شي جينپيڭ 2021 - جىلعى «جۇڭگونى ءتۇسىنۋ» حالىقارالىق ءماجىلىسىنىڭ (گۋاڭجوۋ) اشىلۋ سالتىنا ارناپ بەينە ەكران ءسوزىن سويلەدى
2021.12.03 15:53 كەلۋ قاينارى : حالىق تورابى
12 - ايدىڭ 2 - كۇنى مەملەكەت ءتوراعاسى شي جينپيڭ بەيجيڭدە 2021 - جىلعى « جۇڭگونى ءتۇسىنۋ» حالىقارالىق ءماجىلىسىنىڭ (گۋاڭجوۋ) اشىلۋ سالتىنا ارناپ بەينە ەكران ءسوزىن سويلەدى.
سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگى، 12 - ايدىڭ 2 - كۇنى، بەيجيڭ. مەملەكەت ءتوراعاسى شي جينپيڭ 12 - ايدىڭ 2 - كۇنى بەيجيڭدە 2021 - جىلعى «جۇڭگونى ءتۇسىنۋ» حالىقارالىق ءماجىلىسىنىڭ (گۋاڭجوۋ) اشىلۋ سالتىنا ارناپ بەينە ەكران ءسوزىن سويلەدى.
شي جينپيڭ بىلاي دەپ اتاپ كورسەتتى: قازىر دۇنيە جۇزىندە ءجۇز جىلدا بولماعان زور وزگەرىس جاعدايى مەن جاڭا تيپتى ايدارشا ۆيرۋس وكپە قابىنۋ ىندەتىنىڭ بۇكىل دۇنيە جۇزىندە كەڭ تارالۋى توعىسىپ ىقپال جاساپ، دۇنيە ءجۇزى اۋمالى - توكپەلى وزگەرىس كەزەڭىنە ءوتتى. وسىنداي كىلتەڭ ساتتە ءبىز يدەيالىق قارىم - قاتىناستى كۇشەيتىپ، اۋىس - كۇيىستى، سەلبەستىكتى جەبەپ، دۇنيە جۇزىلىك سايىستارعا تىزە قوسا توتەپ بەرۋگە اقىل - پاراساتىمىز بەن كۇش - قۋاتىمىزدى ارناۋىمىز كەرەك.
شي جينپيڭ بىلاي دەپ اتاپ كورسەتتى: مەن «بۇگىنگى جۇڭگونى ءتۇسىنۋ ءۇشىن، ءسوز جوق، جۇڭگو كوممۋنيستىك پارتياسىن ءتۇسىنۋ كەرەك» دەگەن ەدىم. بيىل − جۇڭگو كوممۋنيستىك پارتياسى قۇرىلعانىنىڭ 100 جىلدىعى. 100 جىلدان بەرى جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ جانە باستاپ، قاجىماي - تالماي كۇرەس جۇرگىزىپ، جۇڭگو حالقىنىڭ بولاشاق تاعدىرىن تۇبىرىنەن وزگەرتتى، سونداي - اق دۇنيە ءجۇزىنىڭ تاريحي اياق الىسىنا دا تەرەڭ ىقپال جاسادى. تاياۋدا ج ك پ 19 - كەزەكتى ورتالىق كوميتەتىنىڭ التىنشى جالپى ءماجىلىسى تابىسپەن اشىلىپ، «ج ك پ ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى جەتىستىكتەرى مەن تاريحي تاجىريبەلەرى جونىندەگى قارارىن» ماقۇلدادى، جۇڭگو كوممۋنيستىك پارتياسى تاريحتى اينا ەتىپ، بولاشاق اشىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭگو حالقىن ىنتىماقتاستىرىپ جانە باستاپ، سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستايدى. جۇڭگو كوممۋنيستىك پارتياسى حالىقتى بارىنەن جوعارى قويۋدا، بۇكىل ىنتا - پەيىلىمەن حالىق ءۇشىن قىزمەت ىستەۋ ءتۇبىرلى ماقساتىندا تاباندى بولىپ، حالىقتى وزەك ەتكەن دامۋ يدەياسىن امالياتتا ايگىلەپ، ادامنىڭ جان - جاقتى دامۋى مەن جالپى حالىقتىڭ بىرگە اۋقاتتانۋىن ۇزدىكسىز جەبەپ، جۇڭگو حالقىنىڭ تاماشا تۇرمىسقا دەگەن تالپىنىسىن اناعۇرلىم ويداعىداي قاناعاتتاندىرادى. جۇڭگو كوممۋنيستىك پارتياسى بەيبىت دامۋ جولىمەن جۇرۋدە، سىرتقا ەسىك اشۋدا تاباندى بولىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتتىڭ ورتاق قۇندىلىقتارىن ساۋلەلەندىرىپ، باستان - اياق دۇنيە ءجۇزى بەيبىتشىلىگىنىڭ قۇرۋشىسى، دۇنيە ءجۇزى دامۋىنىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولىپ، ادامزات وركەنيەتىنىڭ العا باسۋىنا جانە دۇنيە ءجۇزىنىڭ بەيبىت دامۋىنا تىڭ دا اناعۇرلىم زور ۇلەس قوسۋعا قۇلشىنادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
