تۇتاس رايوننىڭ استىق ءونىم مولشەرىندە تاعى دا تىڭ ورە جاراتىلدى
ءبيدايدىڭ، جۇگەرىنىڭ ءونىم مولشەرى، ەگىلۋ اۋماعى تۇگەلدەي ارتتى
2021.12.07 15:23 كەلۋ قاينارى : شينجياڭ گازەتى
بەتاشار
بيىل ”14 - بەسجىلدىق“ باستالعان جىل، باستامانىڭ ءبىرىنشى قادامىن ويداعىداي باسۋ ”14 - بەسجىلدىقتىڭ“ ءتۇرلى نىسانالارىن ءساتتى جۇزەگە اسىرۋدا ايرىقشا ماڭىزدى. بيىل جىل باسىنان بەرى رايونىمىز شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن جالپى بەتتىك دايەكتىلەندىرىپ، جاڭا دامۋ ارناسىنا قىزمەت وتەپ جانە توعىسىپ، شينجياڭنىڭ جوعارى ساپالى دامۋىنىڭ تاعى دا تىڭ ساتىعا كوتەرىلۋىن ىلگەرىلەتتى.
بۇگىننەن باستاپ گازەتىمىز ”باستاماداعى جارقىن تۇيىندەرگە نازار“ ايدارىن اشىپ، رايونىمىزدىڭ بيىلعى ەكونوميكالىق، قوعامدىق دامۋىندا جارىققا شىققان جارقىن تۇيىندەردى قورىتىندىلاپ، ءتۇرلى ىستەردىڭ دامۋىندا قول جەتكەن كورنەكتى تابىستاردى جان - جاقتىلى ايگىلەيدى.
انار بۇلت / شينجياڭ گازەتىنىڭ ءتىلشىسى ليۋ ي 12 - ايدىڭ 5 - كۇنى ۇرىمجىدەن حابارلايدى. ىرىس قارى − قۇت بەلگىسى. ارت - ارتىنان جاۋعان بىرنەشە رەتكى قالىڭ قار جاڭا عانا تەبىندەپ كوكتەگەن دۇمبە ءبيدايدى قىمتاپ تاستادى، شونجى اۋدانى شيبەيۋان قالاشىعى ليۋشۋحىزى قىستاعىنىڭ ەگىنشىسى جۋ بيڭ قۋانىشپەن: قىستا قار قالىڭ جاۋسا، كەلەر جىلى ءبيدايدان مول ءونىم الاسىڭ، - دەدى.
بيىل جۋ بيڭ ەككەن شيندۇڭ 22 - ءنومىرلى دۇمبە ءبيداي ءتۇسىمدى بولىپ، مول ءونىم الدى. ول شەبەر ەگىمشىلىك تەحنيكاسىنىڭ ارقاسىندا، جەرگىلىكتى ورىنداعى تۇقىم جەتىلدىرۋ كاسىپورنىمەن ءوندىرىس تاپسىرىسىنا قول قويىسىپ، ءار كيلوگرام ءبيداي تۇقىمىنىڭ ساتىپ الۋ باعاسى 2.86 يۋانعا جەتىپ، شيندۇڭ 22 - ءنومىرلى ءبيدايدىڭ باعاسى وتكەن جىلدارداعىعا قاراعاندا ەڭ جوعارى ورەگە جەتتى.
”قىسقى سايابىر مەزگىلدە جۇرت بوس وتىرمادى“، - دەدى جۋ بيڭ. تاياۋدا قىستاقتا تۇراتىن قىزمەت اترەتى قىستاقتاعى استىق ەگەتىن وتباسىلاردى سانجىعا بارىپ سۋ مەن تىڭايتقىشتى ءبىر تۇلعالاندىرۋ وزىق تەحنيكاسىن ۇيرەنۋگە ۇيىمداستىردى، ول وسى ورايدان پايدالانىپ ءوزىنىڭ تەحنيكالىق ءبىلىمىن تولىقتاپ، كەلەر جىلى مول ءونىم الۋعا تولىق دايىندالدى.
استىقتىڭ ءونىمىن ارتتىرىپ، كىرىسىن مولايتقان تەك جۋ بيڭنىڭ وتباسى عانا ەمەس، اۆتونوميالى رايوندىق ساناق مەكەمەسى جاريالاعان ساندى مالىمەتتە كورسەتىلۋىنشە: بيىل تۇتاس رايوندا جازعى استىق، كۇزگى استىق وندىرىسىنەن تاعى دا مول ءونىم الىنىپ، تۇتاس رايوندا استىق ەگىلگەن جەر اۋدانى وتكەن جىلداعىدان ％5.6 ارتقان، مەجەمەن جالپى ءونىم مولشەرى ％10.8 ارتىپ، استىق ءونىم مولشەرىندە تاعى دا تىڭ ورە جاراتىلعان. مۇنىڭ ىشىندە تۇتاس رايوننىڭ ءبيداي، جۇگەرى ەكى ءىرى استىق داقىلىنىڭ ءونىم مولشەرى زور مولشەردە ارتقان، تۇتاس جىلدا ءبيداي ەگىلگەن جەر اۋدانى ％6.2 ارتقان، ءونىم مولشەرى ％7.6 ارتقان؛ جۇگەرى ەگىلگەن جەر اۋدانى ％4.0 ارتقان، ءونىم مولشەرى ％13.0 ارتقان.
اۆتونوميالى رايوندىق اۋىل شارۋاشىلىق، اۋىل - قىستاق مەڭگەرمەسى ەگىمشىلىكتى جانە ەگىس دارىلەرىن باسقارۋ باسقارماسىنىڭ باستىعى تاڭ ي - ۋ بىلاي دەپ تانىستىردى: بيىل تۇتاس رايون قاتاڭ تۇردە مەملەكەتتىڭ ”استىق ءوندىرىسىن تەك ارتتىرۋ، كەمىتپەۋ كەرەك“ دەگەن قىزمەت تالابىنا ساي، ”استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋ“ ستراتەگياسىن جاپپاي تياناقتاندىرىپ، جوعارى ولشەمدى ەگىس اتىزى، سۋ ۇنەمدەپ سۋارۋ، عىلىم - تەحنيكانى جالپىلاستىرۋ سياقتى نىسانداردى ءتۇيىندى تۇردە استىق وندىرەتىن اۋماقتارعا بەيىمدەۋدى بەلسەنە ىلگەرىلەتىپ، ساپالى ءبيداي ءوندىرىس بازاسى قۇرىلىسىن ىلگەرىلەتىپ، ءبيداي، اسىرەسە، دۇمبە ءبيداي ءوندىرىسىن ورنىقتىرىپ، استىق ەگىلەتىن جەر اۋدانىن ازايتپاۋعا، ءونىم مولشەرىن تومەندەتپەۋگە شىنايى كەپىلدىك ەتتى. جەر - جەردىڭ، تاراۋلاردىڭ ورتاق قۇلشىنۋىندا، تۇتاس رايوندا جازعى استىقتىڭ ءونىم مولشەرى 100 ميلليون جىڭنان اسىپ، اۋىل شارۋاشىلىعى، اۋىل - قىستاق مينيسترلىگىنىڭ حابارلاندىرۋ شىعارىپ ماداقتاۋىنا يە بولدى. كۇزگى استىق ءونىمىنىڭ ارتۋ كومەسكى كۇشى اناعۇرلىم ايگىلەنىپ، سولتۇستىك شينجياڭنىڭ كوپتەگەن جەرىندەگى جۇگەرى ”توننالىق استىق اتىزىنىڭ“ سالىستىرماسى ％60تەن جوعارى بولدى. تۇتاس رايوننىڭ استىق جالپىلىق ءوندىرىس قۋاتى جاپپاي جوعارىلاپ، استىق حاۋىپسىزدىگى ءونىمدى قامتاماسىز ەتىلىپ، مەملەكەت تۇسىرگەن استىق ءوندىرۋ نىسانا - مىندەتى اسىرا ورىندالدى.
سونىمەن بىرگە اۋىل شارۋاشىلىعى، اۋىل - قىستاق تاراۋلارى تەحنيك مامانداردى ءوندىرىستىڭ ءبىرىنشى شەبىندە تەحنيكالىق قىزمەت وتەۋ بويىنشا جەتەكشىلىك ەتۋگە تاڭداپ جىبەرىپ، ساپالى تۇقىم مەن ۇتىمدى شارانى سايكەستىرۋ، اۋىل شارۋاشىلىعى ماشينالارى مەن اۋىل شارۋاشىلىعى تەحنيكاسىن توعىستىرۋ سياقتى قولدانىلمالى ءونىم ارتتىرۋ تەحنيكاسىن جالپىلاستىرىپ، استىق جالپىلىق ءوندىرىس قۋاتىن ۇزدىكسىز جوعارىلاتتى. ورتالىقتىڭ ەگىستىك جەردىڭ قۇنارلىلىعىن قورعاۋعا بەرىلەتىن قوسىمشا قاراجاتى سياقتى قوسىمشا قاراجات قارجىسىنا بەلسەنە قول جەتكىزىپ، بارلىعىن استىق داقىلدارىنا بەرىلەتىن قوسىمشا قاراجات رەتىندە جۇمساپ، ءبيداي مەن تۇقىمدىق جۇگەرى ەگىستىك جەرىنىڭ قۇنارلىلىعىن قورعاۋعا بەرىلەتىن قوسىمشا قاراجاتى رەتىندە ”قوسىمشا قاراجات بەرۋگە تيىستىلەرىنە تۇگەلدەي بەرۋدى“ جۇزەگە اسىرىپ، ديقانداردىڭ استىق ەگۋ بەلسەندىلىگىن پارمەندى جۇمىلدىردى.
بيىل اۆتونوميالى رايون استىق حاۋىپسىزدىگىنە پارتيا مەن ۇكىمەت بىردەي جاۋاپتى بولۋدى اتقارعان تۇڭعىش جىل. كۇز كىرگەننەن بەرى ايماقتار (وبلىس، قالا) دۇمبە ءبيداي ەگۋ قىزمەتىنە باسا ءمان بەرىپ، ىندەتتەن ساقتانۋ - تىزگىندەۋ قىزمەتىن جاقسى ىستەۋمەن بىرگە، جۇمىس مىندەتىن ۇيلەسىمدى ورنالاستىرىپ، دۇمبە ءبيداي ەگۋ اياق الىسى مەن جۇمىس ساپاسىنا شىن مانىندە كەپىلدىك ەتىپ، دۇمبە ءبيداي ەگىلگەن جەر اۋدانىن ورنىقتىردى جانە كەڭەيتتى. قازىر رايونىمىز 2021 - جىلعى دۇمبە ءبيدايدىڭ تۇقىم ءسىڭىرۋ مىندەتىن جاپپاي ورىنداپ، جالپى ەگىلگەن جەر اۋدانى بىلتىرعى سايكەس مەزگىلدەگىدەن كوپ بولىپ، تۇقىم سىڭىرىلگەن جەر اۋدانى بىلتىرعى ءىس جۇزىندەگى ەگىلگەن جەر اۋدانىنان تومەن بولماۋ قىزمەت نىساناسىن ورىنداپ، كەلەر جىلى جازعى استىقتان مول ءونىم الۋعا مىعىم نەگىز قالادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
