«2021 – جىلعى سۇڭدۋ حالىقارالىق تالقى مىنبەرى» گۋاڭجوۋدا اشىلدى
ۋاڭ چيشان اشىلۋ سالتىنا قاتىناستى ءارى ءسوز سويلەدى
2021.12.06 16:45 كەلۋ قاينارى : حالىق تورابى
«حالىق گازەتى»، 12 - ايدىڭ 5 - كۇنى، گۋاڭجوۋ (تىلشىلەر ليۋ جۇڭحۋا، ۋان يۇي). «2021 – جىلعى سۇڭدۋ حالىقارالىق تالقى مىنبەرى» 12 – ايدىڭ 5 - كۇنى گۋاڭجوۋداعى سۇڭدۋ حالىقارالىق ءماجىلىس ورتالىعىندا اشىلدى. مەملەكەت ءتوراعاسىنىڭ ورىنباسارى ۋاڭ چيشان اشىلۋ سالتىنا قاتىناستى ءارى ءسوز سويلەدى.
ۋاڭ چيشان مىنانى ءبىلدىردى: قازىر دۇنيە ءجۇزى جاڭا جول ايىرىعىندا تۇر، حالىقارالىق قوعام بۇرىنعى ءارقانداي كەزدەگىمەن سالىستىرعاندا ورتاق تانىم ۇيىستىرىپ، سەنىمدى بەكەمدەپ، بىرگە دامۋدى جەبەۋگە ءتىپتى دە مۇقتاج.
ۋاڭ چيشان بىلاي دەپ دارىپتەدى: جۇڭحۋا ۇلتى ەجەلدەن وزگەنى كوڭىل تۇكپىرىنە قويۋدى، تاتۋلىقتى، باۋىرمالدىقتى قاستەرلەپ، بەيبىتشىلىكتىڭ ۇلى بىرلىگىنە تالپىنىپ كەلەدى. جۇڭگو كوپ جاقتىلىقتى تاباندىلىقپەن قورعاپ، بىرگە دامۋ جولىن كەڭەيتۋگە كۇش سالىپ، وركەنيەتتەردىڭ ءوزارا ۇيرەنۋىن، ءوزارا ۇلگى الۋىن جەبەپ، ىنتىماقتاسا سەلبەسىپ، تەڭ يگىلىككە كەنەلۋدى ىلگەرىلەتىپ، ادامزاتتىڭ ورتاق جاڭا سىن - سايىسىنا قول ۇستاسا توتەپ بەرەدى. جۇڭگو جوعارى دەڭگەيدەگى سىرتقا ەسىك اشۋدى ۇزدىكسىز كەڭەيتىپ، دۇنيە جۇزىندەگى ءار ەلمەن جۇڭگو ورايىنان بىرگە يگىلىكتەنىپ، ادامزاتتىڭ تاعدىرلاس ورتاق تۇلعاسىن بىرگە قۇرادى.
ج ك پ ورتالىق كوميتەتى ساياسي بيۋروسىنىڭ مۇشەسى، گۋاڭدۇڭ ولكەلىك پارتكومنىڭ شۋجيى لي شي اشىلۋ سالتىنا قاتىناستى.
ءىشىنارا ەلدەردىڭ بۇرىنعى ساياسي قايراتكەرلەرى، حالىقارالىق ۇيىمداردىڭ بۇرىنعى جاۋاپتىلارى، قاتىستى ەلدەردىڭ جۇڭگودا تۇراتىن ەلشىلەرى جانە سىرتقى ىستەر ءمانساپتىلارى، حالىقارالىق ۇيىمداردىڭ جۇڭگودا تۇراتىن ۋاكىلدەرى، جۇڭگو مەن شەتەلدىڭ ونەركاسىپ - ساۋدا سالاسىنداعى قايراتكەرلەر، مامان - وقىمىستىلار قاتارلى 150 دەن استام سيلى قوناق وسى رەتكى تالقى مىنبەرىنە جەلى ءىشى – سىرتىن ۇشتاستىرۋ تاسىلىمەن قاتىناستى.
ماجىلىسكە قاتىناسقاندار «كوپ جاقتىلىقتىڭ 2.0 نۇسقاسى: سوڭعى ىندەت داۋىرىندەگى دۇنيە جۇزىلىك سەلبەستىك» تاقىرىبىنا نازار اۋدارىپ، «ەكونوميكالىق، قوعامدىق دامۋ جانە كليمات وزگەرىسى»، «دۇنيە جۇزىلىك ءداستۇرلى ەمەس سىن - سايىس جانە وعان توتەپ بەرۋ»، «ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋ»، «كوسەمدىك جاۋاپكەرلىك، ارەكەت جانە دۇنيە ءجۇزىنىڭ بولاشاعى»، «كوپ جاقتىلىقتا تاباندى بولۋ»، «سوڭعى ىندەت داۋىرىندەگى ەكونوميكانى قالپىنا كەلتىرۋ» سياقتى كەڭەستىك تاقىرىپتار توڭىرەگىندە اقىل - كەڭەس بەردى. كوپشىلىك جاپپاي بىلاي دەپ قارادى: دۇنيە جۇزىندەگى ءار ەل مەيلى ۇلكەن - كىشى بولسىن، كۇشتى - ءالسىز بولسىن، تۇگەلدەي بۇكىل ادامزاتتىڭ ورتاق قۇندىلىعىن ۇستانىپ، كوپ جاقتىلىقتان جازباي، حالىقارالىق قاتىناستى دەموكراتيالاندىرۋدا تاباندى بولىپ، سەلبەسىپ تەڭ يگىلىككە كەنەلۋ، بىرگە دامۋ جاڭا ۇستانىمىن ساۋلەلەندىرىپ، سەن ۇتىلىپ، مەن ۇتامىن دەيتىن ىمىراسىز ويدان اۋلاق بولىپ، ىنتىماقتاسا سەلبەسىپ، قيىنشىلىقتى بىرگە جەڭىپ، ادامزاتتىڭ تاعدىرلاس ورتاق تۇلعاسىن بىرگە قۇرۋى كەرەك.
وسى رەتكى تالقى مىنبەرىن جۇڭگو حالقىنىڭ شەتەلدەرمەن دوستىق بايلانىس قوعامى، اۆستراليا - جۇڭگو دوستىق قاتىناس قوعامى، گۋاڭدۇڭ ولكەلىك حالىق ۇكىمەتى جانە دۇنيە جۇزىلىك جەتەكشىلەر وداعى بىرگە وتكىزدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
