مەملەكەتتىك ورمان شارۋاشىلىعى جانە جايىلىم مەكەمەسى، اۋىل شارۋاشىلىعى جانە اۋىل – قىستاق مينيسترلىگى بىرگە ۇقتىرۋ باسىپ تاراتتى
3 – اينالىمداعى جايىلىم ەكولوگياسىنا قاتىستى قوسىمشا قاراجات بەرۋ، سيلاۋ ساياساتىن تياناقتاندىرۋ تالاپ ەتتى
شارۋالار گازەتى، جۇڭگو شارۋالار تورابىنىڭ ءتىلشىسى ماۋ شياۋيا
2021.12.06 15:46 كەلۋ قاينارى : حالىق تورابى
شارۋالار گازەتىنىڭ، جۇڭگو شارۋالار تورابىنىڭ ءتىلشىسى ماۋ شياۋيا حابارلايدى. جۋىردا مەملەكەتتىك ورمان شارۋاشىلىعى جانە جايىلىم مەكەمەسى مەن اۋىل شارۋاشىلىعى جانە اۋىل – قىستاق مينيسترلىگى كەڭسە مەڭگەرمەسى «جايىلىم ەكولوگياسىن قورعاۋعا باعىتتالعان 3 – كەزەكتى قوسىمشا قاراجاتتى تاراتۋ، سيلاۋ ساياساتىن تياناقتاندىرىپ، جايىلىمدا مال باعۋعا شەكتەمە قويۋ جانە جايىلىم جاعدايى مەن مال سانىنىڭ تەڭگەرىمدىلىگىن ساقتاۋعا قاتىستى قىزمەتتەردى شىنايى، ويداعىداي ىستەۋ جونىندەگى ۇقتىرۋىن» باسىپ تاراتىپ، جايىلىم ەكولوگياسىن قورعاۋعا باعىتتالعان 3 – رەتكى قوسىمشا قاراجاتتى تاراتۋ، سيلاۋ ساياساتىن اتقارۋ مەزگىلىندەگى جايىلىمدا مال باعۋعا شەكتەمە قويۋ جانە جايىلىم جاعدايى مەن مال سانىنىڭ تەڭگەرىمدىلىگىن ساقتاۋعا قاتىستى قىزمەتتەر جونىندە ورنالاستىرۋ جاسادى، وسى ارقىلى ساياساتتىڭ ناقتى ونىمدىلىككە قول جەتكىزۋىنە كەپىلدىك ەتەدى.
جايىلىم ەكولوگياسىن قورعاۋ قوسىمشا قاراجاتىن تاراتۋ، سيلاۋ ساياساتى — ەلىمىزدىڭ جايىلىمداعى مال شارۋاشىلىعى رايوندارىنا باعىتتاعان قوسىلىمى ەڭ مول، قامتۋ كولەمى ەڭ كەڭ، قاتىستى شارۋالار سانى ەڭ كوپ بولعان جايىلىمعا، مال شارۋاشىلعىنا، اۋىل شارۋاشىلىعىنا تيىمدىلىك جەتكىزەتىن ساياساتى. جايىلىمدا مال باعۋعا شەكتەمە قويۋ جانە جايىلىم جاعدايى مەن مال سانىنىڭ تەڭگەرىمدىلىگىن ساقتاۋ ءتۇزىمى — جايىلىمنىڭ ەكولوگيالىق ورتاسىن قورعاۋ قوسىمشا قاراجاتىن بەرۋ، سيلاۋ ساياساتىنىڭ ماڭىزدى مازمۇنى. الدىڭعى ەكى رەتكى ساياساتتىڭ اتقارىلۋى ارقىلى، ون جىلدان بەرى، ەلىمىزدىڭ قوسقان قارجىسى 150 ميلليارد يۋاننان اسقان، بۇل ساياسات حىبەي، ىشكى موڭعۇل قاتارلى 13 ولكەدەگى (اۆتونوميالى رايون) 657 اۋداندى، حوشۋندى (تۋان الاڭى، فەرما)، 12 ميلليوننان استام شارۋا وتباسىن قامتىعان، بۇكىل ەلىمىز بويىنشا ءبىر ميلليارد 210 ميلليون مۋ جايىلىمدا مال باعۋدى شەكتەۋ ارقىلى جايىلىمدى دەمالتىپ، 2 ميلليارد 610 ميلليون مۋ جايىلىمدا ماۋسىم بويىنشا جايىلىم جاڭالاپ مال باعۋ جانە مالدىڭ سانىن ازايتۋ ارقىلى جايىلىم مەن مالدىڭ تەڭگەرىمدىلىگى العاشقى قادامدا ىسكە اسىرىلعان، جايىلىم ەكولوگياسى اناعۇرلىم قالپىنا كەلگەن، جايىلىمداعى مال شارۋاشىلىعى رايونىندا شارۋالاردىڭ كىرىسى ۇزدىكسىز ارتىپ، جايىلىمداعى مال شارۋاشىلىعى كاسىبىنىڭ ءوندىرىس فورماسىندا جەدەل بۇرىلىس جاسالىپ، جايىلىم ەكولوگياسىن قورعاۋدا كورنەكتى كەزەڭدىك ناتيجەلەرگە قول جەتكىزىلگەن.
جايىلىم ەكولوگيالىق ورتاسىن قورعاۋ جەتىستىكتەرىن اناعۇرلىم بەكەمدەۋ جانە جوعارىلاتۋ ءۇشىن، «14 – بەسجىلدىق» مەزگىلىندە ىشكى موڭعۇل قاتارلى 13 ولكەدە (اۆتونوميالى رايون) جانە شينجياڭ ءوندىرىس – قۇرىلىس بيڭتۋانىندا، بەيداحۋاڭ تىڭ يگەرۋ توبى شەكتى سەرىكتەستىگىندە 3 – كەزەكتى جايىلىم ەكولوگياسىن قورعاۋ قوسىمشا قاراجاتىن تاراتۋ، سيلاۋ ساياساتى اتقارىلادى. قازىنا مينيسترلىگى مەن اۋىل شارۋاشىلىعى جانە اۋىل – قىستاق مينيسترلىگى، مەملەكەتتىك ورمان شارۋاشىلىعى جانە جايىلىم مەكەمەسى جايىلىم ەكولوگياسىن قورعاۋعا باعىتتالعان 3 – رەتكى قوسىمشا قاراجاتىن تاراتۋ، سيلاۋ ساياساتىن اتقارۋ جەتەكشى پىكىرىن بىرگە بەكىتىپ تاراتتى. 3 – اينالىمدا قوسىلاتىن قاراجات كوبەيمەسە ازايمايدى، اتقاراتىن كولەمى دە اناعۇرلىم كەڭەيەدى.
«ۇقتىرۋدا» مىنالار اتاپ كورسەتىلگەن: جايىلىمدا مال باعۋعا شەكتەمە قويۋ جانە جايىلىم جاعدايى مەن مال سانىنىڭ تەڭگەرىمدىلىگىن ساقتاۋ رايونىن كەمەلدەندىرۋ جانە ونى رەتكە سالۋ قاجەت. جەر – جەر جايىلىمدى ديناميكالى باقىلاپ – ولشەپ، جايىلىم ەكولوگياسى مەن ءوندىرىس قۋاتى جاعدايىنا عىلىمي ساراپتاما جاساپ، مال باعۋعا شەكتەمە قويىلاتىن وڭىرلەردى عىلىمي تۇردە بەلگىلەۋى كەرەك. الدىڭعى ەكى اينالىمدا مال باعۋعا شەكتەمە قويىلعان جايىلىمداردان قالپىنا كەلگەن، تيىم سالۋدى كۇشىنەن قالدىرۋ ولشەمىنە تولعاندارىن دەر كەزىندە جايىلىم جاعدايى مەن مال سانى تەڭگەرىمدى رايونعا وزگەرتۋ كەرەك، ازعىنداۋى مەن قۇمايتتانۋى كورنەكتى بولعان جايىلىم جاعدايى مەن مال سانى تەڭگەرىمدى وڭىرلەردى دەر كەزىندە مال باعۋعا شەكتەمە قويىلاتىن وڭىرگە وزگەرتۋ كەرەك. جايىلىمدا مال باعۋعا شەكتەمە قويىلاتىن وڭىرلەردى جانە جايىلىم جاعدايى مەن مال سانى تەڭگەرىمدى وڭىرلەردى رەتتەۋ ارقىلى جايىلىمدى عىلىمي، ءتارتىپتى پايدالانۋدى ىسكە اسىرىپ، ەكولوگيالىق ورتا مەن ءوندىرىستى ءبىرتۇتاس جوسپارلاۋدى، قورعاۋ مەن دامىتۋعا بىردەي ءمان بەرۋدى ىسكە اسىرۋ كەرەك.
«ۇقتىرۋدا» مىنالار باسا دارىپتەلگەن: جايىلىمدا مال باعۋعا شەكتەمە قويۋدى باسقارۋدى مۇقيات، ويداعىداي اتقارۋ كەرەك. جەر – جەر مال باعۋعا شەكتەمە قويۋدى باسقارۋدى جانە ساياساتتى ۇگىتتەۋدى شىنايى كۇشەيتىپ، مال باعۋعا شىنداپ شەكتەمە قويۋ، باسقارۋدى بوساڭسىتپاۋ جاعىنا كەپىلدىك ەتۋى كەرەك. جەرگىلىكتى ورىنداعى زاڭ جاساۋ تاراۋلارىمەن بەلسەندى سايكەسىپ، قاتىستى زاڭ – تۇزىمدەردى جاساۋدى جەدەل ىلگەرىلەتىپ، مال باعۋعا شەكتەمە قويۋ ءتۇزىمىن تياناقتاندىرۋ مەن كەمەلدەندىرۋگە زاڭدىق كەپىلدىك ازىرلەۋى كەرەك.
«ۇقتىرۋدا» مىنالار تالاپ ەتىلگەن: جايىلىم جاعدايى مەن مال سانىن تەڭگەرىمدى ۇستاۋ ءتۇزىمىن تياناقتاندىرۋدى تىڭعىلىقتى ىلگەرىلەتۋ كەرەك. جەر – جەر سول جەردىڭ ءىس جۇزىندىك جاعدايىنا سايكەس كەلەتىن جايىلىمدا مال باعۋ ولشەمىن زەرتتەپ بەلگىلەپ، شارۋالاردىڭ جايىلىم جاعدايى مەن مال سانىن تەڭگەرىمدى باسقارۋىنا جەتەكشىلىك ەتۋى كەرەك ءارى جايىلىمنىڭ جاعدايىنا قاراي وتىرىپ، جايىلىمدى مال باعۋعا پايدالانۋ جونىندە ساراپتاما جاساۋى، بۇل ساراپتامانى مال سانىنىڭ ولشەمنەن ارتىق، ياكي، ارتىق ەمەس ەكەنىن تۇجىرىمداۋعا نەگىز ەتۋى قاجەت. جايىلىمداعى مال شارۋاشىلىعى كاسىبىنىڭ نەگىزدىك قۇرىلعىلارىن اناعۇرلىم كۇشەيتىپ، جايىلىمداعى مال شارۋاشىلىعى وندىرىسىندە بۇرىلىس جاساۋدى ىلگەرىلەتىپ، مال باعۋدى ماۋسىمدىق سيپاتتاعى توقتاتۋعا جانە وڭىرگە ءبولىپ، جايىلىم جاڭالاپ مال باعۋعا نەگىز قالاۋى قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
