اۆتونوميالى رايون ءداستۇرلى مادەنيەتتى جالعاستىرۋ جانە قورعاۋ جونىندە ارناۋلى اقپار جاريالاۋ ءماجىلىسىن اشتى
شينجياڭداعى ءار ۇلتتىڭ مادەنيەت - كوركەمونەر جاۋھارلارى ءداۋىر ومىرشەڭدىگىن تاسقىنداتتى
2021.12.08 16:32 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ۋاڭ نا 12 - ايدىڭ 6 - كۇنى ۇرىمجىدەن حابارلايدى. 12 - ايدىڭ 6 - كۇنى شينجياڭ ۇيعۇر اۆتونوميالى رايونى ءداستۇرلى مادەنيەتتى جالعاستىرۋ جانە قورعاۋ جونىندە ارناۋلى اقپار جاريالاۋ ءماجىلىسىن اشتى، شينجياڭداعى ءار ۇلتتىڭ مادەنيەت - كوركەمونەر جاۋھارلارىنىڭ جالعاسۋ جانە دامۋ احۋالىن، سونداي - اق وسى زامانعى تۇرمىس جاعداياتىمەن توعىسۋ، ءداۋىر ومىرشەڭدىگىن قاۋلاتۋ سىندى شىنايى حيكايالارىن تانىستىردى.
قازىر بۇكىل رايونداعى ءار دارەجەلى ۇكىمەت جيىنى 4640 ءتۇرلى بەيزاتتىق مادەنيەت مۇرالارى ۋاكىلدىك ءتۇرىن جاريالادى، مەملەكەت دارەجەلى تۇردەن 94ى بار، مەملەكەت دارەجەلى قورعالاتىن ورىننان 81ى، مەملەكەت دارەجەلى جالعاستىرۋشىدان 112 ادام بەلگىلەندى، 17 ءتۇر ءبىرىنشى توپتاعى مەملەكەتتىك ءداستۇرلى تەحنولوگيانى گۇلدەندىرۋ تىزىمىنە ەنگىزىلدى.
اقپار جاريالاۋ ماجىلىسىندە قىسقا بەينە كەسكىندەر شىنايى دا جاندى شينجياڭ ءداستۇرلى مادەنيەتىنىڭ جالعاستىرىلۋ جانە قورعالۋ حيكايالارىن تانىستىردى.
يىڭىسار باكىسى اۋەلگى شىعاتىن جەرى يىڭىسار اۋدانىنىڭ اتىمەن اتالعان، تاماشا تۇرىمەن، كوركەم ورنەگىمەن جانە وتكىرلىگىمەن جۇڭگو مەن شەتەلگە بىردەي تانىلعان. ابىلاجان نۇرمامەت كىشكەنتايىنان يىڭىسار باكىسى قولونەر بۇيىمىن جاساۋدى ۇيرەنگەن، قازىر ول تاربيەلەگەن شاكىرتتەرىمەن جانە جۇبايىمەن بىرگە يىڭىسار باكىسى قولونەر بۇيىمدارى سەلبەستىك كووپەراتيۆىن جۇرگىزىپ وتىر، كىرىسى وتە جاقسى، توڭىرەكتەگى قىستاق تۇرعىندارىن جۇمىستانۋعا جەتەكتەدى.
كومەي − وزگەشە ءان سالۋ ونەرى، قوڭىر داۋىسىمەن، مامىرلاعان ۇنىمەن، تابيعاتقا ورالعانداي سەزىندىرۋىمەن ەرەكشەلەنەدى. تەكەس اۋدانىنداعى مۋزيكانت ەرجىگىت نۇرمۇقامەت كوپتەگەن مۋزيكا اسپاپتارىن شەرتە الادى، بوس ۋاقىتىندا كومەيدى ايتۋدى جاقسى كورەدى. ونىڭ ايەلى ولەڭ جازادى، قىزى مەن ۇلى دا مۋزيكاعا جۇيرىك، ءبىر ءۇيلى جان ءتول تۋىندىلارى «جانۇيا جىرىن» كومەيمەن ورىندادى.
مامەتتۇرسىن مامان قىزىلسۋ قىرعىز اۆتونوميالى وبلىستىق ءان - ءبي ۇيىرمەسىندە مۋزيكا ورىنداۋشىلىعى مەن جاسامپازدىعىنا جاۋاپتى، ونىڭ ايەلى ءان - ءبي ۇيىرمەسىنىڭ ءبيشىسى، ەرلى - زايىپتى ەكەۋى دە قىرعىزدىڭ باتىرلىق ەپوسى «ماناستى» قاتتى ۇناتادى. ۋاقىتتارى شىعا قالسا بولدى، 2 ۇلىنا «ماناستى» ايتۋدى ۇيرەتەدى.
مۇنان تىس، باعراش اۋدانىنداعى موڭعۇل كەستەشى موڭكەسەسىك، قابا اۋدانىنداعى اعاش ويماشى قۋان، اقشي اۋدانىنداعى قىرعىز بۇركىتشى دانيساق دولقۇن، كۇنەس اۋدانىنداعى قازاق اعاش ويماشى نۇرسەرىك داۋىتبەك، قوبىقسارى موڭعۇل اۆتونوميالى اۋدانىنداعى مۋزيكاعا اۋەس جىگىت وڭالبەك قادىلبەك، اقتاۋ اۋدانىنداعى مۋزيكانت ءومارءالي مامەت قاتارلىلار بەينە كەسكىندە وزدەرىنىڭ ءداستۇرلى مادەنيەت - كوركەمونەرگە دەگەن ىقىلاسىن، سونداي - اق قوس قولدارىمەن تاماشا تۇرمىستى كەسكىندەگەن، باقىتتى بولاشاق جاراتقان حيكايالارىن باياندادى.
ءبىر مەزگىلدەن بەرى امەريكاداعى، باتىستاعى جۇڭگوعا قارسى كۇشتەر شينجياڭنىڭ ادامدىق ۇقىق ىستەرىندە قول جەتكىزگەن تاريحي ىلگەرىلەۋشىلىكتەرىمەن ساناسپاي، شىندىقتى بۇرمالاپ، سىنىقتان سىلتاۋ ىزدەپ، جات نيەتپەن ”شينجياڭ مادەنيەتتى جويدى“ دەگەن سياقتى ساندىراقتاردى تاراتتى، ولاردىڭ سۇرقيا ماقساتتارى − وسى ارقىلى جۇڭگونىڭ وبرازىنا كۇيە جاعىپ، جۇڭگونىڭ ىشكى ىسىنە كيلىگىپ، جۇڭگونىڭ دامۋىن تەجەپ، شينجياڭنىڭ گۇلدەنۋىن، ورنىقتىلىعىن ءبۇلدىرۋ.
”جۇڭگوداعى ءار ۇلت حالقى نۇر - شۇعىلالى جۇڭحۋا مادەنيەتىن بىرگە جاراتتى“. اقپار جاريالاۋ ءماجىلىسىنىڭ جۇرگىزۋشىسى گۇلي ابليم مىنانى ءبىلدىردى: شينجياڭدا تۇرمىس كەشىرگەن، شينجياڭدا قىزمەت ىستەگەن شينجياڭداعى ءار ۇلتتىڭ ۇزدىك مادەنيەت - كوركەمونەر جالعاستىرۋشىلارىنىڭ ەڭ سويلەۋ ۇقىعى بار، ەڭ سەنۋگە تاتيتىن، ەڭ يلاندىرۋ قۋاتى بار كۋاگەرلەر. دۇنيە ءجۇزىنىڭ جەر - جەرىندەگى دوستاردىڭ شينجياڭعا كەلۋىن، ۇلتتاردىڭ ءداستۇرلى مادەنيەتىنىڭ باۋرامدىلىعىن سەزىنۋىن قارسى الامىز.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
