مەملەكەتتىك ءبىر توپ ولشەم جاريالاندى
ىندەتتەن ساقتانۋ – تىزگىندەۋ، جاسىل، باياندى دامۋ، اۋىل شارۋاشىلىعى جانە اۋىل – قىستاق، الەۋمەتتىك قىزمەت وتەۋ قاتارلى سالالارعا سايادى
2021.12.14 13:31 كەلۋ قاينارى : حالىق تورابى
جۇمىسشىلار جۋرنالىنىڭ ءتىلشىسى جياڭ حان حابارلايدى. ءتىلشىنىڭ جۋىردا بازاردى باقىلاۋ – باسقارۋ باس مەكەمەسىنەن ۇعىسۋىنشا، «جاڭا تيپتى ايدارشا ۆيرۋس نۋكلەين قىشقىلىن تەكسەرۋ قوراپتى سىناق ءدارىسىنىڭ ساپاسىن تەكسەرۋ، باعا بەرۋ تالابى» قاتارلى مەملەكەتتىك 5 ءتۇرلى ولشەمدى جاريالادى، بۇل ولشەمدەر نۋكلەين قىشقىلىن تەكسەرۋ، انتيدەنەنى تەكسەرۋ، انتيگەندى تەكسەرۋ قاتارلى جاڭا تيپتى ايدارشا ۆيرۋسقا قاتىستى باستى تەكسەرۋ تۇرلەرىن قامتىپ، ەلىمىزدىڭ جاڭا تيپتى ايدارشا ۆيرۋستى تەكسەرۋ سىناق ءدارىسىن زەرتتەۋىنە، تىركەۋگە الۋىنا جانە بازارعا شىعارعاننان كەيىن باقىلاۋ – باسقارۋىنا تەحنيكالىق نەگىز ازىرلەدى. قاتىستى مامانداردىڭ ايتۋىنشا، بۇل 5 ءتۇرلى ولشەم — ەلىمىزدىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋ قىزمەتىندەگى شۇعىل جاعدايعا توتەپ بەرۋ ولشەم جۇيەسىنىڭ ماڭىزدى قۇرامداس بولىگى بولىپ، ەلىمىزدىڭ ىندەتتەن ساقتانۋ – تىزگىندەۋ قىزمەتىنە بەرىك تەحنيكالىق نەگىز ازىرلەگەن.
جۋىردا، بازاردى باقىلاۋ – باسقارۋ باس مەكەمەسى (ولشەم بەلگىلەۋ كوميتەتى) ىندەتتەن ساقتانۋ – تىزگىندەۋ، جاسىل دا باياندى دامۋ، اۋىل شارۋاشىلىعى جانە اۋىل – قىستاق، الەۋمەتتىك قىزمەت وتەۋ قاتارلى سالالاردا مەملەكەتتىك ءبىر توپ ولشەمدى شوعىرلى تۇردە جاريالاعان، بۇل حالىق بۇقاراسىنىڭ دەنساۋلىعىن قورعاۋ، حالىقتىڭ ساپالى تۇرمىس وتكىزۋىنە كەپىلدىك ەتۋگە دەم بەرۋ قاتارلى جاقتاردا ماڭىزدى تەحنيكالىق تىرەكتىك رولىن اتقارادى.
جاسىل دا باياندى دامۋ سالاسىندا، «سۋ تازارتقىشتىڭ سۋ تازارتۋ ونىمدىلىگىنىڭ شەكتى قۇنى جانە سۋ تازارتۋ ونىمدىلىگىنىڭ دارەجەسى» اتىنداعى ءماجبۇرلى اتقارىلاتىن مەملەكەتتىك ولشەمدى جاريالاپ، قولدانىلاتىن كولەمى، سۋ تازارتۋ مولشەرى، كەسىمدى جالپى سۋ تازارتۋ مولشەرى، كەرەكسىز زاتتاردى كەتىرۋ ونىمدىلىگى قاتارلى جاقتاردا تالاپتاردى ورتاعا قويىپ، تۇتىنۋشىلاردى سۋ ۇنەمدەيتىن ونىمدەردى ساتىپ الۋعا ۇندەدى.
اۋىل شارۋاشىلىعى جانە اۋىل – قىستاق سالاسىندا، «مال مەن ءۇي قۇستارىنىڭ ەتىنىڭ ساپاسىن دارەجەگە ءبولۋ ەرەجەسى» اتتى مەملەكەتتىك ولشەمدى جاريالاپ، دارەجەگە ءبولۋ الدىنداعى دايىندىق، دارەجەگە ءبولىپ باعالاپ تۇراقتاندىرۋ، بەلگى جانە ەستەلىككە الۋ قاتارلىلاردى اتقارۋ تالاپتارىن بەلگىلەگەن. اتالعان ولشەمنىڭ جاريالانۋى جانە اتقارىلۋى دوڭىز، سيىر، قوي، تاۋىق، ۇيرەك قاتارلىلاردىڭ تۇتاس ەتىن جانە پارشالانعان ەتىن ساپاسى بويىنشا دارەجەگە ءبولۋدى اناعۇرلىم ارناعا ءتۇسىرىپ، ەلىمىزدىڭ مال جانە ءۇي قۇستارىنىڭ ەتىن دارەجەگە ءبولۋىنىڭ دۇرىستىق دارەجەسىن جوعارىلاتىپ، ساپالى ەتتىڭ باعاسى جوعارى بولۋدى ىسكە اسىرىپ، مال شارۋاشىلىعى ءوندىرىسى، مال سويۋ جانە مانەرلەۋ ىستەرىنىڭ ۇستىرتتىكتەن ساپالىلىققا قاراي، قۇنى تومەن بولۋدان ونىمدىلىگى جوعارى بولۋعا قاراي قادام تاستاۋىنا جەبەۋ بولادى.
الەۋمەتتىك قىزمەت وتەۋ سالاسىندا، «سويلەۋ قۋاتى كەدەرگىگە ۇشىراعانداردىڭ ەلەكتروندى سويلەسۋ اسپابىنا ءبىرتۇتاس قولدانىلاتىن تەحنيكالىق شارت» اتىنداعى مەملەكەتتىك ولشەمدى جاريالاپ، بازاردا ولشەمدەندىرىلگەن ەلەكتروندى سويلەسۋ اسپابىنىڭ جوق بولۋ سىندى بوستىقتى تولىقتادى، بۇل ەلەكتروندى سويلەسۋ اسپابىنىڭ ءونىم ساپاسىن جۇيەگە تۇسىرۋگە، دەنساۋلىق ساقتاۋ سالاسىنداعى كومەكشى اسپاپتار كاسىپ سالاسىنىڭ ساپاسىن جوعارىلاتىپ، ونىمدىلىگىن ارتتىرۋعا، سويلەۋ قۋاتى كەدەرگىگە ۇشىراعان ءبىر ميلليون 200 مىڭنان استام مۇگەدەكتىڭ زاڭدى ۇقىق – مۇددەسىنە كەپىلدىك ەتۋگە ءتيىمدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
