لي كىچياڭ دۇنيە بانكەسىنىڭ باستىعى مالپاسپەن جۇزدەستى
2021.12.14 15:48 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 13 – كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 12 - ايدىڭ 13 – كۇنى تۇستەن بۇرىن جۇڭنانحايداعى زىگۋاڭگى سارايىندا بەينە ەكران تاسىلىمەن دۇنيە بانكەسىنىڭ باستىعى مالپاسپەن جۇزدەستى.
لي كىچياڭ مىنانى ءبىلدىردى: تاياۋدا وتكىزىلگەن 6 – رەتكى «6+1» دوڭگەلەك ۇستەل سۇحبات ءماجىلىسى بۇكپەسىز ءارى ءونىمدى بولدى. ءبىز تاياۋدا عانا ورتالىقتىڭ ەكونوميكالىق قىزمەت ءماجىلىسىن اشتىق. دۇنيە جۇزىندەگى ەڭ ءىرى وركەندەپ كەلە جاتقان ەل رەتىندە، جۇڭگو كەلەر جىلعى ەكونوميكالىق قىزمەتتە ورنىقتىلىقتى ماڭداي الدى ورىنعا قويۋدا، ورنىقتىلىق بارىسىندا ىلگەرىلەۋدە تاباندى بولادى. جاڭا قۇلدىراۋ قىسىمى الدىندا، ءبىز ارتۋدى ورنىقتىرۋدى اناعۇرلىم كورنەكتى ورىنعا قويىپ، ارتۋدى ورنىقتىرۋدى، قۇرىلىمدى رەتتەۋدى، رەفورمانى جەبەۋدى ءبىرتۇتاس جوسپارلايمىز. ءبىز ءارى سەنىمدى بەكەمدەۋىمىز، ءارى قيىنشىلىققا دۇرىس قاراۋىمىز، پارمەندى شارالار قولدانىپ، قيىنشىلىقتارعا توتەپ بەرۋىمىز كەرەك. ماكرولىق ساياسات ورنىقتى، ءونىمدى بولۋى، بەلسەندى قازىنا ساياساتىنىڭ ونىمدىلىگىن جوعارىلاتۋ، دالدىككە، باياندىلىققا اناعۇرلىم ءمان بەرۋ كەرەك. ورنىقتى اقشا ساياساتى يكەمدى، ۇيلەسىمدى بولۋ، اينالىمنىڭ ۇيلەسىمدى، جەتكىلىكتى بولۋىن ساقتاۋ كەرەك. سونىمەن بىرگە، بازار تۇلعالارىنىڭ سۇرانىسىن ارقاۋ ەتە وتىرىپ ماكرولىق ساياسات اتقارىپ، بازاردىڭ ومىرشەڭدىك كۇشى مەن دامۋدىڭ ىشكى قوزعاۋشى كۇشىن ۇزدىكسىز تاسقىنداتىپ، بازارلاندىرۋ، زاڭمەن جونگە سالۋ ءادىسىن قولدانىپ، مولشەرى مول، كولەمى كەڭ، جۇمىستانۋعا كوپتەپ تىرەك بولاتىن ورتا، شاعىن، ۇساق كاسىپورىنداردى جانە جەكەشە ونەركاسىپشىلەر مەن ساۋداگەرلەردى قازىنا، فينانس ساياساتى جاعىنان قولداۋ تەبىنىن ارتتىرىپ، جۇڭگو ەكونوميكاسىنىڭ توزىمدىلىگى مەن جىگەرىن ارتتىرۋ كەرەك. ءبىزدىڭ تۇتاس جىلدىق باستى نىسانا - مىندەتتەردى جۇزەگە اسىرۋعا كۇش – قۋاتىمىز جەتەدى.
لي كىچياڭ بىلاي دەپ اتاپ كورسەتتى: دۇنيە بانكەسى − دۇنيە ءجۇزىنىڭ دامۋ ىستەرىن ىلگەرىلەتەتىن ماڭىزدى كوپ جاقتى قۇرىلىم، جۇڭگو دۇنيە بانكەسىمەن باياندى، اقاۋسىز قاتىناستى دامىتىپ كەلەدى. ءبىز دۇنيە بانكەسىمەن قارجى، ءبىلىم سياقتى جاقتاردا تىعىز سەلبەستىكتى جالعاستىرىپ، كوپ جاقتىلىق پەن دۇنيە ءجۇزىنىڭ دامۋ ىستەرىن ءىس جۇزىندىك ارەكەتىمىزبەن قولداۋعا پەيىلمىز. جۇڭگو حالىقارالىق اشۋ قوعامىنىڭ 20 - رەتكى قارجىنى ارتتىرۋ كەلىسسوزىن قولدايدى، بەلسەندى، سىندارلى رولىن اناعۇرلىم ويداعىداي ساۋلەلەندىرەدى.
مالپاس مىنانى ءبىلدىردى: وتكەن اپتادا وتكىزىلگەن 6 – رەتكى «6+1» دوڭگەلەك ۇستەل سۇحبات ماجىلىسىنە قاتىناسقانىما قۋانىشتىمىن، جۇڭگو ەكونوميكاسىنىڭ ورنىقتى دامىپ كەلە جاتقانىن بەلسەندى باعالايمىن. دۇنيە بانكەسى جۇڭگومەن ۇزاق ۋاقىتتان بەرى تاماشا سەلبەستىك جاساپ كەلەدى، بولاشاقتا جۇڭگومەن قارىز اقشا بەرۋ، كەدەيلىكتى ازايتۋ، كليمات وزگەرىسىنە توتەپ بەرۋ سياقتى كوپتەگەن سالادا باياندى سەلبەستىك جاساپ، سەرىكتەستىك قاتىناستى كۇشەيتۋدى ءۇمىت ەتەمىن. جۇڭگونىڭ حالىقارالىق اشۋ قوعامىنىڭ 20 - رەتكى قارجىنى ارتتىرۋىنا قولداۋ كورسەتكەنىنە العىس ايتامىن.
شياۋ جيە جۇزدەسۋدە بىرگە بولدى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
