شينجياڭ ۇيعۇر اۆتونوميالى رايونى ءوز جەرىندە نەمەسە جاقىن ماڭدا جۇمىستانۋ جونىندە ارناۋلى اقپار جاريالاۋ ءماجىلىسىن اشتى
ەڭبەك ۇقىعىن قامتاماسىز ەتۋدىڭ ءوزى ادامنىڭ قادىر - قاسيەتىن قورعاعاندىق
2021.11.16 17:25 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جىڭ جو 11 - ايدىڭ 14 - كۇنى ۇرىمجىدەن حابارلايدى. 11 - ايدىڭ 14 - كۇنى شينجياڭ ۇيعۇر اۆتونوميالى رايونى ۇرىمجىدە ءوز جەرىندە نەمەسە جاقىن ماڭدا جۇمىستانۋ جونىندە ارناۋلى اقپار جاريالاۋ ءماجىلىسىن اشىپ، شينجياڭنىڭ ەڭبەكپەن جۇمىستانۋ جاعىنداعى جاعدايلاردى جان - جاقتى تانىستىردى.
”بۇرىن وتباسىمىزدىڭ نەگىزگى ەكونوميكالىق قاينارى ەگىن ەگۋ مەن ۋاقىتشا جۇمىس ىستەۋ بولاتىن، كىرىس تۇراقسىز ەدى؛ قازىر مەن نان بازارىندا جۇمىس ىستەيمىن، قىزمەتىم تۇراقتى، ۇيىمە جاقىن، ايلىق ەڭبەكاقىم 4800 يۋان“. اقپار جاريالاۋ ماجىلىسىندە ءپايزاۋات اۋدانى بارىن قالاشىعىنىڭ ديقانى ءمامتىمىن قادىر ايەلىنىڭ اۋدان قالاشىعىندا بالالار كيىم - كەشەك دۇكەنىن اشاتىندىعىن، 2 بالاسىنىڭ جەكە - جەكە باستاۋىش مەكتەپتە جانە بالاباقشادا وقيتىندىعىن، سوڭعى 2 جىلدا ورنىقتى جۇمىستانعاننان كەيىن ايەلى ەكەۋىنىڭ ءبىراز اقشا جيناپ، ءۇيىن اشەكەيلەپ، ءۇي ەلەكتر جابدىقتارىن تۇگەل ساتىپ الىپ، تۇرمىس دەڭگەيىنىڭ تىڭ ساتىعا كوتەرىلگەندىگىن ايتتى. ”ايەلىم شوفەرلىك كۋالىگىن العاننان كەيىن تاعى ءبىر جەڭىل اۆتوكولىك ساتىپ الماقشىمىن، ەرەن بازار اشپاقشىمىن“. ءمامتىمىن بولاشاققا تولىق سەنىم ارتىپ وتىر، باقىتتى تۇرمىستى، ءسوز جوق، ەڭبەكشىل قوس قولىنا سۇيەنىپ جاراتاتىندىعىنا كامىل سەنەدى.
ءبىراز مەزگىلدەن بەرى امەريكاداعى، باتىستاعى جۇڭگوعا قارسى كۇشتەر ”شينجياڭنىڭ ەڭبەكپەن جۇمىستاندىرۋ ساياساتى ءار ۇلت بۇقاراسىنىڭ ادامدىق ۇقىعىنا قول سۇقتى“ دەپ داتتادى. شىندىعىندا، شينجياڭ ەڭبەكپەن جۇمىستاندىرۋدى ەڭ ءىرى حالىق تۇرمىسى ينجەنەرياسى، جۇرت تىلەگى ينجەنەرياسى ەتۋگە تاباندى بولدى. اقپار جاريالاۋ ماجىلىسىندە ءار ۇلت بۇقاراسىنىڭ بايانداۋلارىنان شينجياڭنىڭ ەڭبەكپەن جۇمىستاندىرۋىنىڭ شىنايى جاعدايىن بىلۋگە بولادى. كۇشار قالاسى چىمان قالاشىعى جەڭىس قىستاعىنىڭ تۇرعىنى ءجىمىلام ماحمۇت سول جەردەگى كيىم - كەشەك فابريكاسىمەن ەڭبەك توقتامىن جاساسقاننان كەيىن ونەركاسىپ جۇمىسشىسىنا اينالىپ، ءۇيىنىڭ جانىندا جۇمىستاندى. ونسۋ اۋدانىنداعى ءپازىليا موللاتۇردى ينتەرنەتتە تىكە تاراتۋشى بولىپ، بەينەجازبادا تىكە تارتۋ ءتاسىلى ارقىلى اۋىلىنىڭ بالىن بۇكىل ەلگە، بۇكىل دۇنيە جۇزىنە ساتتى. قاشقار قالاسىنداعى ءمىرالىم ءمامتىمىن بەينەجازبا بلوگىنىڭ يەسى، جاساعان بەينەجازبالارى ينتەرنەتتە تاراتىلىپ، كوركەم شينجياڭدى ۇگىتتەۋمەن بىرگە، تۇراقتى كىرىسى دە بار بولدى. اتۇش قالاسىنداعى ءنۇرالا وسمان وتباسىلىق قىزمەت وتەۋ سەرىكتەستىگىن قۇرىپ، تۇرمىس دەڭگەيىن بارىنشا جوعارىلاتۋمەن بىرگە، جانىنداعى ادامداردى جۇمىستانۋعا، شارۋاشىلىق قۇرۋعا باستادى. اۋىلىنا قايتىپ جۇمىستانعان حوتان اۋدانىنداعى ءومارجان سىدىق اۋىل شارۋاشىلىق عىلىم - تەحنيكا سەرىكتەستىگىندە قىزمەت ىستەپ، ءبولىمنىڭ نەگىزگى باسقارۋشىسىنا اينالدى... ايتىلمىس شينجياڭدا ”زورلىقپەن ەڭبەككە سالۋ“ ءومىر ءسۇرىپ وتىر دەگەن ساندىراقتى ”حوتان اسحاناسىنىڭ“ داياشىسى نۇرگۇزال ءمامتىمىن اقىلعا سيمايدى دەپ قارادى. ول: ”جۇمىس ورنىم، كىرىسىم بار، قالىپتى دەمالا الامىن، قاي جەرگە بارىپ قىزمەت ىستەيمىن دەسەم، سول جەرگە بارا الامىن، بۇل سوندا ’زورلىقپەن ەڭبەككە سالۋ‘ بولعانى ما؟“، − دەدى.
”ەڭبەك ۇقىعىن قامتاماسىز ەتۋ دەگەنىمىز ادامنىڭ قادىر - قاسيەتىن قورعاۋ، ادامدىق ۇقىقتى قامتاماسىز ەتۋ“. اۆتونوميالى رايوندىق الەۋمەتتىك جۇمىستانۋ قىزمەت وتەۋ ورتالىعىنىڭ مەڭگەرۋشىسى جاڭ رۇڭ: شينجياڭ كاسىپ سالاسىن، باقشا رايونى كاسىپورنىن، اۋىل - قىستاق ساياحات كاسىبىن بار كۇشپەن دامىتۋ، سونداي - اق ەگىنجاي سۋ يگىلىگى سياقتى قۇرىلىس نىساندارىن سالۋ ارقىلى جۇمىستانۋعا جەتەكشىلىك ەتىپ، يكەمدى جۇمىستانۋعا دەم بەرىپ، الەۋمەتتىك يگىلىكتى جۇمىس ورنىن ورنالاستىرىپ، تومەنگى شەكتەن تۇسىرمەي ورنالاستىرىپ، جۇمىستانۋعا ءزارۋ ەڭبەكشىلەردىڭ نەگىزگى الەۋمەتتىك جۇمىستانۋ قىزمەت وتەۋىنەن يگىلىكتەنۋىنە مۇمكىندىك جاساپ، كاسىپ ارقىلى ادامدى الاڭسىز ەتۋدى، كاسىپ ارقىلى ادامدى ورنىقتىرۋدى، كاسىپ ارقىلى كىرىستى ارتتىرۋدى جۇزەگە اسىردى.
جۇمىستاندىرۋ ارقىلى حالىققا تيىمدىلىك جاساۋ ساياساتىنىڭ ىشكەرىلەي اتقارىلۋىنا بايلانىستى، شينجياڭنىڭ جۇمىستاندىرۋ قۇرىلىمى ۇزدىكسىز ساپالىلانىپ، جۇمىستاندىرۋ ساپاسى ورنىقتى جوعارىلاپ، تيانشان الابىندا ءار وتباسىنىڭ وزىندىك امالى، ءار ادامنىڭ ىستەيتىن جۇمىسى، اي سايىن كىرىس بولۋداي قۋانىشتى بەينە قالىپتاسىپ، ءار ۇلت بۇقاراسىنىڭ تۇرمىسى بارعان سايىن شالقي ءتۇستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
