اۋىل - قىستاق اسەمونەر سارايى مىڭ بوياۋلى كورىنىسكە تولدى
□ انار بۇلت / شينجياڭ گازەتىنىڭ ءتىلشىسى يىن لۋ
2021.11.16 17:29 كەلۋ قاينارى : شينجياڭ گازەتى
”ليۋ مۇعالىم، كەلەر سەنبى كۇنى تۇستەن بۇرىن تاعى دا سىزگە كەلىپ سۋرەت سىزۋدى ۇيرەنسەم بولا ما؟“
11 - ايدىڭ 7 - كۇنى كەشقۇرىم قىستاق كادرى ليۋ شين سۋرەت سىزۋ قۇرالدارىن جيناستىرىپ اۋىل - قىستاق اسەمونەر سارايىنان كەتكەلى جاتقاندا، ارت جاعىنان ءبىر بالاۋسا ءۇن ەستىلدى.
سويلەپ تۇرعان 10 جاستاعى ايشە وسمان ەدى، سۋرت تاقتايشاسىن كوتەرىپ ەسىكتىڭ الدىندا تۇرعان ول ليۋ شيننىڭ ماقۇل بولعاندىعىن كورگەننەن كەيىن، قۋانا جۇگىرە جونەلدى.
وتكەن ءبىر ايدا گۇما اۋدانى چودا اۋىلى اياققى چودا قىستاعىنىڭ اۋىل - قىستاق اسەمونەر سارايى ءبىرتالاي اۋەسكەر قابىلدادى، قىستاق توڭىرەگىندەگى سۋرەت سىزۋعا قۇشتار بالالار ءار اپتا سوڭىندا وسىندا كەلىپ سۋرەت سىزادى، سۋرەت تاماشالايدى.
وسى اۋىل - قىستاق اسەمونەر سارايى قالا اسەمونەر سارايىنىڭ ”كىشىرەيتىلگەن نۇسقاسى“، جوبالانۋى مەن ورنالاستىرىلۋى بۇكىلدەي قالاداعى اسەمونەر سارايىنا نەگىزدەلگەن، سۋرەت كورمە اۋماعى، سۋرەت سىزۋ اۋماعى جانە پىكىر اۋىستىرۋ اۋماعى بار. سۋرەت كورمە اۋماعىندا ءتورت قابىرعاعا اسەم تاۋ قىراتتارىنىڭ كورىنىستەرى، مول ءونىم الىنعان اتىز، كورىكتى سازدىق، تىپ - تىنىش مەكتەپ اۋلاسى، كوڭىلدەرى كوتەرىڭكى وقۋشىلار سياقتى تاقىرىپتارداعى سۋرەت تۋىندىلارى، سونداي - اق ”جۇڭگو ارمانى“، ”كوكتەم لەبى ەسكەن جۇڭگو“، ”بار پەيىلمەن تىرىسا وقۋ“، ”وتاندى سۇيەمىن“ سياقتى مازمۇندارداعى حاتكەرلىك تۋىندىلارى ىلىنگەن. ”ءبىز اسەمونەر سارايى سىندى تۇعىر ارقىلى قىستاق تۇرعىندارىنىڭ ەستەتيكالىق قابىلەتىن جوعارىلاتىپ، اسىرەسە، بالالاردىڭ كوز اياسىن كەڭەيتىپ، ولاردىڭ كوركەمونەردەگى كومەسكى قابىلەتتەرىن اشقىمىز كەلەدى“، - دەدى اۆتونوميالى رايوندىق پارتكوم ۇگىت بولىمىنەن اياققى چودا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ورىنباسار باستىعى پىڭ زى - ۋ.
قىستاق تۇرعىنى روزنيسا توحتى ارەدىك ۋاقىتىندا بالاسىن ەرتىپ اسەمونەر سارايىنا ۇنەمى باراتىن. ونىڭ سۋرەت سىزۋدى ۇيرەنگىسى كەلىپ جۇرگەن، بۇرىن ۇيرەنەتىن وراي بولماعان ەدى. قازىر قىستاقتا اسەمونەر سارايى بار، ءارى تاماشالاۋىنا، ءارى ۇيرەنۋىنە بولادى، ونىڭ ارمانىنىڭ ورىندالۋىنا مۇمكىندىك جاسالدى.
”چيڭداۋدان كەلگەن داشۋەشىڭ مۇعالىم، ايتەۋ سىزعىڭ كەلسە، قانشا جاستان باستاپ ۇيرەنسەڭ دە كەش ەمەس دەگەندى ايتتى. مەن تاعى حاتكەرلىككە جاتتىعايىن دەپ ءجۇرمىن، بۇل ارا مەنى قاتتى باۋرادى“، - دەدى روزنيسا قۋانىشپەن.
سۋرەت سىزۋدى ۇيرەنگەنىنە ۇزاق بولماعان ءايشا حاتكەرلىك تۋىندىسى «تاۋ قوينىندا» الدىنا ايالداپ: ”ارالاپ كەلەم تاۋ سالقىن جاقپار تاستا تار سوقپاق، بۇلت شوككەن جەردەن بەلەڭدەر ەل قاراسى بارانداپ. ول مەنىڭ كوز الدىما بەينە ءبىر سۋرەت قۇساپ ەلەستەدى، مەن سۋرەت سىزۋدىڭ نەگىزگى شەبەرلىگىنە جاتتىعىپ بولعاننان كەيىن، وسى ولەڭدى سىزىپ شىعامىن“. ءايشا ليۋ مۇعالىمنىڭ ساباعىن ۇناتىپ تىڭدايدى، تىڭداپ وتىرىپ، كوز الدىنا كورىكتى كورىنىس ەلەستەيدى.
”اسەمونەردى ۇيرەنۋدە سۋرەتتى تاماشالاۋ مەن سۋرەت سىزۋدى بىرگە الا ءجۇرۋ كەرەك، تەك سۋرەتتى تۇسىنگەندە عانا جاسامپازدىق ويىن قاۋلاتۋعا بولادى“. اسەمونەر ماماندىعىنان وقۋ تاۋىسقان ليۋ شين بىلاي دەدى: اۋىل - قىستاق اسەمونەر سارايىندا بالالار كوركەمدىكتى اڭعارۋ، كوركەمدىكتى بايقاۋ، كوركەمدىكتى جاساۋ بارىسىن سەزىندى.
ليۋ شينمەن بىرگە اسەمونەر سارايىندا سۋرەت سىزىپ جۇرگەندەردەن تاعى باستاۋىش مەكتەپ وقىتۋشىلارى، قىستاقتا تۇراتىن قىزمەت اترەتىنىڭ مۇشەلەرى جانە اياققى چودا قىستاعىندا سۋرەت سىزىپ جۇرگەن جوعارى مەكتەپ كوركەمونەر ماماندىعىنىڭ داشۋە وقۋشىلارى بار.
”اۋىل - قىستاق اسەمونەر سارايىن سالۋ ءارى قىستاق تۇرعىندارىنىڭ مادەنيەت قاجەتىن قاناعاتتاندىرادى، ءارى اۋىل - قىستاق ساياحاتىن دامىتۋدىڭ جاڭا جارقىن ءتۇيىنى بولادى“، - دەدى اۆتونوميالى رايوندىق پارتكوم ۇگىت بولىمىنەن اياققى چودا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي جاڭ گوليڭ.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
