«شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى پايىمداۋلارىنان ۇزىندىلەر» باسپادان شىعىپ تاراتىلدى
2021.12.08 17:30 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 7 – كۇنى، بەيجيڭ. ج ك پ ورتالىق كوميتەتىنىڭ پارتيا تاريحى جانە قۇجات زەرتتەۋ ورنى رەداكسيالاعان «شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى پايىمداۋلارىنان ۇزىندىلەر» اتتى كىتاپ تاياۋدا ورتالىق قۇجات باسپاسى جاعىنان باسپادان شىعىپ، بۇكىل ەل كولەمىندە تاراتىلدى.
بارلىق ادامنىڭ ادامدىق ۇقىقتان تولىق يگىلىكتەنۋى − ادامزات قوعامىنىڭ ۇلى ارمانى. جۇڭگو كوممۋنيستىك پارتياسى مەن جۇڭگو ۇكىمەتى ادامدىق ۇقىققا باستان - اياق قۇرمەت ەتىپ جانە ونى قامتاماسىزداندىرىپ كەلەدى. جۇڭگو كوممۋنيستىك پارتياسى دۇنيەگە كەلگەن كۇننەن باستاپ حالىقتىڭ باقىتىن كوزدەۋدى، ادامزاتتىڭ دامۋىن كوزدەۋدى كۇرەس نىساناسى ەتتى. جاڭا جۇڭگو قۇرىلعان 70 نەشە جىلدان بەرى جۇڭگو كىسىلىك ۇقىقتىڭ جالپىلىق پرينسيبىن جۇڭگونىڭ ٴىس جۇزىندىگىمەن ۇشتاستىرۋدا تاباندى بولىپ، جۇڭگونىڭ مەملەكەت جاعدايىنا ۇيلەسەتىن ادامدىق ۇقىقتى دامىتۋ جولىمەن ٴجۇردى. اسىرەسە، پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى حالىقتىڭ مۇددەسىن بارىنەن جوعارى ورىنعا قويۋدا تاباندى بولىپ، حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، حالىقتى وزەك ەتكەن ادامدىق ۇقىق تانىمىن اتقارىپ، ٴومىر ٴسۇرۋ ۇقىعى مەن دامۋ ۇقىعىن ماڭداي الدى نەگىزگى ادامدىق ۇقىق ەتىپ، جالپى حالىقتىڭ ەكونوميكا، ساياسي، قوعام، مادەنيەت، ورتا ۇقىقتارىن سايكەستىرىپ كۇشەيتىپ، قوعامدىق ادىلدىك پەن تۋراشىلدىقتى كۇش سالا قورعاپ، ادامنىڭ جان - جاقتى دامۋىن جەبەپ، ادامدىق ۇقىقتى زاڭمەن جونگە سالۋدى كۇشەيتىپ، جۇڭگو حالقىنىڭ ٴتۇرلى نەگىزگى ۇقىقتارىنا قۇرمەت ەتۋ جانە ونى قامتاماسىزداندىرۋ ورەسىن ۇزدىكسىز جوعارىلاتىپ، جۇڭگونىڭ ادامدىق ۇقىق ىستەرىن ىلگەرىلەتۋدە وراسان زور تابىستارعا قول جەتكىزىپ، دۇنيە ءجۇزىنىڭ كىسىلىك ۇقىق ىستەرىنىڭ دامۋىنا ماڭىزدى ۇلەس قوستى. باس شۋجي شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋدى توڭىرەكتەپ جاريالاعان ٴبىرقىدىرۋ ماڭىزدى پايىمداۋلارىنىڭ ماقساتى اسقاق، مازمۇنى باي، يدەياسى تەرەڭ، ٴبىزدىڭ جۇڭگو حالقىنىڭ ادامدىق ۇقىعىن اناعۇرلىم جوعارى دەڭگەيدە قامتاماسىز ەتىپ، سوتسياليستىك وسىزاماندانعان مەملەكەتتى جاپپاي قۇرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرىپ، دۇنيە جۇزىلىك ادامدىق ۇقىقتى جونگە سالۋدىڭ اناعۇرلىم ٴادىل، ۇيلەسىمدى، سيىسىمدى بولۋىن ىلگەرىلەتىپ، ادامزاتتىڭ تاعدىرلاس ورتاق تۇلعاسىن بىرگە قۇرۋدا توتەنشە ماڭىزدى مانگە يە.
«پايىمداۋلاردان ۇزىندىلەر» 9 ارناۋلى تاقىرىپقا بولىنگەن، جالپى 335 پايىمداۋدان تۇرادى، شي جينپيڭ جولداستىڭ 2012 – جىلى 11 - ايدىڭ 15 - كۇنىنەن 2021 – جىلى 10 - ايدىڭ 30 - كۇنىنە دەيىنگى مەزگىلدەگى بايانداماسى، ٴسوزى، اڭگىمەسى، لەكسياسى، قۇتتىقتاۋ حاتى، نۇسقاۋى سياقتى 160 نەشە ماڭىزدى قۇجاتتان الىنعان. مۇنىڭ ىشىندە ٴىشىنارا پايىمداۋ تۇڭعىش رەت اشىق جاريالانىپ وتىر.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
