ەكونوميكالىق قىزمەت جونىندە پىكىر جانە ۇسىنىس الدى
ج ك پ ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن اشتى
2021.12.07 20:20 كەلۋ قاينارى : حالىق تورابى
شي جينپيڭ ءماجىلىستى باسقاردى ءارى ماڭىزدى ءسوز سويلەدى
لي كىچياڭ قاتىستى جاعدايلاردى حابارلاندىردى، ۋاڭ ياڭ، ۋاڭ حۋنيڭ، حان جىڭ ماجىلىسكە قاتىناستى
■ ج ك پ 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، كوپ پارتيا سەلبەستىگىنىڭ بارىسى مەن رولىن قايتا ەسكە الىپ، داڭقتى ءداستۇردى ساۋلەلەندىرىپ، سەلبەستىك اۋەلگى ماقساتىنان جازباي، ماكرولىق ساياساتتىڭ ورنىقتى، ءونىمدى بولۋىن، ميكرولىق ساياساتتىڭ بازار تۇلعالارىنىڭ ومىرشەڭدىك كۇشىن تاسقىنداتۋىن، رەفورما جاساپ، ەسىك اشۋ ساياساتىنىڭ دامۋدىڭ قوزعاۋشى كۇشىن نىعايتۋىن، قوعامدىق ساياساتتىڭ حالىق تۇرمىسىنىڭ تومەنگى شەگىنە كەپىلدىك ەتۋىن توڭىرەكتەپ، فۋنكتسيانى بەلسەنە اتقارىپ، وزىندىك قۇرىلىستى كۇشەيتىپ، قالىڭ مۇشەلەر مەن بايلانىس جاسايتىن بۇقارانى ءماجىلىس رۋحىن بىرگە كۇرەس جۇرگىزەتىن ساياسي ورتاق تانىمعا اينالدىرۋعا جەتەكتەپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ۇزدىكسىز ىنتىماقتاسا كۇرەس جۇرگىزۋ كەرەك
■ كەلەر جىلى ج ك پ - نىڭ 20 - قۇرىلتايى اشىلادى، بۇل − پارتيا مەن مەملەكەتتىڭ ساياسي ومىرىندەگى ءىرى ءىس. قازىر ەل ءىشى - سىرتىنداعى ەكونوميكالىق جاعداي ءالى دە كۇردەلى. ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، جاڭا دامۋ ۇستانىمىن تولىق، ءدال، جاپپاي دايەكتىلەندىرىپ، جاڭا دامۋ جاعدايىن جەدەل ورناتىپ، رەفورما جاساپ، ەسىك اشۋدى جاپپاي تەرەڭدەتىپ، ساپالى دامۋدى ىلگەرىلەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، حالىق تۇرمىسىن ۇزدىكسىز جاقسارتىپ، قوعامدىق جالپى جاعدايدىڭ ورنىقتىلىعىن ساقتاپ، ج ك پ 20 - قۇرىلتايىنىڭ تابىسپەن اشىلۋىن قارسى الۋ كەرەك
شينحۋا اگەنتتىگى، 12 - ايدىڭ 6 - كۇنى، بەيجيڭ. 12 - ايدىڭ 2 - كۇنى ج ك پ ورتالىق كوميتەتى جۇڭنانحايدا پارتيا سىرتىنداعى قايراتكەرلەردىڭ اڭگىمە ءماجىلىسىن اشىپ، بيىلعى ەكونوميكالىق جاعداي جانە كەلەر جىلعى ەكونوميكالىق قىزمەت جونىندە دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنىڭ جانە پارتيادا، توپتا جوق قايراتكەرلەردىڭ ۋاكىلدەرىنىڭ پىكىرلەرى مەن ۇسىنىستارىن تىڭدادى. ج ك پ ورتالىق كوميتەتىنىڭ باس شۋجيى شي جينپيڭ اڭگىمە ءماجىلىسىن باسقاردى ءارى ماڭىزدى ءسوز سويلەپ مىنانى دارىپتەدى: ج ك پ 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، كوپ پارتيا سەلبەستىگىنىڭ بارىسى مەن رولىن قايتا ەسكە الىپ، داڭقتى ءداستۇردى ساۋلەلەندىرىپ، سەلبەستىك اۋەلگى ماقساتىنان جازباي، ماكرولىق ساياساتتىڭ ورنىقتى، ءونىمدى بولۋىن، ميكرولىق ساياساتتىڭ بازار تۇلعالارىنىڭ ومىرشەڭدىك كۇشىن تاسقىنداتۋىن، رەفورما جاساپ، ەسىك اشۋ ساياساتىنىڭ دامۋدىڭ قوزعاۋشى كۇشىن نىعايتۋىن، قوعامدىق ساياساتتىڭ حالىق تۇرمىسىنىڭ تومەنگى شەگىنە كەپىلدىك ەتۋىن توڭىرەكتەپ، فۋنكتسيانى بەلسەنە اتقارىپ، وزىندىك قۇرىلىستى كۇشەيتىپ، قالىڭ مۇشەلەر مەن بايلانىس جاسايتىن بۇقارانى ءماجىلىس رۋحىن بىرگە كۇرەس جۇرگىزەتىن ساياسي ورتاق تانىمعا اينالدىرۋعا جەتەكتەپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ۇزدىكسىز ىنتىماقتاسا كۇرەس جۇرگىزۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، ۋاڭ ياڭ، ۋاڭ حۋنيڭ، حان جىڭ اڭگىمە ماجىلىسىنە قاتىناستى. لي كىچياڭ ج ك پ ورتالىق كوميتەتىنىڭ تاپسىرۋىمەن بيىلعى ەكونوميكالىق قىزمەتكە قاتىستى جاعدايلاردى حابارلاندىرىپ، كەلەر جىلعى ەكونوميكالىق قىزمەت جونىندەگى قاتىستى ويلاردى تانىستىردى.
اڭگىمە ماجىلىسىندە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ىشياڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى چىن جۋ، جۇڭگو ادىلەت پارتياسى ورتالىق كوميتەتى ءتوراعاسىنىڭ ۇنەمىلىك ىستەرگە جاۋاپتى ورىنباسارى جياڭ زوجۇن، «3 - قىركۇيەك» ءىلمي قوعامى ورتالىق كوميتەتىنىڭ ءتوراعاسى ۋ ۋەيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى يۇي رۋسۇڭ ىركەس - تىركەس ءسوز سويلەدى. ولار ج ك پ ورتالىق كوميتەتىنىڭ قازىرگى ەلىمىزدىڭ ەكونوميكالىق جاعدايى جونىندەگى تالداۋ، تۇجىرىمى مەن كەلەر جىلعى ەكونوميكالىق قىزمەت جونىندەگى جوسپارلارىن، ويلارىن تولىق قۇپتادى ءارى ماكرولىق تىزگىندەۋدى كۇشەيتىپ، ساياساتتىڭ ونىمدىلىگىن جوعارىلاتۋ، يمپورت - ەكسپورت قۇرىلىمىن جاقسارتىپ، ىشكى - سىرتقى ساۋدانىڭ ءبىر تۇلعالانۋىن جەبەۋ، ءوندىرۋ - جاساۋ جابدىقتارىنىڭ ورەسىن جوعارىلاتىپ، ەلىمىزدىڭ جوعارى دەڭگەيدەگى جاساۋ كاسىبىنىڭ دامۋىن جەدەلدەتۋ، حالىق سانىنا قىزمەت وتەۋ جۇيەسىن اقاۋسىزداندىرىپ، ىشكى سۇرانىمنىڭ ارتۋ كومەسكى كۇشىن تاسقىنداتۋ، ەلىمىزدىڭ ىندەتتەن ساقتانۋ - تىزگىندەۋ تاكتيكاسىن كەمەلدەندىرىپ، ورنىقتى ارتۋعا بەرىك نەگىز قالاۋ، زاڭمەن باسقارۋدى قامتاماسىزداندىرۋ مەن ساياساتتىق جەتەكشىلىكتى كۇشەيتىپ، كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىن عىلمي، ءتارتىپتى ىلگەرىلەتۋ، كاسىپورىندارعا ساياتىن قازىنا - سالىق جاعىنان قولداۋ كورسەتۋ تاسىلىنە بۇرىلىس جاساپ، قازىنالىق كىرىس ساپاسىن جوعارىلاتۋ، اۋىل - قىستاقتىڭ ەكولوگيالىق ورتاسىن جونگە سالۋدى كۇشەيتىپ، اۋىل - قىستاقتى گۇلدەندىرۋ نەگىزىن بەكەمدەۋ، رەفورما تەبىنىن ارتتىرىپ، ورتاق اۋقاتتانۋدى ىلگەرىلەتۋگە دەم بەرۋ، ورتا، شاعىن كاسىپورىنداردى دامىتۋ ساياساتىنىڭ بەتالىسى مەن باياندى دامۋ قۋاتىن كۇشەيتۋ، حالىق باسقارۋىنداعى كاسىپورىنداردىڭ ورتاق اۋقاتتانۋدى جەبەۋدەگى بەلسەندى رولىن ساۋلەلەندىرۋ، عىلىم - تەحنيكا سالاسىنداعى «قابىلەتتىلەر باستاماشى بولىپ ىستەۋ» قىزمەت مەحانيزمىن كەمەلدەندىرۋ، ولكەلەر ارا قارىم - قاتىناس رايوندارىنىڭ سايكەستى دامۋىن جەدەل ىلگەرىلەتۋ سياقتىلار جونىندە ۇسىنىس - پىكىر بەردى.
شي جينپيڭ كوپشىلىكتىڭ لەبىزىن مۇقيات تىڭداعاننان كەيىن ماڭىزدى ءسوز سويلەدى. ول مىنانى ءبىلدىردى: كوپشىلىك سوزىندە بيىلعى ەكونوميكالىق قىزمەتتە قول جەتكەن تابىستاردى تولىق تۇراقتاندىردى ءارى ج ك پ 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ، قازىرگى ەكونوميكالىق جاعدايدى دۇرىس تانۋ، كەلەر جىلعى ەكونوميكالىق قىزمەتتى ويداعىداي ىستەۋ جونىندە كوپتەگەن سىندارلى پىكىر - ۇسىنىستاردى العا قويدى، ءبىز مۇقيات زەرتتەپ، بەلسەنە قابىلدايمىز.
شي جينپيڭ بىلاي دەپ اتاپ كورسەتتى: بيىل − پارتيا مەن مەملەكەت تاريحىنداعى بەلەستىك مانگە يە ءبىر جىل. كۇردەلى دە قاتاڭ ەل ءىشى - سىرتى جاعدايى الدىندا ج ك پ ورتالىق كوميتەتى ەل ءىشى - سىرتى سىندى ەكى جالپى جاعدايدى ءبىر تۇتاس جوسپارلاۋدا تاباندى بولىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، جاڭا دامۋ جاعدايىن جەدەل قالىپتاستىرىپ، ماكرولىق ساياساتتىڭ پەريود اتتاعان رەتتەۋىن كۇشەيتىپ، ەكونوميكانىڭ باياندى، اقاۋسىز دامۋىن كۇش سالا جەبەپ، رەفورما جاساپ، ەسىك اشۋدى، جاڭالىق اشۋدى كۇش سالا تەرەڭدەتتى، ەكونوميكالىق دامۋدىڭ تابىسى كورنەكتى بولدى. وسى مەزگىلدە دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر قىزمەت جاۋاپكەرلىگىن اتقارىپ، بەلسەنە ءىس تىندىرىپ، ەكونوميكالىق، قوعامدىق دامۋعا اقىل - پاراساتى مەن كۇش - قۋاتىن ارنادى. كوپشىلىك «14 – بەسجىلدىق» جوبانىڭ اتقارىلۋىن ارقاۋ ەتىپ، ىشكەرىلەي تەكسەرۋ - زەرتتەۋ جۇرگىزىپ، جاڭا دامۋ جاعدايىن ورناتۋ، مەملەكەتتىڭ ستراتەگيالىق عىلىم - تەحنيكالىق كۇشىن نىعايتۋ، وسى زامانعى كاسىپتىك وقۋ - اعارتۋ جۇيەسىن جەدەل قۇرۋ، ساندى مالىمەت حاۋىپسىزدىگىن باسقارۋدى كۇشەيتىپ، مەملەكەتتىڭ ينفورماتسيا حاۋىپسىزدىگىن قامتاماسىز ەتۋ سياقتى جاقتاردا سىندارلى اقىل - كەڭەس بەرىپ، ناقتى شارالاردى ورتاعا قويدى. دەموكراتيالىق پارتيا - توپتاردىڭ ورتالىق كوميتەتتەرى اۋىل - قىستاقتى گۇلدەندىرۋ ستراتەگياسىن اتقارۋ جونىندە اقىل - كەڭەس بەرىپ، چاڭجياڭ وزەنىنىڭ ەكولوگيالىق ورتاسىن قورعاۋعا دەموكراتيالىق باقىلاۋ جۇرگىزۋ تىڭنان باستالدى. مەملەكەتتىك ساۋدا - ونەركاسىپشىلەر بىرلەستىگى حالىقتىق شارۋاشىلىق سالاسىنداعى قايراتكەرلەردىڭ مۇرات - سەنىم تاربيەسىن ىشكەرىلەي ورىستەتىپ، حالىقتىق شارۋاشىلىقتىڭ اقاۋسىز دامۋىن جانە حالىقتىق شارۋاشىلىق سالاسىنداعى قايراتكەرلەردىڭ اقاۋسىز جەتىلۋىن بەلسەنە جەبەدى. شي جينپيڭ ج ك پ ورتالىق كوميتەتى اتىنان كوپشىلىككە شىن جۇرەكتەن العىس ايتتى.
شي جينپيڭ مىنالاردى دارىپتەدى: كەلەر جىلى ج ك پ - نىڭ 20 - قۇرىلتايى اشىلادى، بۇل − پارتيا مەن مەملەكەتتىڭ ساياسي ومىرىندەگى ءىرى ءىس. قازىر ەل ءىشى - سىرتىنداعى ەكونوميكالىق جاعداي ءالى دە كۇردەلى. ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، جاڭا دامۋ ۇستانىمىن تولىق، ءدال، جاپپاي دايەكتىلەندىرىپ، جاڭا دامۋ جاعدايىن جەدەل ورناتىپ، رەفورما جاساپ، ەسىك اشۋدى جاپپاي تەرەڭدەتىپ، ساپالى دامۋدى ىلگەرىلەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، حالىق تۇرمىسىن ۇزدىكسىز جاقسارتىپ، قوعامدىق جالپى جاعدايدىڭ ورنىقتىلىعىن ساقتاپ، ج ك پ 20 - قۇرىلتايىنىڭ تابىسپەن اشىلۋىن قارسى الۋ كەرەك.
شي جينپيڭ 3 ءتۇرلى ءۇمىتىن ورتاعا قويدى. ءبىرىنشى، كوپشىلىكتىڭ ج ك پ 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، ءتۇسىنىپ، باستان - اياق ج ك پ ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، قىزمەت امالياتىمەن تىعىز ۇشتاستىرىپ، ۇيرەنۋ جەتىستىكتەرىن ۇكىمەت ىسىنە ارالاسۋ، مىندەت اتقارۋ امالياتىندا قولدانۋىن ءۇمىت ەتەمىن. ەكىنشى، كوپشىلىكتىڭ يدەيالىق تانىمدى ج ك پ ورتالىق كوميتەتىنىڭ ەل ىشىندەگى، حالىقاراداعى ەكونوميكالىق جاعداي جونىندەگى عىلمي تۇجىرىمىمەن بىرلىككە كەلتىرىپ، قىزمەتتىڭ ماڭىزدى ءتۇيىنىن ج ك پ ورتالىق كوميتەتىنىڭ شەشىم، ورنالاستىرۋلارىنا شوعىرلاندىرىپ، قالىڭ مۇشەلەردىڭ ءىس تىندىرىپ، يگىلىك جاراتۋ ىنتاسىن تولىق قوزعاپ، نازاردى دۇنيە ءجۇزى عىلىم - تەحنيكاسىنىڭ الدىڭعى لەگىنە، مەملەكەتتىڭ عىلىم - تەحنيكاسىنىڭ ولقىلىعىنا، عىلىم - تەحنيكانىڭ وزەكتى سالاسىنا شوعىرلاندىرىپ، كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ، سيفرلى ەكونوميكا سياقتى كەلەلى ماسەلەلەردى ارقاۋ ەتىپ، ىشكەرىلەي تەكسەرۋ - زەرتتەۋ جۇرگىزىپ، بەلسەنە اقىل - كەڭەس بەرىپ، دەموكراتيالىق باقىلاۋدى كۇشەيتىپ، ساياساتتىڭ ەگجەي – تەگجەيلى ناقتاپ تياناقتانۋىن ىلگەرىلەتۋىن ءۇمىت ەتەمىن. ءۇشىنشى، كوپشىلىكتىڭ قالىڭ مۇشەلەر مەن وزدەرى بايلانىس جاساعان بۇقارانىڭ يدەيالىق اۋقىمىن دەر كەزىندە يگەرىپ، باعىتتامالى ساياسات ءتۇسىندىرۋ جانە يدەيالىق جاقتان جەتەكشىلىك ەتۋ قىزمەتىن ىرىقتىلىقپەن ورىستەتۋىن ءۇمىت ەتەمىن. دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ كەزەك اۋىستىرۋ قىزمەتىن ورنىقتى، ءتارتىپتى ىلگەرىلەتىپ، ورتالىق پەن ولكە دارەجەلى ۇيىمداردىڭ جاڭا كەزەكتى باسشىلىق القاسىن ويداعىداي تاڭداپ، كۇشەيتىپ، ساياسي وتكىزىپ بەرۋدى تەرەڭدەتىپ، باستان - اياق جۇڭگو كوممۋنيستىك پارتياسىمەن ءوزارا شىنايى ادال بولىپ، قول ۇستاسا العا باسۋ كەرەك.
ديڭ شۋەشياڭ، ليۋ حى، سۇن چۇنلان، حۋ چۇنحۋا، يوۋ چۋان، ۋاڭ يۇڭ، شياۋ جيە، حى ليفىڭ، ج ك پ ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتىلار اڭگىمە ماجىلىسىنە قاتىناستى.
چىن شياۋگۋاڭ، جىڭ جيانباڭ، گۋ شىڭزۋ، ليۋ شينچىڭ، حى ۋەي، شاۋ حۇڭ جانە لي يۋەفىڭ، حۋاڭ رۇڭ، ما شۋەپيڭ قاتارلى پارتيا سىرتىنداعى قايراتكەرلەر دە اڭگىمە ماجىلىسىنە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
