12 – ايدا مەملەكەت بويىنشا جاراتىلىستىق اپاتتاردىڭ زيانى ادەتتەگى جىلدارداعى وسى مەزگىلدەگى دەڭگەيگە جۋىق بولادى
2021.12.08 15:20 كەلۋ قاينارى : حالىق تورابى
جۇمىسشىلار گازەتىنىڭ ءتىلشىسى ۋاڭ دۇڭمەي 12 – ايدىڭ 7 – كۇنى بەيجيڭنەن حابارلايدى. جۋىردا مەملەكەتتىك اپاتتىڭ زيانىن ازايتۋ كوميتەتىنىڭ كەڭسەسى، شۇعىل جاعدايلاردى باسقارۋ مينيسترلىگى تابيعي بايلىق مينيسترلىگى، سۋ يگىلىگى مينيسترلىگى، اۋىل شارۋاشىلىعى جانە اۋىل – قىستاق مينيسترلىگى، اۋا رايى ستانسياسى، ەنەرگيا مەكەمەسى، ورمان شارۋاشىلىعى جانە جايىلىم مەكەمەسى قاتارلى تاراۋلارمەن بىرگە، 12 – ايداعى بۇكىل ەلىمىزدەگى جاراتىلىستىق اپاتتار حاۋپىنىڭ جاعدايىنا تالداۋ جۇرگىزىپ، تۇجىرىمداۋ جاسادى. جان – جاقتى تالداۋلارعا نەگىزدەلە وتىرىپ بىلاي دەپ قارادى: 12 – ايدا ەلىمىزدە اپات زيانىنىڭ جاعدايى ادەتتەگى جىلدارداعى وسى مەزگىلدەگى دەڭگەيگە جۋىق بولادى، شىعىس سولتۇستىك، شينجياڭ قاتارلى جەرلەردىڭ ءىشىنارا وڭىرلەرىندە قالىڭ قار جاۋۋى سەبەپتى قار اپاتى تۋىلۋى ىقتيمال، باتىس وڭتۇستىكتەگى وڭىرلەردە كەزەڭدىك تومەن تەمپەراتۋرا، جاڭبىر جانە قار جاۋۋ، مۇز قاتۋ اپاتتارى تۋىلۋ حاۋپى ساقتالىپ وتىر، وڭتۇستىك پەن سولتۇستىكتەگى كوپتەگەن ورمانداردا ءورت اپاتى تۋىلۋىنىڭ ىقتيمالدىق دارەجەسى جوعارى، ورتا جۇڭگو مەن باتىس وڭتۇستىكتەگى وڭىرلەردە گەولوگيالىق اپاتتاردىڭ تۋىلۋ حاۋپى بار.
شىعىس سولتۇستىك جانە باتىس وڭتۇستىك قاتارلى وڭىرلەردە سۋىق اعىس پەن بوراننان قالىپتاسقان تومەن تەمپەراتۋرا، جاڭبىر مەن قار اپاتىنىڭ تۋىلۋ حاۋپى بار. شامامەن 12 – ايدا ەلىمىزگە 4 رەت سۋىق اعىس ىقپال جاسايدى، قۋاتى جالپى جاقتان ءبىرشاما ءالسىز. حەيلۇڭجياڭنىڭ كوپ بولىگى، جيليننىڭ كوپ بولىگى، لياۋنيڭنىڭ سولتۇستىك بولىگى، شينجياڭنىڭ سولتۇستىك بولىگى، سىچۋاننىڭ باتىس بولىگى، يۇنناننىڭ كوپ بولىگى، شيزاڭنىڭ ورتا – وڭتۇستىك بولىگى قاتارلى جەرلەردە جاۋىن – شاشىن مولشەرى ادەتتەگى جىلدارداعىمەن سالىستىرعاندا كوبىرەك بولادى. سولتۇستىكتەگى ءىشىنارا وڭىرلەردە بوران، تومەن تەمپەراتۋرا، توڭ ءجۇرۋ جانە قار اپاتى سياقتى اپاتتاردىڭ اۋىل شارۋاشىلىعى مەن مال شارۋاشىلىعى قۇرىلعىلارىنا، سۋمەن، توكپەن، جىلۋمەن قامداۋ قاتارلىلارعا ءتيىمسىز ىقپال جاساۋىنان ساقتانۋ قاجەت، باتىس وڭتۇستىك قاتارلى جەرلەردە كەزەڭدىك تومەن تەمپەراتۋرا، جاڭبىر جانە قار، توڭ ءجۇرۋ اپاتتارىنان تۋىندايتىن قاتىناس شىرعالاڭى، ەلەكتر قۋاتىنىڭ ءۇزىلۋى قاتارلى حاۋىپتەردەن ساقتانۋ قاجەت. سۋىق اعىستىڭ ىقپالىنا ۇشىراعاندىقتان، ەلىمىزدىڭ تاياۋ تەڭىز الاپتارىندا 4 مەتردەن اساتىن، اپات سيپاتىنداعى تەڭىز تولقىندارى 5 – 6 رەت تۋىلۋى مۇمكىن، تەڭىز تولقىنى اپاتىنان تۋىنداعان تەڭىزدەگى قاتىناس شىرعالاڭى حاۋپىنەن ساقتانۋ قاجەت.
وڭتۇستىك پەن سولتۇستىكتەگى كوپ جەردە ورمانعا ءورت كەتۋ حاۋپى ءبىرشاما اۋىر. مەجەمەن 12 – ايدا، بەيجيڭنىڭ سولتۇستىگى، حىبەيدىڭ سولتۇستىگى، جىجياڭنىڭ وڭتۇستىگى، انحۇيدىڭ وڭتۇستىگى، فۋجياننىڭ كوپ بولىگى، جياڭشيدىڭ كوپ بولىگى، حىناننىڭ وڭتۇستىگى، حۋبەيدىڭ ورتا بولىگى، حۋناننىڭ كوپ بولىگى، گۋاڭدۇڭنىڭ كوپ بولىگى، گۋاڭشيدىڭ شىعىسى، سىچۋاننىڭ وڭتۇستىگى، يۇنناننىڭ سولتۇستىگى قاتارلى جەرلەردە ءىشىنارا كەزەڭدەردە ورمانعا ءورت كەتۋ حاۋپىنىڭ دارەجەسى ءبىرشاما جوعارى بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
