«‹14 – بەسجىلدىق› مەزگىلىندە اۋىل شارۋاشىلىعىن جانە اۋىل – قىستاقتى وسىزامانداندىرۋ جوباسى» ماقۇلداندى
جاڭا كەزەكتى اۋىل شارۋاشىلىعىن جانە اۋىل – قىستاقتى وسىزامانداندىرۋ جوباسى جاسالىپ بولدى (ۇكىمەت تاراۋى جاريالاعان مالىمەت)
حالىق گازەتىنىڭ ءتىلشىسى يۇي جيڭشيان
2021.12.09 13:56 كەلۋ قاينارى : حالىق تورابى
اۋىل شارۋاشىلىعىن جانە اۋىل – قىستاقتى وسىزامانداندىرۋ — جاپپاي سوتسياليستىك وسىزاماندانعان مەملەكەت قۇرۋداعى كەلەلى مىندەت. جۋىردا مەملەكەتتىك كەڭەس «‹14 – بەسجىلدىق› مەزگىلىندە اۋىل شارۋاشىلىعىن جانە اۋىل – قىستاقتى وسىزامانداندىرۋ جوباسىن» (تومەندە «جوبا» دەپ اتالادى) جاريالادى. «بۇل پارتيا 19 – كەزەكتى ورتالىق كوميتەتى بەسىنشى جالپى ءماجىلىسىنىڭ، التىنشى جالپى ءماجىلىسىنىڭ رۋحى مەن مەملەكەتتىڭ ‹14 – بەسجىلدىق› جوبا نۇسقاسىنىڭ تالابىن تياناقتاندىرۋداعى ناقتى ورنالاستىرۋ، اۋىل شارۋاشىلىعىن وسىزامانداندىرۋ مەن اۋىل – قىستاقتى وسىزامانداندىرۋدى ءبىر تۇلعالاندىرىپ جوبالاعان، بىرگە ىلگەرىلەتەتىن جوبا»، — دەدى اۋىل شارۋاشىلىعى جانە اۋىل – قىستاق مينيسترلىگىنىڭ ورىنباسار مينيسترى دىڭ شياۋگاڭ مەملەكەتتىك كەڭەس اقپارات كەڭسەسى 12 – ايدىڭ 8 – كۇنى وتكىزگەن مەملەكەتتىك كەڭەستىڭ ساياسات جونىندەگى كەزەكتى تىلشىلەردى قابىلداۋ ماجىلىسىندە.
ماجىلىستە تانىستىرۋعا قاراعاندا، «جوبانى» جاساۋعا اۋىل شارۋاشىلىعى جانە اۋىل – قىستاق مينيسترلىگى مەن مەملەكەتتىك دامۋ – رەفورما كوميتەتى جەتەكشىلىك ەتىپ، 32 تاراۋدى ۇيىمداستىرۋ ارقىلى قۇراستىرىپ شىققان، باستى مازمۇندارى «14 – بەسجىلدىق» مەزگىلىندە اۋىل شارۋاشىلىعىن جانە اۋىل – قىستاقتى وسىزامانداندىرۋدىڭ ەرەكشەلىكتەرى، ستراتەگيالىق باعدارى، جالپى تۇلعالىق تالابى، باستى نىساناسى، ءتۇيىندى مىندەتتەرى، كەلەلى ينجەنەريالار، ساياساتتىق شارالار قاتارلىلاردى قامتيدى.
«13 – بەسجىلدىق» مەزگىلىندە، مەملەكەتتىك كەڭەس بۇكىل ەلىمىز بويىنشا اۋىل شارۋاشىلىعىن جانە اۋىل – قىستاقتى وسىزامانداندىرۋ جوباسىن جاريالاپ، استىق قاتارلى ماڭىزدى اۋىل شارۋاشىلىعى ونىمدەرىمەن قامداۋ قۋاتى جانە اۋىل شارۋاشىلىعىنىڭ ساپاسى مەن ونىمدىلىگى قاتارلى جاقتاردا ورنىقتى جوعارىلاۋ بولىپ، اۋىل شارۋاشىلىعىن وسىزامانداندىرۋ قۇرىلىسىندا كورنەكتى ونىمدىلىكتەرگە قول جەتكىزدىك. «‹14 – بەسجىلدىق› مەزگىلىندە، اۋىل شارۋاشىلىعى، اۋىل – قىستاق جانە شارۋالار قىزمەتىنىڭ وزەكتى ءتۇيىنى اۋىل – قىستاقتى گۇلدەندىرۋدى جاپپاي ىلگەرىلەتۋگە قاراي تاريحي سيپاتتى بۇرىلىس جاسادى»، — دەپ تانىستىردى دىڭ شياۋگاڭ، جاڭا كەزەڭ، جاڭا جاعداي، جاڭا تالاپتاردى مىقتى يگەرىپ، «جوبا» اۋىل – قىستاقتى گۇلدەندىرۋ ستراتەگياسىن جەتەكشى، ورتاق بايۋدى نىسانا ەتە وتىرىپ، اۋىل شارۋاشىلىعىن جانە اۋىل – قىستاقتى وسىزامانداندىرۋدى ءبىرتۇلعالاندىرا جوبالاۋدى، بىرگە ىلگەرىلەتۋدى جول ەتكەن، بۇل وسى «جوبانىڭ» كورنەكتى 3 ەرەكشەلىگى.
«جوبادا» مىنالار اتاپ كورسەتىلگەن: 2025 – جىلعا بارعاندا، اۋىل شارۋاشىلىعىنىڭ نەگىزى اناعۇرلىم بەكەمدەلىپ، اۋىل – قىستاقتى گۇلدەندىرۋ ستراتەگياسى جاپپاي ىلگەرىلەتىلەدى، اۋىل شارۋاشىلىعىن جانە اۋىل – قىستاقتى وسىزامانداندىرۋدا كەلەلى ىلگەرىلەۋشىلىكتەرگە قول جەتكىزىلەدى. شارت – جاعداي ازىرلەگەن وڭىرلەردە اۋىل شارۋاشىلىعىن جانە اۋىل – قىستاقتى وسىزامانداندىرۋ ساتىلى تۇردە نەگىزىنەن ورىندالادى، كەدەيلىكتەن ارىلعان وڭىرلەردە كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋدى اۋىل – قىستاقتى گۇلدەندىرۋمەن ءونىمدى ۇشتاستىرۋ ىسكە اسىرىلادى. 2035 – جىلعا بارعاندا، اۋىل – قىستاقتى جالپى بەتتىك گۇلدەندىرۋدە شەشۋشى ىلگەرىلەۋشىلىككە قول جەتكىزۋگە، اۋىل شارۋاشىلىعى مەن اۋىل – قىستاقتى نەگىزىنەن وسىزامانداندىرۋعا كۇش سالىنادى.
«14 – بەسجىلدىق» مەزگىلىندە اۋىل شارۋاشىلىعىن جانە اۋىل – قىستاقتى وسىزامانداندىرۋ ىلگەرىلەتىلەدى، «جوبادا» 7 جاقتاعى ءتۇيىندى مىندەتكە، اتاپ ايتقاندا، «ءۇشتى جوعارىلاتۋ، ءۇشتى قۇرۋ، ءبىردى ۇشتاستىرۋعا» نازاردى شوعىرلاندىرۋ ايقىندالعان. «ءۇشتى جوعارىلاتۋعا» نازاردى شوعىرلاندىرۋ دەگەنىمىز اۋىل شارۋاشىلىعىن وسىزامانداندىرۋدى ىلگەرىلەتۋدە استىق قاتارلى ماڭىزدى اۋىل شارۋاشىلىعى ونىمدەرىمەن قامداۋعا كەپىلدىك ەتۋ دەڭگەيىن جوعارىلاتۋ، اۋىل شارۋاشىلىعىنىڭ ساپاسى مەن ونىمدىلىگىن جانە باسەكەلىك قۋاتىن جوعارىلاتۋ، كاسىپ سالاسى تىزبەگى مەن قامداۋ تىزبەگىنىڭ وسىزاماندانۋ دەڭگەيىن جوعارىلاتۋ؛ «ءۇشتى قۇرۋعا» نازاردى شوعىرلاندىرۋ دەگەنىمىز اۋىل – قىستاقتى وسىزامانداندىرۋدا قونىستانۋعا دا، كاسىپتەنۋگە دە جايلى اۋىل – قىستاق قۇرۋ، جاسىل دا كورىكتى اۋىل – قىستاق قۇرۋ، وركەنيەتتى دە جاراسىمدى اۋىل – قىستاق قۇرۋ؛ «ءبىردى ۇشتاستىرۋعا» نازاردى شوعىرلاندىرۋ دەگەنىمىز كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋدى اۋىل – قىستاقتى گۇلدەندىرۋدى جاپپاي ىلگەرىلەتۋمەن ءونىمدى ۇشتاستىرۋدى كورسەتەدى.
«جوبادا» استىق قاتارلى ماڭىزدى اۋىل شارۋاشىلىعى ونىمدەرىمەن ءونىمدى قامداۋعا كەپىلدىك ەتۋ اۋىل شارۋاشىلىعى مەن اۋىل – قىستاقتى وسىزامانداندىرۋداعى باستى مىندەت ەتىلگەن. اۋىل شارۋاشىلىعى جانە اۋىل – قىستاق مينيسترلىگىنىڭ اۋىل شارۋاشىلىق سالاسىنداعى باس مامانى، دامۋ جوباسى مەڭگەرمەسىنىڭ باستىعى زىڭ ياندى مىنانى ءبىلدىردى: جۋىرداعى جىلداردان بەرى، ەلىمىز استىق وندىرىسىندە جىل سايىن مول ءونىم الىپ، استىق حاۋىپسىزدىگىنە جالپى جاقتان كەپىلدىك ەتىلدى، الايدا، الداعى ءبىر مەزگىلدە، ەلىمىزدىڭ استىققا بولعان قاجەتسىنۋى ءالى دە ۇزدىكسىز ارتاتىنىن تانىپ جەتۋىمىز كەرەك. «جوبادا» بۇعان قاتىستى ورنالاستىرۋلار استىق تۇتىنۋ قاجەتىندەگى تۇراقتى ارتۋ بەتالىسىنا ۇيلەستىرىلگەن، ەگىستىك جەر مەن تۇقىم شارۋاشىلىعىن مىقتى ۇستاپ، جەرگىلىكتى ۇكىمەت ورىندارىن اۋىل شارۋاشىلىعىنا ءمان بەرىپ، استىق ءوندىرىسىن جانە شارۋالاردىڭ استىق ەگۋىن مىقتى يگەرۋ جاعىنداعى «ەكىدە بەلسەندى بولۋعا»، سونداي – اق تيجارات، قىزمەت وتەۋ جانە اۋىل شارۋاشىلىعى قۇرال – جابدىقتارى جاعىندا «ەكىدە جاڭالىق جاراتۋدى» ىلگەرىلەتۋگە جەبەۋ باسا دارىپتەلگەن.
اۋىل شارۋاشىلىعىن جانە اۋىل – قىستاقتى وسىزامانداندىرۋدا، ءسوزسىز، قالا مەن اۋىلدى توعىستىرا دامىتۋ جولىمەن ءجۇرۋ كەرەك. مەملەكەتتىك دامۋ – رەفورما كوميتەتى اۋىل – قىستاق ەكونوميكاسى مەڭگەرمەسىنىڭ باستىعى ۋ شياۋ بىلاي دەپ تانىستىردى: «جوبادا» اۋدان كولەمىن قالا مەن اۋىلدى توعىستىرا دامىتۋداعى ماڭىزدى باستاما ەتىپ، اۋىل – قىستاقتاعى حالىق تۇرمىسىنا كەپىلدىك ەتۋ مەن ونى جاقسارتۋدى الدىمەن ويلاستىراتىن باعىت ەتۋ، ونەركاسىپ ارقىلى اۋىل شارۋاشىلىعىن تولىقتاۋ، قالا ارقىلى اۋىلدى جەتەلەۋ قىزمەتىن كۇشەيتىپ، قالا مەن اۋىلدى توعىستىرا دامىتۋ ءتۇزىلىسى مەحانيزمى مەن ساياساتتىق جۇيەسىن جەدەل ورناتىپ جانە كەمەلدەندىرىپ، الەۋمەتتىك بايلىق قاينارىن اۋدان كولەمىندە ءبىرتۇتاس جوسپارلاپ، قالا مەن اۋىلدى سايكەستىرە دامىتۋدى، بىرگە گۇلدەندىرۋدى ىلگەرىلەتۋ قاجەت. ناقتى ورنالاستىرۋ جاعىنان الىپ ايتقاندا، مۇندا نەگىزىنەن اۋىل شارۋاشىلىعىنان ويىسقان جان سانىن قالا تۇرعىندارى قاتارىنا قابىلداۋ، اۋدان كولەمىندە قالا مەن اۋىلدى توعىستىرا دامىتۋ جانە قالا مەن اۋىل اراسىنداعى باستى فاكتورلار اينالىمىنىڭ ارنالارىن ىركىلىسسىزدەندىرۋ قاتارلىلار قامتىلادى.
«14 – بەسجىلدىق» مەزگىلىندە اۋىل شارۋاشىلىعى مەن اۋىل – قىستاقتى وسىزامانداندىرۋ جوباسى جاسالىپ بولدى. دىڭ شياۋگاڭ مىنانى ءبىلدىردى: اۋىل شارۋاشىلىعى جانە اۋىل – قىستاق مينيسترلىگى قاتىستى تاراۋلارمەن بىرگە «جوبانى» اتقارۋدى سايكەستىرە ىلگەرىلەتۋ مەحانيزمىن ورناتىپ، مىندەتتى، قىزمەت ءبولىسىن ايقىنداپ، «جوبانى» ۇشتاستىرۋدى كۇشەيتىپ، «جوباداعى» ءارقايسى نىسانالىق مىندەتتەردىڭ دەر كەزىندە ساپالى ورىندالۋىنا كەپىلدىك ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
