«14 – بەسجىلدىق» جوسپار مەزگىلىندە ماسەلەنى باعدار ەتۋگە تاباندى بولىپ، ساياساتتى كەمەلدەندىرىپ، مەحانيزمدى جاقسارتادى
اۋىل – قىستاقتاعى قونىستانۋ ورتاسىن جونگە سالۋ دەڭگەيىن اناعۇرلىم جوعارىلاتادى
حالىق گازەتىنىڭ ءتىلشىسى لي شياۋجيڭ
2021.12.07 16:50 كەلۋ قاينارى : حالىق تورابى
جۋىردا ج ك پ ورتالىق كوميتەتى كەڭسە مەڭگەرمەسى، مەملەكەتتىك كەڭەس كەڭسە مەڭگەرمەسى «اۋىل – قىستاقتاعى قونىستانۋ ورتاسىن جونگە سالۋ دەڭگەيىن جوعارىلاتۋدىڭ بەس جىلدىق ارەكەت جوباسىن (2021 — 2025 – جىل)» (تومەندە «ارەكەت جوباسى» دەپ اتالادى) جاريالادى. 12 – ايدىڭ 6 – كۇنى وتكىزىلگەن مەملەكەتتىك كەڭەستىڭ اقپار جاريالاۋ ماجىلىسىندە، مەملەكەتتىك اۋىل – قىستاقتى گۇلدەندىرۋ مەكەمەسى قاتارلى تاراۋلاردىڭ قاتىستى جاۋاپتىلارى «ارەكەت جوباسى» جونىندە تۇسىنىك بەردى.
ورتالىق كوميتەتتىڭ اۋىل شارۋاشىلىعى كەڭسەسىنىڭ ورىنباسار مەڭگەرۋشىسى، اۋىل شارۋاشىلىعى جانە اۋىل – قىستاق مينيسترلىگى پارتگرۋپپاسىنىڭ مۇشەسى، مەملەكەتتىك اۋىل – قىستاقتى گۇلدەندىرۋ مەكەمەسىنىڭ باستىعى ليۋ حۋانشين بىلاي دەپ تانىستىردى: جالپى جاقتان ايتقاندا، اۋىل – قىستاقتاعى قونىستانۋ ورتاسىن جونگە سالۋداعى 3 جىلدىق ارەكەت جوباسىندا تۇراقتاندىرىلعان نىسانالىق مىندەتتەر تولىق ورىندالدى. «14 – بەسجىلدىق» جوبا مەزگىلىندە ماسەلەنى باعدار ەتۋگە تاباندى بولىپ، ساياسات كەمەلدەندىرىلەدى، مەحانيزم جاقسارتىلادى، اۋىل – قىستاقتاعى قونىستانۋ ورتاسىن جونگە سالۋ دەڭگەيى اناعۇرلىم جوعارىلاتىلادى.
3 جىلدىق ارەكەت جوباسىمەن سالىستىرعاندا، بۇل رەت جاريالانعان جاڭا كەزەكتى «ارەكەت جوباسىندا» قانداي وزگەرىستەر بار؟ ليۋ حۋانشين 3 جاقتان تۇسىنىك جاسادى: بىرىنشىدەن، جالپى تۇلعالىق نىسانا جاعىندا، اۋىل – قىستاق ورتاسىنىڭ تازالىعىن، رەتتىلىگىن ىلگەرىلەتىپ، كورىكتى، جايلى ەتىپ دارەجەسىن جوعارىلاتۋ ىلگەرىلەتىلەدى. 2035 – جىلى اۋىل شارۋاشىلىعى جانە اۋىل – قىستاقتى وسىزامانداندىرۋدى نەگىزىنەن ىسكە اسىرۋعا نازاردى شوعىرلاندىرا وتىرىپ، اۋىل – قىستاقتاعى وسىزاماندانعان تۇرمىس شارت – جاعدايى نەگىزىنەن قالىپتاستىرىلادى، شارۋالار بۇقاراسىنىڭ قونىستانۋىنا، كاسىپتەنۋىنە جايلى كورىكتى مەكەن قۇرۋعا كۇش سالىنادى.
ەكىنشى، ءتۇيىندى مىندەتتەر جاعىندا، بۇكىلدەي جالپىلاستىرۋدان جالپى بەتتىك جوعارىلاتۋعا قاراي قادام تاستالادى. اۋىل – قىستاقتارداعى دارەتحانى وزگەرتۋ، تۇرمىستىق لاس سۋلار مەن قوقسىقتاردى جونگە سالۋ، اۋىل – قىستاق بەت – بەينەسىن جونگە سالۋ دەڭگەيىن جوعارىلاتۋ، ۇزاق مەرزىمدى ءونىمدى باسقارۋ – قورعاۋ مەحانيزمىن ورناتۋ – كەمەلدەندىرۋدى ءتۇيىن ەتىپ، اۋىل – قىستاقتاعى قونىستانۋ ورتاسى جالپى بەتتىك جاقسارتىلادى، بۇكىل ەلىمىز بويىنشا اۋىل – قىستاقتاعى قونىستانۋ ورتاسىن نەگىزگى جاقتان ولشەمگە جەتكىزۋدى ىلگەرىلەتۋدە ساپالىق دارەجەسىن جوعارىلاتۋعا قاراي قادام تاستالادى.
ءۇشىنشى، قامتاماسىزداندىرۋ شارالارى جاعىندا، مەحانيزم ورناتۋدا ىزدەنىس جاساۋدان باياندى دا ءونىمدى بولۋىن ىشكەرىلەي ىلگەرىلەتۋگە قادام تاستالادى. مەحانيزم قۇرىلىسى اناعۇرلىم كورنەكتىلەندىرىلىپ، جۇيەلى، ارناعا تۇسىرىلگەن، ۇزاق مەرزىمدى ءونىمدى ساياساتتىق تۇزىمدەردى قالىپتاستىرىپ، اۋىل – قىستاقتاعى قونىستانۋ ورتاسىن جونگە سالۋ دەڭگەيى جوعارىلاتىلادى.
اۋىل شارۋاشىلىعى جانە اۋىل – قىستاق مينيسترلىگى الەۋمەتتىك ىستەردى ىلگەرىلەتۋ مەڭگەرمەسىنىڭ باستىعى لي ۋەيگو بىلاي دەپ تانىستىردى: قازىر باسىم كوپ ساندى قىستاقتاردا تازالىق جۇرگىزۋ ارەكەتى ورىستەتىلدى. «14 – بەسجىلدىق» جوبا مەزگىلىندە ەكى ءتۇرلى جاقتاعى قىزمەتتىڭ تەبىنى ءتۇيىندى تۇردە ارتتىرىلادى: ءبىرىنشى، قىستاق تۇرعىندارىن ۇيىمداستىرىپ، قىستاق ورتاسىنا تازالىق جۇرگىزۋ، جەرگىلىكتى جاعدايعا قاراي «ءۇشتى تازالاپ، ءبىردى وزگەرتۋ» ۇدايى ورىستەتىلەدى. ەكىنشى، تازالىقتى ۇزاق مەرزىمدى ونىمدىلىكپەن ساقتاپ، تازالىق جۇرگىزۋ مەحانيزمى كەمەلدەندىرىلەدى، «ەسىك الدىنداعى ءۇشتى مىندەتىنە الۋ» قاتارلى تۇزىمدەر ارقىلى قىستاق تۇرعىندارىنىڭ جاۋاپكەرشىلىگى ايقىندالادى.
ەكولوگيالىق ورتا مينيسترلىگى توپىراق ەكولوگيالىق ورتاسى مەڭگەرمەسىنىڭ باستىعى سۋ كىجيڭ مىنانى ءبىلدىردى: الدا اۋىل – قىستاقتاعى تۇرمىستىق لاس سۋلاردى جونگە سالۋ قىزمەتى باستىسى ەكى جاقتان ورىستەتىلەدى: ءبىرىنشى، جونگە سالۋدى تۇرگە ءبولىپ ىلگەرىلەتۋ اتقارىلادى؛ ەكىنشى، اۋىل – قىستاقتاعى يىستەنگەن لاس سۋلاردى جونگە سالۋ كۇشەيتىلەدى، 2025 – جىلعا بارعاندا، اۋىل – قىستاقتاعى ءبىرشاما زور كولەمدەگى يىستەنگەن لاس سۋلار نەگىزىنەن جونگە سالىنادى.
تۇرعىن ءۇي جانە قالا – اۋىل قۇرىلىسى مينيسترلىگى قىستاق – قالاشىق قۇرىلىسى مەڭگەرمەسىنىڭ باستىعى چين حايشياڭ مىنانى ءبىلدىردى: الدا اۋىل – قىستاقتىڭ بەت – بەينەسىن جاقسارتۋعا جەتەكشىلىك ەتۋ قىزمەتى اناعۇرلىم ىلگەرىلەتىلەدى: سالت – ءداستۇر ساقتالعان قىستاقتاردى قورعاۋ، كادەگە جاراتۋ كۇشەيتىلەدى، جۇڭگوداعى سالت – ءداستۇر ساقتالعان قىستاقتاردى تەكسەرۋ – تۇراقتاندىرۋ قىزمەتى جالعاستى ىلگەرىلەتىلەدى؛ اۋىل – قىستاقتاردىڭ بەت – بەينەسى جاقسارتىلادى، جەر – جەردىڭ شارۋالار ءۇيىن نەگىز ەتىپ، اۋىل – قىستاقتاردىڭ بەت – بەينەسىن جونگە سالۋىنا، جاقسارتۋىنا، جەرگىلىكتى ەرەكشەلىككە يە تابيعي كورىنىستەردى قالىپتاستىرۋىنا جەتەكشىلىك ەتىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
