قىسقا شولۋ
كىشى - گىرىم پايداعا بولا اقپاراتتىق جەلىدە قىلمىستىق ارەكەتپەن شۇعىلدانۋشىلارعا كومەكتەسكەن بولىپ جۇرمەڭىز
2021.12.08 15:22 كەلۋ قاينارى : حالىق تورابى
جۋىردا حۋنان ولكەسى پيڭجياڭ اۋداندىق حالىق سوتى اقپاراتتىق جەلىدە قىلمىس وتكىزۋشىلەرگە كومەكتەسۋ دەلوسىنا قاتىستى تەرگەۋ جۇرگىزۋدى اياقتاتىپ، قىلمىسكەرلەردىڭ تاپسىرىس سانىندا الاياقتىق ىستەۋىنە، اقى تولەۋ قۇرالدارى ارقىلى اقشا جوتكەۋىنە كومەكتەسكەن لي X دى اقپاراتتىق جەلىدەگى قىلمىستىق ارەكەت وتكىزۋشىلەرگە كومەكتەسۋ قىلمىسى بويىنشا 8 ايلىق مەرزىمدى قاماق جازاسىنا ۇكىم ەتكەن ءارى وعان حالىق اقشاسى بويىنشا 10 مىڭ يۋان اقشالاي ايىپ سالعان؛ سونىمەن بىرگە، ونىڭ زاڭعا قايشى قول جەتكىزگەن 10 مىڭ يۋان تابىسىن تاركىلەگەن.
ساناققا قاراعاندا، ەلىمىزدە قىلمىستىق ىستەر بويىنشا سانى الدىڭعى ءۇش ورىندا تۇراتىن قىلمىس تۇرلەرى جەكە – جەكە: اۆتوكولىكتى حاۋىپتى جۇرگىزۋ قىلمىسى، ۇرلىق قىلمىسى، الدامكوستىك قىلمىسى، ال، اقپاراتتىق جەلىدە قىلمىستىق ارەكەت وتكىزۋشىلەرگە كومەكتەسۋ قىلمىسى 4 – ورىندا تۇراتىن قىلمىستىق ىستەر قىلمىسى بولعان. تەك بيىل 1 – ايدان 9 – ايعا دەيىن، بۇكىل ەلىمىزدەگى پروكۋراتۋرا تاراۋلارى اقپاراتتىق جەلىدە قىلمىستىق ارەكەت وتكىزۋشىلەرگە كومەكتەسۋ قىلمىسى بويىنشا 79307 ادامنىڭ ۇستىنەن ايىپتاما كوتەرگەن، بۇل بىلتىرعىدان 21.3 ەسە ارتقان، وسىدان بۇل تەكتەس قىلمىستىق ارەكەتتىڭ قانشالىق ورشىگەنىن بايقاۋعا بولادى! بۇل قىلمىستىڭ اتىن ايتقاندا ءتىل كۇرمەلگەندەي بولعانىمەن، انتەك ساقتانباعان ادامنىڭ بۇل قىلمىسقا وڭاي شاتىلىپ قالۋى ىقتيمال.
2015 – جىلى قىلمىستىق ىستەر زاڭىنا وزگەرىس ەنگىزۋ جوباسىندا (9) اقپاراتتىق جەلىدە قىلمىس وتكىزۋشىلەرگە كومەكتەسۋ قىلمىسى دەگەن تارماق قوسىلدى، باسقالاردىڭ اقپاراتتىق جەلى ارقىلى قىلمىستىق ارەكەت وتكىزەتىنىن انىق بىلە تۇرا، ونىڭ قىلمىس وتكىزۋىنە ينتەرنەتكە قوسۋ، سەرۆەردى اماناتقا بەرۋ، جەلىدە دەرەك ساقتاۋ، دەرەك تاسىمالداۋ قاتارلى تەحنيكالارعا قاتىستى قولداۋ كورسەتكەن نەمەسە جارنامالاۋ، اقى تولەۋ جانە ەسەپ جابۋ قاتارلى جاقتاردا قىزمەت وتەپ كومەكتەسكەن ارەكەتتەر ايىرىم قىلمىس قالىپتاستىرادى دەپ بەلگىلەنگەن. باسقاشا ايتقاندا، جەلىدە قىلمىس وتكىزۋشىلەرگە اقى تولەۋ جانە ەسەپ جابۋ قاتارلى جاقتاردا كومەكتەسكەندەر اقپاراتتىق جەلىدە قىلمىس وتكىزۋشىلەرگە كومەكتەسۋ قىلمىسىن وتكىزگەن ەسەپتەلۋى مۇمكىن.
كۇندەلىكتى تۇرمىستا، كەيبىرەۋلەر كىشى - گىرىم پايداعا بولا، وزدەرىنىڭ بانكە كارتۋچكاسى، قولفون كارتۋچكاسى قاتارلىلاردى باسقالارعا پايدالانا تۇرۋعا بەرەدى، تاعى بىرەۋلەر بانكە كارتۋچكاسىن جاسىرىن ساتۋمەن اينالىسادى، بۇل كارتۋچكالاردى الۋشىلاردىڭ مال – مۇلىكتى جوتكەۋ، اقشا جىمقىرۋ قاتارلى قىلمىستىق ارەكەتپەن شۇعىلداناتىنىن بىلمەيدى. اتاپ ايتقاندا، اقپاراتتىق جەلىدە قىلمىس وتكىزۋشىلەرگە كومەكتەسۋ قىلمىسى دەگەنىمىز باسقالاردىڭ ينتەرنەت ارقىلى ينفورماتسياعا قاتىستى قىلمىس وتكىزۋىنە كومەكتەسۋ ارەكەتىن كورسەتەدى.
وتە – موتە، ستۋدەنتتەرى قامتىعان جاستار شوعىرى بۇل ىسكە وڭاي ۇرىنادى، ولار وتە قاعىلەز بولعانىمەن، پايداشىلدىق، تالەيىن سىناپ كورۋ، تاۋەكەلگە باسۋ، باسەكەلەستىك، زاڭ جونىندە تانىمى تاياز بولۋ قاتارلى سەبەپتەرمەن زاڭنىڭ الا جىبىنەن وڭاي اتتاۋى مۇمكىن. سوندىقتان، جاستاردىڭ جەلىدەگى قىلمىستىق ارەكەتتەرگە ارالاسۋىنان ەرتە باستان ساقتانۋ جانە بۇل ىسكە ارالاسۋ كەرەك. ءوزىڭىزدىڭ اتىڭىزدا بىتىرگەن بانكە كارتۋچكاسىن، استە، باسقالارعا ساتىپ بەرمەڭىز نەمەسە پايدالانا تۇرۋعا بەرمەڭىز، قىلمىستىڭ قۇيىنا باتۋدان اۋلاق بولىڭىز، بۇل دەلونى ءاربىر ادامعا ەسكەرتىپ قويۋعا تاتيىدى.
— ليۋ تيانفاڭ
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
