ەركىن تۇنياز اڭگىمە ءماجىلىس باسقارىپ اشتى
ۇكىمەت قىزمەتىنەن بايانداما جونىندە پىكىر - ۇسىنىس الدى
2021.12.07 15:23 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ليۋ شياڭ 12 - ايدىڭ 5 - كۇنى ۇرىمجىدەن حابارلايدى. 12 - ايدىڭ 4 - كۇنى تۇستەن كەيىن، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى ەركىن تۇنياز اڭگىمە ءماجىلىسىن باسقارىپ اشىپ، «ۇكىمەت قىزمەتىنەن باياندامانى (پىكىر الۋ نۇسقاسى)» كەمەلدەندىرۋ جونىندە حالىق قۇرىلتايى ۋاكىلدەرىنەن، ساياسي كەڭەس مۇشەلەرىنەن، دەموكراتيالىق پارتيا - توپتاردان، پارتيادا، توپتا جوق قايراتكەرلەردەن، مامان - اقىلشىلاردان، ۇكىمەت كەڭەسشىلەرىنەن، كاسىپورىن ۋاكىلدەرىنەن كەڭ كولەمدە پىكىر - ۇسىنىس الدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى چىن ۋيجۇن اڭگىمە ماجىلىسكە قاتىناستى.
اڭگىمە ماجىلىستە ءار سالا ۋاكىلدەرى ءبىر اۋىزدان: سوڭىنا شىعايىن دەگەن وسى جىلدا تۇتاس رايونىمىزدا قوعامدىق كەلەلى جاعداي ۇزدىكسىز ورنىقتى بولعان، ەكونوميكا ورنىقتى، اقاۋسىز دامىعان، حالىق تۇرمىسى ۇزدىكسىز جاقسارعان، سان سالالى ىستەر جاپپاي العا باسقان تاماشا جاعداي جارىققا شىقتى دەپ قارادى. سوزدەرىندە، كوپشىلىك باياندامانى مۇقيات زەرتتەپ وقۋ نەگىزىندە شينجياڭنىڭ دامۋ امالياتىمەن تىعىز بايلانىستىرىپ، بەلسەنە لەبىز ءبىلدىرىپ، ءوز پىكىرلەرىن ايتىپ، ەكولوگيالىق ورتانى قورعاۋدى كۇشەيتۋ، تازا ەنەرگيا شارۋاشىلىعىنىڭ دامۋىن جەبەۋ، دارىندىلار قوسىنى قۇرىلىسىن نىعايتۋ، وسى زامانعى قىزمەت وتەۋ كاسىبىنىڭ دامۋىن ىلگەرىلەتۋ، عىلىم - تەحنيكادا جاڭالىق اشۋ قابىلەتىن ءوسىرۋ، جىبەك جولى ەكونوميكالىق بەلدەۋى وزەكتى رايون قۇرىلىسىن تەرەڭدەتۋ جانە سىرتقا ەسىك اشۋ، شارۋاشىلىق - ساۋدا ورتاسىن ساپالىلاندىرۋ سياقتى جاقتاردا پىكىر، ۇسىنىس بەردى، ءماجىلىس دۋماندى بولدى.
ەركىن تۇنياز لەبىزدەردى مۇقيات تىڭداپ، ءالسىن - ءالى قاتىستى ماسەلەلەر جونىندە ءار سالا ۋاكىلدەرىمەن پىكىر اۋىستىرىپ تالقى جۇرگىزىپ، كوپشىلىكتىڭ ۇزاق ۋاقىتتان بەرى ۇكىمەت قىزمەتىنە قولداۋ كورسەتىپ، كوڭىل ءبولىپ، شينجياڭنىڭ ورنىقتىلىق، رەفورما، دامۋ ءىسى ءۇشىن اقىل - كەڭەس بەرىپ كەلگەندىگىنە العىس ايتتى. ول بىلاي دەپ اتاپ كورسەتتى: ۇكىمەت قىزمەتىنەن باياندامانى كەمەلدى دايىنداۋ − قوعامداعى ءار سالانىڭ كەڭ كولەمدە ات سالىسۋ، كوپتىڭ اقىل - پاراساتىن شوعىرلاندىرۋ بارىسى، اسىرەسە، يدەيانى بىرلىككە كەلتىرۋ، جوعارى ساپالى دامۋدى ىلگەرىلەتۋگە كۇش ۇيىستىرۋ بارىسى بولىپ تابىلادى. كوپشىلىكتىڭ قويعان پىكىر - ۇسىنىستارىنىڭ مازمۇنى ەگجەي - تەگجەيلى، ناقتى، باعىتتامالىلىعى، سىندارلىلىعى دا توتەنشە كۇشتى، بايانداماعا ىشكەرىلەي وزگەرىس ەنگىزىپ كەمەلدەندىرۋ جانە ۇكىمەت قىزمەتىن جاقسى ىستەۋ جونىندە ۇلكەن وي سالادى. ءبىز مۇقيات اقىلداسىپ، رەتتەپ، تولىق قابىلداپ، باياندامانى كەمەلدەندىرىپ، دەڭگەيىن جوعارىلاتىپ، باياندامادا پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ونان ارى ايگىلەۋگە، شينجياڭنىڭ ءىس جۇزىندىگىنە ونان ارى ۇيلەستىرۋگە، نازاردى ونان ارى حالىق تۇرمىسىنا شوعىرلاندىرىپ، حالىق رايىن ايگىلەپ، حالىقتىڭ اقىل - پاراساتىن ۇيىستىرىپ، تۇتاس رايونداعى ءار ۇلت بۇقاراسىنىڭ تىلەگىنە ساي كەلۋىنە مۇمكىندىك جاسايمىز.
ەركىن تۇنياز بىلاي دەپ اتاپ كورسەتتى: 2022 - جىل پارتيانىڭ 20 - قۇرىلتايى جەڭىسپەن اشىلاتىن جىل، جوعارى ساپالى دامۋدى جان - جاقتى ىلگەرىلەتۋدەگى شەشۋشى جىل. ءبىز شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، اۆتونوميالى رايوندىق 10 - رەتكى پارتيا قۇرىلتايى مەن اۆتونوميالى رايوندىق 10 - كەزەكتى پارتكومنىڭ ەكىنشى جالپى ءماجىلىسىنىڭ ورنالاستىرۋىنا، تالابىنا ساي، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋدى نەگىزگى تاقىرىپ، قامداۋ جاعىنداعى قۇرىلىمدىق رەفورمانى نەگىزگى جەلى، رەفورما جاساۋدى، ەسىك اشۋدى قوزعاۋشى كۇش ەتىپ، حالىق تۇرمىسىمەن تىعىز جاناستىرىپ جوعارى ساپالى دامۋدى ىلگەرىلەتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتىپ، ءار ۇلت بۇقاراسىن دامۋ جەتىستىكتەرىنەن اناعۇرلىم كوپ، اناعۇرلىم ءادىل يگىلىكتەندىرۋىمىز كەرەك. كوپشىلىكتىڭ ۇكىمەت قىزمەتىن بۇرىنعىداي قولداپ، وعان كوڭىل ءبولىپ، شينجياڭنىڭ ورنىقتىلىق، دامۋ ىستەرىن ىلگەرىلەتۋگە اقىل - پاراسات ارناپ، كۇش قوسىپ، جاڭا داۋىردە شينجياڭ قىزمەتىنىڭ جاڭا جاعدايىن قۇلشىنا اشىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋىن ءۇمىت ەتەمىن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
