ءۇندىستان مەملەكەتتىك قورعانىس شتابىنىڭ باستىعى قاتارلى 13 ادام تىك ۇشاق قۇلاۋ شىرعالاڭىندا قازا بولدى
2021.12.09 15:17 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى جياڭ لەي 12 – ايدىڭ 8 – كۇنى جاڭا دەليدەن حابارلايدى. ءۇندىستان اقپارات قۇرالدارىنىڭ 12 – ايدىڭ 8 – كۇنى حابارلاۋىنشا، ءۇندىستان ارمياسىنىڭ مي – 17 تىك ۇشاعى تاميل – نادۋ شتاتىندا قۇلاپ، تىك ۇشاقتاعى 13 ادام قازا بولعان، قازا بولعانداردىڭ اراسىندا ءۇندىستان مەملەكەتتىك قورعانىس شتابىنىڭ باستىعى بيپين راۋات بار.
حابارعا قاراعاندا، بۇل تىك ۇشاق جەرگىلىكتى ۋاقىت بويىنشا 12 – ايدىڭ 8 – كۇنى ساعات 12 دەن 20 مينۋت اينالاسىندا تاميل – نادۋ شتاتى گۇنۋل وڭىرىندە قۇلاعان، تىك ۇشاققا راۋات پەن ونىڭ حانىمى جانە اسكەري وفيتسەرلەردى قامتىعان 14 ادام وتىرعان. قازىر راۋات پەن حانىمىن قامتىعان 13 ادام قازا بولعان، ءبىر وفيتسەر جارالانعان، قازىر ەمحانادا ەمدەلۋدە.
ءۇندىستان زۇڭتۇڭى كوۆيند پەن زۇڭليى مودي الەۋمەتتىك جەلىدە بۇل وقيعانىڭ تۋىلعانىن راستاعان ءارى راۋاتتى قامتىعان بارلىق قازا بولعاندارعا ازا بىلدىرەتىنىن ايتقان.
جەرگىلىكتى تەلەۆيزيا جاريالاعان كەسكىنگە قاراعاندا، تىك ۇشاق قۇلاعان سوڭ، سۇراپىل ورتەنگەن، تىك ۇشاق اۋىر دارەجەدە بۇلىنگەن. شىرعالاڭنىڭ سەبەبى قازىرشە انىق ەمەس. جەرگىلىكتى اقپارات قۇرالدارىنىڭ حابارلاۋىنشا، ۇشاق قۇلاعان وڭىردە قالىڭ تۇمان ءتۇسىپ، كورىنىمدىلىك دارەجەسى تومەن بولعان. ءۇندىستان اۋە ارمياسى بۇل ىسكە تەكسەرۋ جۇرگىزەتىنىن بىلدىرگەن.
2019 – جىلى 8 – ايدىڭ 15 – كۇنى، مودي ءۇندىستان تاۋەلسىزدىگى كۇنىندە سويلەگەن سوزىندە مەملەكەت قورعانىس شتابىنىڭ باستىعى سىندى مىندەت ورنىن دايىندايتىنىن جاريالاعان. مەملەكەت قورعانىس شتابىنىڭ باستىعى قورعانىس مينيسترىنىڭ قۇرلىق ارمياسى، تەڭىز ارمياسى، اۋە ارمياسى سىندى ءۇش ءتۇرلى ارميا ىستەرىنە قاتىستى باس اسكەري كەڭەسشىسى. راۋات 2019 – جىلى 12 – ايدىڭ 30 – كۇنى تۇڭعىش رەتكى قورعانىس شتابىنىڭ باستىعى بولىپ تاعايىندالعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
