قازاقستان مەن وزبەكستان «وداقتاستىق قارىم – قاتىناس مالىمدەمەسىنە» قول قويدى
2021.12.07 16:52 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى جاڭ جييە 12 – ايدىڭ 6 – كۇنى نۇر – سۇلتاننان حابارلايدى. قازاقستان زۇڭتۇڭى توقايەۆ پەن وزبەكستان زۇڭتۇڭى ميرزيەيەۆ 12 – ايدىڭ 6 – كۇنى قازاقستاننىڭ استاناسى نۇر – سۇلتان قالاسىندا «وداقتاستىق قارىم – قاتىناس مالىمدەمەسىنە» قول قويدى.
قازاقستان زۇڭتۇڭ سارايى تورابىنىڭ حابارلاۋىنشا، توقايەۆ سول كۇنى ساپارلاي بارعان ميرزيەيەۆپەن كەڭەس وتكىزىپ، ەكى جاقتى قارىم – قاتىناس، ءتۇرلى سالالارداعى سەلبەستىك جانە حالىقارالىق، وڭىرلىك قولامتالى ماسەلەلەر تۋرالى پىكىرلەسكەن. ەكى ەل زۇڭتۇڭدارى كەڭەس اياقتاعان سوڭ «وداقتاستىق قارىم – قاتىناس مالىمدەمەسىنە» قول قويعان، مۇنان سىرت، ەكى ەل قارجىلاندىرۋ، ەنەرگيا، قاتىناس، ءادىليا قاتارلى سالالارداعى ءتۇرلى ۇكىمەت ارالىق سەلبەستىك كەلىسىمشارتتارىنا جانە جادىنامالارعا قول قويعان.
توقايەۆ كەڭەستەن كەيىن وتكىزىلگەن بىرلەسكەن اقپار جاريالاۋ ماجىلىسىندە مىنانى بىلدىرگەن: قازاقستان مەن وزبەكستان تاتۋ كورشى، جاقسى سەرىك، تامىرلاس، تاعدىرلاس، تۋىس ەلدەر. ەكى ەلدىڭ ستراتەگيالىق سەرىكتەستىك قارىم – قاتىناسىنىڭ دامۋى ءساتتى بولدى، ەكونوميكا – ساۋدا، قارجىلاندىرۋ جانە گۋمانيتارلىق سالالارىنداعى سەلبەستىك ۇزدىكسىز كەڭەيۋدە. ەكى جاقتىڭ «وداقتاستىق قارىم – قاتىناس مالىمدەمەسىنە» قول قويۋى ەكى مەملەكەتتىڭ قارىم – قاتىناسىنىڭ دامۋىنداعى جاڭا تاريح پاراعىنىڭ اشىلعانىن كورسەتەدى، بۇل ورتا ازيا ءوڭىرىنىڭ ورنىقتىلىعى مەن گۇلدەنۋىنە ءتيىمدى.
ميرزيەيەۆ مىنانى ءبىلدىردى: «وداقتاستىق قارىم – قاتىناس مالىمدەمەسى» بويىنشا وزبەكستان مەن قازاقستاننىڭ سەلبەستىگى وداقتاستىق قارىم – قاتىناس دەڭگەيىنە كوتەرىلەدى، بۇل ەكى ەلدەگى حالىقتىڭ ۇزاق مەرزىمدى مۇددەسىنە ابدەن ۇيلەسەدى، ەكى ەل اراسىنداعى زور سەنىم مەن سەرىكتەستىك قارىم – قاتىناستى تولىق ايگىلەيدى، وسى ءوڭىردىڭ كوركەيۋى مەن ورنىقتىلىعىنا جانە باياندى دامۋىنا كەپىلدىك ەتۋدە ماڭىزدى ءمان الادى. وزبەكستان مەن قازاقستاننىڭ ەكونوميكا – ساۋدا سالاسىنداعى ءبىرىن – ءبىرى تولىقتىراتىن تۇستارى كوپ، ونەركاسىپ، ەنەرگيا، ەلەكترون تەحنيكاسى قاتارلى سالالاردا تۇگەلدەي سەلبەستىك نىساندارى ىسكە قوسىلعان. وزبەكستان جاق ەكى ەلدىڭ ءداستۇرلى دوستىعى مەن تاتۋ كورشىلىك سەلبەستىگىنە بۇلجىماستان كۇش شىعارادى.
قازاقستان مەن وزبەكستان كورشىلەس ەلدەر، ەكى ەل دە سوۆەت وداعىنىڭ قۇرامىندا بولعان ەلدەر. سوۆەت وداعى ىدىراعان سوڭ، ەكى ەل 1991 – جىلى تاۋەلسىزدىك جاريالاعان ءارى 2013 – جىلى ستراتەگيالىق سەرىكتەستىك قارىم – قاتىناس ورناتقان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
