ءبىر تريلليون 365 ميلليارد 700 ميلليون جىڭ!
2021.12.08 17:37 كەلۋ قاينارى : حالىق تورابى
12 - ايدىڭ 6 - كۇنى، مەملەكەتتىك ساناق مەكەمەسى 2021 – جىلعى استىق ءونىم مولشەرى ساندى مالىمەتىن جاريالادى. 2021 – جىلى بۇكىل ەل بويىنشا استىقتىڭ جالپى ءونىم مولشەرى ءبىر تريلليون 365 ميلليارد 700 ميلليون جىڭ بولىپ، الدىنداعى جىلداعىدان 26 ميلليارد 700 ميلليون جىڭ، %2.0 ارتىپ، تۇتاس جىلدا استىقتىڭ ءونىم مولشەرى تاعى دا تىڭ ورەگە كوتەرىلىپ، ءۇرتىس 7 جىل ءبىر تريلليون 300 ميلليارد جىڭنان استام دەڭگەيدى ساقتادى. مۇنىڭ ىشىندە كۇزگى استىقتىڭ ءونىم مولشەرى ءبىر تريلليون 17 ميلليارد 800 ميلليون جىڭ بولىپ، الدىنداعى جىلداعىدان 19 ميلليارد 100 ميلليون جىڭ، %1.9 ارتقان. 2021 ـ جىلى، بۇكىل ەل بويىنشا استىق ەگىلگەن جەر اۋدانى ءبىر ميلليارد 764 ميلليون مۋ بولىپ، الدىڭعى جىلداعىدان 12 ميلليون 950 مىڭ مۋ ارتىپ، %0.7 ارتىپ، ءۇرتىس 2 جىل ارتقان.
2021 – جىلى، حىنان قاتارلى جەرلەردە قالىڭ جاڭبىر جاۋىپ، تاسقىن اپاتى تۋىلىپ، باتىس سولتۇستىكتەگى شانشي، گانسۋ، نيڭشيانىڭ ءىشىنارا رايوندارىندا كەزەڭدىك قۋاڭشىلىق بولىپ، كۇزگى جيىن - تەرىن كەزىندە سولتۇستىك جۇڭگو مەن حۋاڭحى، ۋيحى، حايحى وڭىرلەرىندە ءۇرتىس بۇلتتى جاڭبىرلى اۋا رايى بولىپ، ءىشىنارا رايونداردىڭ كۇزگى استىق وندىرىسىنە بەلگىلى ىقپال جاساعانىمەن، بۇكىل ەلدەگى نەگىزگى اۋىل شارۋاشىلىق رايوندارىنىڭ باسىم كوپ بولەگىندە جارىق، جىلۋ، سۋ جاقسى سايكەستىرىلىپ، اۋا رايى شارت - جاعدايى جالپى جاقتان استىق داقىلدارىنىڭ ءوسىپ - جەتىلۋى مەن ءونىم مولشەرىنىڭ قالىپتاسۋىنا ءتيىمدى بولدى. سونىمەن بىرگە، جوعارى ءونىمدى داقىل − جۇگەرىنىڭ ەگىلۋ كولەمى كەڭەيىپ، استىق داقىلدارىندا ۇستايتىن سالىستىرماسى جوعارىلاپ، استىقتىڭ بىرلىك ءونىمىن ارتتىرۋدى جەبەدى.
استىق ءونىم مولشەرىن ناقتى ولشەپ ۇلگى الىپ تەكسەرۋدە كورسەتىلۋىنشە، 2021 – جىلى بۇكىل ەل بويىنشا استىق داقىلدارىنىڭ بىرلىك ءونىمى مۋ باسىنا 387 كيلوگرام، مۋ باسىنا تۋرا كەلەتىن ءونىم مولشەرى الدىنداعى جىلداعىدان 4.8 كيلوگرام، %1.2 ارتقان.
شىعىس سولتۇستىكتەگى ءۇش ولكە مەن ىشكى موڭعۇلدىڭ ءونىمدى ارتتىرۋعا قوسقان ۇلەسى ءبىرشاما زور بولدى. بۇكىل ەلدەگى 31 ولكەنىڭ (اۆتونوميالى رايون، توتە قاراستى قالا) 27سى استىق ءونىمىن ارتتىردى. مۇنىڭ ىشىندە، شىعىس سولتۇستىكتەگى ءۇش ولكەنىڭ جانە ىشكى موڭعۇل ءوڭىرىنىڭ جالپى ءونىمى 18 ميلليارد 800 ميلليون جىڭعا جەتىپ، بۇكىل ەل بويىنشا استىق ءونىمىنىڭ ارتۋىنا قوسقان ۇلەسى %70.3 بولعان. شينجياڭ، انحۇي، حۋنان، سىچۋان، شاندۇڭ ولكەلەرىندە ءبىر ميلليارد جىڭنان استام ءونىم ارتتى. ەرەكشە قالىڭ جاڭبىردىڭ ىقپالىنان حىناننىڭ اپات جاعدايى اۋىر بولىپ، 5 ميلليارد 600 ميلليون جىڭ ءونىم ازايدى.
2021 ـ جىلى، بۇكىل ەل بويىنشا استىقتان تاعى دا مول ءونىم الىنىپ، استىق ءونىم مولشەرى ءۇرتىس 7 جىل ءبىر تريلليون 300 ميلليارد جىڭنان اسىپ، مەملەكەتتىڭ استىق حاۋىپسىزدىگىنە كەپىلدىك ەتۋگە، كۇردەلى دە الماعايىپ ىشكى ـ سىرتقى جاعدايعا توتەپ بەرۋگە، ءتۇرلى حاۋىپ ـ قاتەر مەن سىن ـ سايىستاردى جەڭۋگە پارمەندى تىرەك ازىرلەپ، «14 ـ بەسجىلدىقتىڭ» جاقسى باستالۋىنا، جاقسى قادام تاستاۋىنا، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋگە، جاڭا دامۋ جاعدايىن قالىپتاستىرۋعا بەرىك نەگىز قالادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
