اۋىس - كۇيىستى جەبەپ، حالىق تىلەگىنىڭ توعىسۋىن نىعايتۋىن؛ جۇڭگو مەن شەتەلدىڭ عىلىم سالاسىنىڭ عىلمي اۋىس - كۇيىستى ىشكەرىلەي ورىستەتىپ، ”ءبىر بەلدەۋ، ءبىر جولدى“ بىرگە قۇرۋدىڭ تەرەڭدەۋىن، ناقتىلانۋىن ىلگەرىلەتۋگە اقىل - پاراسات پەن كۇش - قۋات ارناۋىن ءۇمىت ەتتى.
ەركىن تۇنياز ارناۋ سوزىندە بىلاي دەدى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭ ۇيعۇر اۆتونوميالى رايونى حالىقتىڭ تاماشا تۇرمىسقا تالپىنىسىن كۇرەس نىساناسى ەتىپ، شينجياڭنىڭ ەكونوميكالىق، قوعامدىق دامۋىن ىلگەرىلەتۋدە جانە حالىق تۇرمىسىن جاقسارتۋدا بۇرىن بولماعان تابىستارعا قول جەتكىزدى. قوعامدىق كەلەلى جاعداي ۇزدىكسىز ورنىقتى جاقسارىپ، ەكونوميكا جوعارى ساپالى دامۋدى جۇزەگە اسىرىپ، كەدەيلىكتەن ارىلتۋدان قامال الۋدا جاپپاي جەڭىسكە جەتىپ، حالىق تۇرمىسى كورنەكتى جاقسارىپ، ۇلتتار ىنتىماعى اناعۇرلىم بەكەمدەلىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. ەركىن تۇنياز مىنالاردى ءبىلدىردى: ءبىر مەزگىلدەن بەرى امەريكاداعى، باتىستاعى جۇڭگوعا قارسى كەيبىر كۇشتەر شىندىقتى بۇرمالاپ، سىنىقتان سىلتاۋ ىزدەپ، شينجياڭعا ساياتىن كەڭەستىك تاقىرىپتاردى ورشەلەنە دابىرالادى، ولاردىڭ سۇرقيا قاسكۇنەمدىگىنىڭ جەڭىلىسپەن تىنارى حاق. ءبىز پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ، ءسوز جوق، بۇكىل ەل حالقىمەن بىرگە سوتسياليستىك وسىزامانداندىرۋدى جۇزەگە اسىرۋ نىساناسىنا ۇزدىكسىز قادام تاستاپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرىپ شىعاتىندىعىنا كامىل سەنەمىز.
ارگەنتينانىڭ جۇڭگودا تۇراتىن باس ەلشىسى نيۋ ۋاڭداۋ، لاوستىڭ جۇڭگودا تۇراتىن باس ەلشىسى كامفاۋ ىنتاۆان ارناۋ سوزىندە شينجياڭنىڭ دامۋى مەن العا باسۋىن تولىق تۇراقتاندىرىپ، شينجياڭمەن جان - جاقتى اۋىس - كۇيىستى، سەلبەستىكتى كۇشەيتىپ، ”ءبىر بەلدەۋ، ءبىر جول“ الا كەلگەن ورايدان بىرگە يگىلىكتەنۋدى ءۇمىت ەتتى. جۇڭگو حالىق داشۋەسى پارتكومىنىڭ شۋجيى جاڭ دۇڭگاڭ مادەنيەت اۋىس - كۇيىسىن، عىلمي اۋىس - كۇيىستى، ىنتىماقتاسا سەلبەسۋدى كۇشەيتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى ۇسىنىس ەتتى. جۇڭگو شەتەل تىلىندە باسىلىمدار شىعارۋ جانە تاراتۋ مەكەمەسىنىڭ ورىنباسار باستىعى لۋ سايرۇڭ حالىقارالىق تاراتۋ تۇرعىسىنان شينجياڭنىڭ دامۋىن جەبەۋ جونىندەگى ءۇمىتىن ورتاعا قويىپ، مەديالاردىڭ وبيەكتيۆ، ءادىل تۇرعىدا تۇرىپ، شينجياڭ حيكاياسىن ستەرەولدى، جان - جاقتى ويداعىداي بايانداۋىن ۇسىنىس ەتتى. اۆتونوميالى رايوندىق حالىق ۇكىمەتىنىڭ اقپارات مالىمدەمەشىسى شۇي گۇيشياڭ ءارقايسى جاقتىڭ بىرگە قۇلشىنىپ، شينجياڭ ساياساتىن بەلسەنە ۇگىتتەپ، تانىستىرىپ، شينجياڭ حيكاياسىن ويداعىداي بايانداپ، شينجياڭ ءۇنىن تاراتىپ، سەنىمدى، تارتىمدى، قادىرلى شينجياڭدى بۇكىل دۇنيە جۇزىنە ايگىلەۋىن دارىپتەدى.
بۇل رەتكى تالقى مىنبەرىن مەملەكەتتىك كەڭەس اقپارات كەڭسەسى، اۆتونوميالى رايوندىق حالىق ۇكىمەتى بىرگە وتكىزدى، نەگىزگى تاقىرىبى ”’ءبىر بەلدەۋ، ءبىر جولدى‘ بىرگە قۇرۋ جانە شينجياڭنىڭ دامۋى“، 3 بولىمشە تالقى مىنبەرى ورنالاستىرىلعان. جيىنى 30دان استام مەملەكەت پەن حالىقارالىق ۇيىمنان 110 نەشە ۋاكىل تالقى مىنبەرىنە قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
