شي جينپيڭ «2021 – جىلعى سۇڭدۋ حالىقارالىق تالقى مىنبەرىنىڭ» اشىلۋ سالتىنا ارناپ بەينە ەكران ءسوزىن جاريالادى
2021.12.06 16:35 كەلۋ قاينارى : حالىق تورابى
 |
12 - ايدىڭ 5 - كۇنى مەملەكەت ءتوراعاسى شي جينپيڭ بەيجيڭدە «2021 – جىلعى سۇڭدۋ حالىقارالىق تالقى مىنبەرىنىڭ» اشىلۋ سالتىنا ارناپ بەينە ەكران ءسوزىن جاريالادى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
|
شينحۋا اگەنتتىگى، 12 - ايدىڭ 5 - كۇنى، بەيجيڭ. مەملەكەت ءتوراعاسى شي جينپيڭ 12 - ايدىڭ 5 - كۇنى بەيجيڭدە «2021 – جىلعى سۇڭدۋ حالىقارالىق تالقى مىنبەرىنىڭ» اشىلۋ سالتىنا ارناپ بەينە ەكران ءسوزىن جاريالادى.
شي جينپيڭ بىلاي دەپ دارىپتەدى: بۇگىنگى دۇنيەدە ادامزات سيرەك كەزدەسەتىن قات - قابات داعدارىستى باستان كەشىرۋدە. تولاسسىز جارىققا شىققان دۇنيە جۇزىلىك ماسەلەلەر مەن سىن - سايىس الدىندا، ءبىز اشىق، سيىسىمدى بولۋدا، كەڭەسىپ سەلبەسۋدە تاباندى بولىپ، كوپ جاقتىلىقتا تاباندى بولىپ جانە ونى قورعاپ، ادامزاتتىڭ تاعدىرلاس ورتاق تۇلعاسىن قۇرۋدى بەلسەنە ىلگەرىلەتۋىمىز كەرەك.
− ءبىر جاعادان باس، ءبىر جەڭنەن قول شىعارىپ، ناعىز كوپ جاقتىلىقتى امالياتتا ايگىلەۋىمىز كەرەك. كوپ جاقتىلىقتىڭ باستى ماقساتى − حالىقاراداعى ىستەردى كوپشىلىك بىرگە اقىلداسىپ ءبىر جاقتى ەتۋ، دۇنيە ءجۇزىنىڭ بولاشاعى مەن تاعدىرىن ءار ەل بىرگە مەڭگەرەدى. بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ءتارتىپتى، بىرلەسكەن مەملەكەتتەر ۇيىمى ۋستاۆىنىڭ نەگىزگى ماقساتى مەن پرينسيبىن نەگىز ەتكەن حالىقارالىق قاتىناستىڭ نەگىزگى ولشەمىن باتىل قورعاپ، بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتتىڭ ورتاق قۇندىلىقتارىن ساۋلەلەندىرۋ كەرەك.
− ءبىز داۋىرمەن بىرگە العا باسىپ، دۇنيە جۇزىلىك جونگە سالۋ جۇيەسىن ۇزدىكسىز كەمەلدەندىرۋىمىز كەرەك. دۇنيە ءجۇزى جاعدايىنىڭ وزگەرىسىن تياناق ەتىپ، كەڭ كولەمدە كەڭەسۋ، ورتاق تانىم ۇيىستىرۋ نەگىزىندە دۇنيە جۇزىلىك جونگە سالۋ جۇيەسىنە رەفورما جاساۋ جانە ونى كەمەلدەندىرۋ كەرەك. حالىقارالىق قاتىناستىڭ دەموكراتيالانۋ جالپى بەتالىسىندا تاباندى بولىپ، وركەندەپ كەلە جاتقان ەلدەردىڭ حالىقارالىق ىستەردەگى ۋاكىلدىك سيپاتى مەن ءسوز سويلەۋ ۇقىعىن جوعارىلاتىپ، دۇنيە جۇزىلىك جونگە سالۋ جۇيەسىنىڭ اناعۇرلىم ءادىل، ۇيلەسىمدى باعىتقا قاراي دامۋىن قۇلشىنا ىلگەرىلەتۋ كەرەك.
− ءبىز نازاردى ارەكەتكە شوعىرلاندىرىپ، دۇنيە جۇزىلىك سەلبەستىك كۇن ءتارتىبىن ويداعىداي تياناقتاندىرۋىمىز كەرەك. مەن دۇنيە جۇزىلىك دامۋ باستاماسىن، دۇنيە جۇزىلىك دامۋدىڭ تاعدىرلاس ورتاق تۇلعاسىن قالىپتاستىرۋدى العا قويدىم، ءار جاقتىڭ بەلسەنە ات سالىسۋىن ءۇمىت ەتەمىن. دامۋدى الدىڭعى ورىنعا قويۋدا تاباندى بولىپ، كەدەيلىكتى ازايتۋ، ىندەتكە قارسى اتتانۋ جانە ۆاكسينا، دامۋعا قارجى توپتاۋ، جاسىل تيپكە بۇرىلىس جاساۋ، ۇلاستىرۋ - تۇتاستىرۋ سياقتى سالالارداعى سەلبەستىكتى ىلگەرىلەتىپ، دۇنيە ءجۇزى دامۋىنىڭ تەپە - تەڭ، سايكەستى، سيىسىمدى جاڭا كەزەڭگە قادام تاستاۋىن ىلگەرىلەتۋ كەرەك.
شي جينپيڭ بىلاي دەپ دارىپتەدى: جۇڭگو كوممۋنيستىك پارتياسىنىڭ 100 جىلدىق كۇرەسىنىڭ ماڭىزدى تاريحي تاجىريبەسى − الەمدى كوكەيدە ساقتاپ، ادامزاتتىڭ بولاشاعى مەن تاعدىرىنا باستان - اياق نازار اۋدارۋ. جۇڭگو كوپ جاقتىلىقتى قولداۋ بەكىمىن وزگەرتپەيدى، كوپ جاقتىلىقتىڭ وزەكتى قۇنى مەن نەگىزگى پرينسيبىن باتىل قورعاپ، ءوزارا پايدا جەتكىزىپ، تەڭ يگىلىككە كەنەلۋدە، پارىقتاردى ساقتاپ، ورتاقتىققا ۇمتىلۋدا، ادىلدىك پەن ادىلەتتىلىكتە، سەلبەسىپ دامۋدا تاباندى بولىپ، ادامزات وركەنيەتىنىڭ العا باسۋىنا اقىل - پاراسات جانە كۇش - قۋات قوسادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
