اۆتونوميالى رايون ءدامدى تاعامدار جونىندە ارناۋلى اقپار جاريالاۋ ءماجىلىسىن اشتى
حالىقتىڭ باقىتتى تۇرمىسى ەڭ ۇلكەن ادامدىق ۇقىق
2021.12.03 16:32 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لي شيڭ 11 - ايدىڭ 30 - كۇنى ۇرىمجىدەن حابارلايدى. 11 - ايدىڭ 30 - كۇنى اۆتونوميالى رايون ءدامدى تاعامدار جونىندە ارناۋلى اقپار جاريالاۋ ءماجىلىسىن اشىپ، تيانشان الابىنداعى ءار ۇلت بۇقاراسىنىڭ كۇندەلىكتى تۇرمىسىنداعى ءدامدى تاعامدار ارقىلى قازىرگى شينجياڭنىڭ ەكونوميكاسى دامىعان، قوعامى ورنىقتى بولعان، حالىق تۇرمىسى جاقسارعان، مادەنيەتى گۇلدەنگەن، ۇلتتارى ىنتىماقتى، ءدىن جاراسىمدى بولعان، حالىق تىنىش ءومىر، شات - شادىمان تىرشىلىك كەشىرگەن، تىنىش تا بەرەكەلى، گۇلدەنىپ - كوركەيگەن كورىنىسىن بەينەلەدى.
ياركەن اۋدانىنان كەلگەن رابيام عۇلام ءبىر شاعىن دۇكەن اشادى، ونىڭ كۇيەۋى اسپاز، ولاردىڭ 2 بالاسى بار، ۇلكەنى باستاۋىش مەكتەپتە، كىشكەنەسى بالاباقشادا وقيدى، ەرلى - زايىپتىلار ۇنەمى بالالارىن ەرتىپ سەيىلگە شىعادى، دەنە شىنىقتىرادى، ءبىر ءۇيلى جاننىڭ تۇرمىسى شات مەرەيگە تولى.
ما يۋەباۋ ءوزى قۇرعان حاليمار اس - سۋ باسقارۋ شەكتى سەرىكتەستىگىن جۇرگىزەدى، جاقىندا ول ينتەرنەتتەگى تىكە تاراتۋ ارقىلى ءوزىنىڭ اس - سۋ كاسىبى جونىندەگى تاجىريبەلەرىن كوپشىلىكپەن ءبولىستى. قىزمەتى وتە جاپالى بولعانىمەن، ۋاقىتى بولسا ۇلىنىڭ دوپ تەبۋىنە سەرىك بولادى، قىزىنىڭ ءبي بيلەگەنىن كورەدى. باقىتتى تۇرمىس ما يۋەباۋدى بولاشاققا تولىق سەنىمگە يە ەتتى.
شاعانتوعاي اۋدانىنان كەلگەن شا يۇڭ 6 جىلدىڭ الدىندا اس - سۋ سالاسىنا ارالاسقان، ءوسىمى قازىنادان تولەنەتىن نەسيە العان سوڭ 2 تاعامجاي اشىپ الدى. ول بىلاي دەدى: ”مەن ءاربىر كىشكەنتاي ءىستى ويداعىداي ىستەۋدى باستان - اياق تاباندىلىقپەن جالعاستىرىپ، مۇقيات ىستەپ ساپا تۇلعالاپ، سۇيىسپەنشىلىكپەن تيجارات جۇرگىزىپ، تۇرمىس كەشىرەمىن“.
امەتجان ابدۇرەيىم قۇلجا قالاسىنان ءبىر بالمۇزداق مانەرلەۋ زاۆودىن اشتى. ”جەرگىلىكتى ۇكىمەت مەنىڭ مانەرلەۋ زاۆودىمنىڭ كولەمىن ۇزدىكسىز ۇلعايتىپ، اناعۇرلىم كوپ ادامدى بايۋعا جەتەكتەۋىمدى قولدادى، ءومىردىڭ وتە ماعىنالى ەكەندىگىن سەزدىم“، - دەدى ول.
ونان سوڭ التاي قالاسىندا شايحانا اشاتىن گۇلباع جاناق، ”ماسىن كاۋاپ دۇكەنىنىڭ“ قوجايىنى ماسىن، ءۇرىمجى نانشانىنىڭ ەتەگىندەگى بالىق قاقتاۋشى زوردۇن، سانجى قالاسىنداعى ءدامدى تاعامدار اۋەسكەرى گۇلناز توكەش... اقپار جاريالاۋ ماجىلىسىندە شينجياڭداعى ءار ۇلت بۇقاراسىنىڭ ءدامدى تاعام حيكايالارىن بەينەلەيتىن بەينەجازبالار كوپشىلىكتىڭ بولاشاققا ءۇمىتىن اناعۇرلىم كوپ ادامعا جەتكىزدى.
اقپار جاريالاۋ ءماجىلىسىنىڭ جۇرگىزۋشىسى حۋ جىچۇن بىلاي دەدى: وسەك - اياڭ شىندىقتى بۇركەمەلەي المايدى، حالىقتىڭ باقىتتى تۇرمىسى ەڭ ۇلكەن ادامدىق ۇقىق. شينجياڭنىڭ ەكونوميكالىق، قوعامدىق دامۋى مەن حالىق تۇرمىسىن جاقسارتۋى بۇرىن بولىپ كورىلمەگەن تابىستارعا قول جەتكىزىپ، ءار ۇلت حالقىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز جوعارىلادى، وسىنداي تەمىردەي فاكتتەر بۇرمالاۋعا كەلمەيتىن شىندىق بولىپ تابىلادى. شينجياڭ ءار جىلى ادەتتەگى الەۋمەتتىك مەجە ەسەپ شىعىسىنىڭ ％70تەن استامىن حالىق تۇرمىسىن قامتاماسىز ەتۋگە جانە جاقسارتۋعا جۇمساپ، ءار ۇلت تەپە - تەڭ دامۋ ورايىنا يە بولىپ، بىرگە اشىپ دامىتىپ، باقىتتى تۇرمىستان بىرگە يگىلىكتەندى. قازىر شينجياڭ تاريحتاعى ەڭ جاقسى دامۋ مەزگىلىندە تۇر، ءار ۇلت حالقىنىڭ ادامدىق ۇقىعىن قامتاماسىزداندىرۋ ورەسى ۇزدىكسىز جوعارىلاۋدا. امەريكاداعى، باتىستاعى جۇڭگوعا قارسى كۇشتەر ويدان قيىستىرعان وسەك - اياڭ حالىقارالىق قوعامدى الداي المايدى، شينجياڭنىڭ وسىزاماندانۋعا بەت العان اياق الىسىن بۇلدىرە المايدى!
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
