شينجياڭ تەمىر جولىنىڭ وڭتۇستىك - سولتۇستىك شينجياڭ قوس اينالما جەلىسى قالىپتاستى
2021.12.08 16:31 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لۋ فىڭباۋ 12 - ايدىڭ 6 - كۇنى ۇرىمجىدەن حابارلايدى. ”كەزەكتە قۇرىلىس سوڭعى كەزەڭىنە ءوتتى، جەلىنى ىسكە قوسۋ الدىنداعى رەتتەۋ قىزمەتى قاۋىرت جۇرگىزىلۋدە، كەلەر ايدان باستاپ تولىمدىلىعىن تەكسەرىپ وتكىزىپ الۋدى جوسپارعا الدىق“، - دەدى 12 - ايدىڭ 6 - كۇنى تۇستەن بۇرىن جۇڭگو تەمىر جول 11 - مەكەمەسى توبى شەكتى سەرىكتەستىگى حوتان - چارقىلىق تەمىر جول نىسان ءبولىمىنىڭ ديرەكتورى لين جىڭدۇڭ تىلشىگە.
حوتان - چارقىلىق تەمىر جولىنىڭ جالپى ۇزىندىعى 825.476 كيلومەتر، جىل باسىنان بەرى نىسان قۇرىلىسى جەدەلدەتىلىپ، رەليس جاتقىزۋ جۇمىسى جاپپاي ورىندالىپ، اياقتاۋ كەزەڭىنە ءوتتى. جۇڭگو تەمىر جول ءۇرىمجى مەكەمەسى توبى شەكتى سەرىكتەستىگى پارتكومىنىڭ ورىنباسار شۋجيى نيۋ چۋان مىنالاردى ءبىلدىردى: حوتان - چارقىلىق تەمىر جولى مەن وڭتۇستىك شينجياڭ تەمىر جولى، گولمۋد - كورلا تەمىر جولى تارىم ويپاتى اينالما تەمىر جول جەلىسىن بىرگە قالىپتاستىرىپ، بىلتىرعى سولتۇستىك شينجياڭ اينالما تەمىر جول جەلىسى قالىپتاسقاننان كەيىنگى تاعى ءبىر اينالما تەمىر جول جەلىسىنە اينالىپ، شينجياڭ تەمىر جولىنىڭ وڭتۇستىك - سولتۇستىك شينجياڭ قوس اينالما جەلىسىن ءساتتى قالىپتاستىردى.
جوبا بويىنشا شينجياڭ تەمىر جولىندا سولتۇستىك شينجياڭ اينالما جەلىسىن، وڭتۇستىك شينجياڭ اينالما جەلىسىن، شىعىس شينجياڭ اينالما جەلىسىن جانە وڭتۇستىك - سولتۇستىك شينجياڭ تيانشان اينالما جەلىسىن سالىپ، سوڭىندا وڭتۇستىك - سولتۇستىك شينجياڭ تەمىر جول ۇلكەن اينالما جەلىسىن قالىپتاستىرادى.
بىلتىر التاي - كوكتوعاي - جۇندۇڭ تەمىر جولى ىسكە قوسىلىپ، ءۇرىمجى سولتۇستىك ۆوكزالى - جياڭجۇنمياۋ تەمىر جولىمەن، لانجوۋ - شينجياڭ تەمىر جولىمەن، كۇيتۇن - التاي تەمىر جولىمەن بىرىگىپ سولتۇستىك شينجياڭ تەمىر جولى اينالما جەلىسىن قالىپتاستىرعان، بۇل ءارى شينجياڭ تەمىر جولىنداعى تۇڭعىش اينالما جەلى تورابى سانالادى.
بيىل ”14 - بەسجىلدىق“ جوبا باستالعان جىل، حوتان - چارقىلىق تەمىر جولىنىڭ، ءۇرىمجى - جياڭجۇنمياۋ تەمىر جولىنىڭ قۋاتىن ارتتىرىپ جاڭالاۋ ينجەنەرياسى، اقسۋ - ارال تەمىر جولى، جياڭجۇنمياۋ - جوماۋحۋ تەمىر جولى سياقتى كوپتەگەن جەلىلەردى تىڭنان سالۋ، جالعاستى سالۋ نىسان جۇمىستارى ءساتتى جۇرگىزىلدى، جىڭ - الاتاۋ تەمىر جولى 2 - جەلىسىن قوسىپ سالۋ، قۇلجا - اقسۋ تەمىر جولىن بارلاۋ - جوبالاۋ قىزمەتى باستالىپ، شينجياڭ تەمىر جول تورابى ءتىپتى دە كەمەلدەنۋگە بەت الىپ، تاسىمال قۋاتى كورنەكتى ارتىپ، ”14 - بەسجىلدىق“ تەمىر جول نىسان قۇرىلىسى جاقسى باستامامەن باستالدى.
”14 - بەسجىلدىق“ كەزىندە شينجياڭ تەمىر جول قۇرىلىسى ۇزدىكسىز جوعارى ساپامەن ىلگەرىلەتىلىپ، ”14 - بەسجىلدىقتىڭ“ سوڭىنا دەيىن تەمىر جول تيجاراتى مەن قۇرىلىس ارالىعى 10 مىڭ 60 كيلومەترگە جەتكىزىلەدى، شينجياڭ تەمىر جول تورابىنىڭ ورنالاسۋى كەمەلدەندىرىلىپ، وڭتۇستىك - سولتۇستىك شينجياڭ تەمىر جول اينالما تورابى قالىپتاسىپ، تەمىر جول حالىقارالىق ارناسى قۇرىلسىندا تىڭ ىلگەرىلەۋشىلىككە قول جەتىپ، شينجياڭ تەمىر جولىنىڭ بۇكىل ەل جول تورابىنداعى ”اقىرعى ۇلگى“ جاعدايى اناعۇرلىم وزگەرىپ، ”ازيا - ەۆروپا قاتىناس تورابى ورتالىعىنداعى“ ورنى مەن رولى اناعۇرلىم كورنەكتىلەنەدى.
ۇعىسۋعا قاراعاندا، ”14 - بەسجىلدىقتىڭ“ سوڭىنا دەيىن جوبالانعان نىساندار جاپپاي سالىنىپ بىتكەننەن كەيىن، شينجياڭ تەمىر جولىندا ”ءبىر ءوس“ (لانجوۋ - شينجياڭ تەمىر جولى، لانجوۋ - شينجياڭ جوعارى جىلدامدىقتى تەمىر جولى)، ”ءۇش باعىتتا شينجياڭنان شىعاتىن“ (ورتا بولىكتە لانجوۋ - شينجياڭ تەمىر جولى، لانجوۋ - شينجياڭ جوعارى جىلدامدىقتى تەمىر جولى، سولتۇستىك بولىكتە قۇمىل - ىجينا ارناسى، وڭتۇستىك بولىكتە كورلا - چارقىلىق - گولمۇد ارناسى)، ”ءتورت اينالما“ (سولتۇستىك شينجياڭ اينالما جەلىسى، وڭتۇستىك شينجياڭ اينالما جەلىسى، شىعىس شينجياڭ اينالما جەلىسى جانە وڭتۇستىك - سولتۇستىك شينجياڭ تيانشان اينالما جەلىسى) جانە ”ەكى سىرتقا باعىتتالعان“ (الاتاۋ، قورعاس سىرتقا باعىتتالعان 2 تەمىر جول شەكارا وتكەلى) جول توراپ ارناسى قالىپتاسادى ەكەن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
